ⅩⅤ
Orogongo rw’Abayuda na emechie yabo
Ⅰ Chiamate chi’egesaku kia Yuda nigo chiaetwe orogongo rwabo ase ensemo ya Irianyi, ang’e norobebe rwa Edomu, ase erooro ya Sini ere Irianyi kegima.
Ⅱ Orobebe rwabo rwa Irianyi nigo rwachakerete ase ensinyo y’Enyancha y’omonyoo ensemo ya Irianyi,
Ⅲ rokagenderera gochia Irianyi y’egetunwa ki’Ebiuge, na goetera Sini gochia Irianyi ya Kadeshi‐Barinea, naende rogaeta Hezironi, rogatiira gochia Adari, rokaonchoka rogaika Karika,
Ⅳ rokagenderera gochia Asimoni rokabwatia orooche rw’orobebe rwa Misiri goika Enyancha Enene ase rwatwomerete. Oro narwo orobebe rw’Abayuda, ensemo ya Irianyi.
Ⅴ Orobebe rwa moocha nigo rwabwatetie Enyancha y’omonyoo goika ensemo yaye ya sugusu ase orooche rwa Yorodani ronuchete. Orobebe rwa sugusu nigo rwachakerete aroro,
Ⅵ rokagenderera gochia Beti‐Hogila, rogaeta sugusu ya Beti‐Araba. Erio rogaika Rigena ria Bohani, mosinto o Rubeni,
Ⅶ na rokagenda korwa ebate eria y’Akori goika Debiri, naende rokaonchoka sugusu gochia Giligali kororia Adumini, Irianyi y’ebate eria. Naende rokagenderera goika chinsoko chia Eni‐Semesi rogaika ase ensoko ya Eni‐Rogeli. Erio rokagenderera goika chinsoko chia Eni‐Semesi, na goika ensoko ya Eni‐Rogeli.
Ⅷ Erio rokagenderera gochia rikura ria mosinto o Hinomu, Irianyi y’egetunwa kia Yebusi, nao Yerusalemu. Magega y’ayio rogatiira gochia egetunwa igoro, ekio kerochie Rikura ria Hinomu, ensemo ya bosongo, sugusu y’ense omweremo ya Refaimu.
Ⅸ Korwa egetunwa igoro orobebe rogatirimboka gochia ensoko ya Nefitoa, na korwa agwo rogaikera emechie ang’e negetunwa gia Efuroni. Agwo rokaonchoka gochia Baala, (noro Kiriati‐Yearimu),
Ⅹ rogaetanana bosongo ya Baala gochia egetunwa gia Edomu, naende sugusu y’egetunwa kia Yearimu (nakio Kesaloni), na maate gochia Beti‐Semesi na rokabwatia Timuna.
Ⅺ Orobebe rokagenderera gochia sugusu ase egetunwa gi’Ekironi, rokaonchoka gochia Sikironi, rokabwatia egetunwa kia Baala, naende rogaika Yabuneli, na omoerio rogaika Enyancha Enene,
Ⅻ eyarenge orobebe rwa bosongo.
Abanto be chiamate chia Yuda nabwo bamenyete ase orogongo orwo.
Kalebu okobua Heburoni na Debiri
ⅩⅢ Kalebu, mosinto o Yefune, akaegwa orogongo rwaye ase egati y’abanto b’egesaku kia Yuda, buna Omonene achigete Yoshua. Akaegwa Kiriati‐Ariba, (nao Heburoni). Ariba nere orenge sokoro y’Anaki.
ⅩⅣ Kalebu agaseria abanto batato b’ororeria rw’Anaki korwa ase omochie oyio. Abanaki abwo nabwo aba: Sesai, na Ahimani, na Talimai.
ⅩⅤ Korwa agwo agatiira kogenda korwania abanto ba Debiri. (Kare omochie oyio nigo ore korokwa Kiriati‐Seferi).
ⅩⅥ Kalebu akabora, “Onde bwensi oranyare kobua na koira omochie o Kiriati‐Seferi nimoe omoiseke one Asika, abe mokaye.”
ⅩⅦ Otinieli, mosinto o Kenasi, momura omwabo Kalebu, akaira omochie oyio, na Kalebu akamoa omoiseke oye, akaba mokaye.
ⅩⅧ Ekero Asika achete bw’Otinieli, akamobooria asabe ise amoe oboremo. Asika akaayerera goika korwa ase etigere igoro. Erio Kalebu akamobooria, “Inki otagete?”
ⅩⅨ Asika akairaneria, “Nekeegwa ntagete, ekiagera ngwansogetie okang’ira ase ense enyomo ya Negebu. Ase ayio, ong’e chinsoko chi’amaache.” Kalebu akamoa chinsoko chia rogoro amo nechia maate.
Emechie y’Abayuda
ⅩⅩ Oyo noro omwando bwe chiamate chi’egesaku kia Yuda.
ⅩⅪ Emechie yabo eyarenge ensinyo kegima ya Irianyi ang’e norobebe rw’Edomu, nigo yarenge: Kabuseli, na Ederi, na Yaguri,
ⅩⅫ Na Kina, na Dimona, na Adada,
ⅩⅩⅢ na Kedesi, na Hazori, na Itinani,
ⅩⅩⅣ na Sifu, na Telemu, na Bealoti,
ⅩⅩⅤ na Hasori‐Hadata, na Kerioti‐Hezironi (noro Hasari),
ⅩⅩⅥ na Amamu, na Sema, na Molada,
ⅩⅩⅦ na Hasari‐Gada, na Hesimoni, na Beti‐Peleti,
ⅩⅩⅧ na Hasari‐Saulo, na Beeri‐Seba, na Bisiotia,
ⅩⅩⅨ na Baala, na Iyimu, na Esemu,
ⅩⅩⅩ na Elitoladi, na Kesili, na Horima,
ⅩⅩⅪ na Sikilagi, na Madimana, na Sanisana,
ⅩⅩⅫ na Lebaoti, na Silihimu, na Aini, na Rimoni, emechie emerongo ebere na kianda, amo nebichie biabo.
ⅩⅩⅩⅢ Ase ense omweya nero Esitaoli, na Sora, na Asina,
ⅩⅩⅩⅣ na Sanoa, na Eni‐Ganimu, na Tapua, na Enamu,
ⅩⅩⅩⅤ na Yarimuti, na Adulamu, na Soko, na Aseka,
ⅩⅩⅩⅥ na Saaraimu, na Aditaimu, na Gedera, na Gederotaimu, emechie ikomi na ene, amo nebichie biabo.
ⅩⅩⅩⅦ Naende yarengeo Senani, na Hadasa, na Migidali‐Gadi,
ⅩⅩⅩⅧ na Diliani, na Misipe, na Yokiteli,
ⅩⅩⅩⅨ na Lakisi, na Bosikati, na Egiloni,
ⅩⅬ na Kaboni, na Lamasi, na Kitilisi,
ⅩⅬⅠ na Gederoti, na Beti‐Dagoni, na Naama, na Makeda, emechie ikomi, na etano nomo, amo nebichie biabo.
ⅩⅬⅡ Naende yarengeo Libuna, na Eteri, na Asani,
ⅩⅬⅢ na Yifuta, na Asina, na Nesibu,
ⅩⅬⅣ na Keila, na Akisibu, na Maresa, emechie kianda, amo nebichie biabo.
ⅩⅬⅤ Norengeo Ekironi, amo nemechie na ebichie biaye;
ⅩⅬⅥ na korwa Ekironi gochia Enyancha Enene emechie yonsi yarengeo ensemo y’Asidodi, amo nebichie biaye.
ⅩⅬⅦ Naende yarengeo Asidoli na Gasa amo nemechie na ebichie biabo, goika orooche orore orobebe rwa Misiri, naende goika engegu y’Enyancha Enene.
ⅩⅬⅧ Na ase ense y’ebitunwa nigo yarengeo: Samiri, na Yatiri, na Soko,
ⅩⅬⅨ na Dana, na Kiriati‐Sana (noro Debiri),
Ⅼ na Anabu, na Esitemoa, na Animu,
ⅬⅠ na Goseni, na Holoni, na Gilo, emechie ikomi nomo, amo nebichie biabo.
ⅬⅡ Naende yarengeo Arabu, na Duma, na Esani,
ⅬⅢ na Yanumu, na Beti‐Tapua, na Afeka,
ⅬⅣ na Humuta, na Kiriati‐Ariba (noro Heburoni), na Sihori, emechie kianda, amo nebichie biabo.
ⅬⅤ Naende yarengeo Maoni, na Karimeli, na Sifu, na Yuta,
ⅬⅥ na Yesireeli, na Yokidamu, na Sanoa,
ⅬⅦ na Kaini, na Gibea, na Timuna, emechie ikomi, amo nebichie biabo.
ⅬⅧ Naende yarengeo Halihuli, na Beti‐Suri, na Gedori,
ⅬⅨ na Maarati, na Beti‐Anoti, na Elitekoni, emechie etano nomo, amo nebichie biabo.
ⅬⅩ Naende yarengeo Kiriati‐Baali (noro Kiriati‐Yearimu), na Raba, emechie ebere, amo nebichie biabo.
ⅬⅪ Na aria ase erooro nigo yarengeo: Beti‐Araba, na Midini, na Sekaka,
ⅬⅫ na Nibusani, na Omochie bw’Omonyoo, na Eni‐Gedi, emechie etano nomo, amo nebichie biabo.
ⅬⅩⅢ Korende Abayuda tibanyarete goseria Abayebusi, abamenyete Yerusalemu. Ase igo Abayebusi nigo bamenyete amo n’Abayuda goika reero iga.