ⅩⅨ
Orogongo rw’egesaku gia Simioni
Ⅰ Obomera bwa kabere bokagwera chiamate chi’egesaku gia Simioni. Omwando obo nigo orenge gati‐gati y’omwando bw’egesaku kia Yuda.
Ⅱ Emechie banyorete ase omwando obo nero: Beeri‐Seba, na Seba, na Molada,
Ⅲ na Hasari‐Suali, na Bala, na Esemu,
Ⅳ na Elitoladi, na Betuli, na Horima,
Ⅴ na Sikilagi, na Beti‐Marikaboti, na Hasari‐Susa,
Ⅵ na Beti‐Lebaoti, na Saruheni, emechie ikomi na etato, amo nebichie biabo.
Ⅶ Naende yarenge Aini, na Rimoni, na Eteri, na Asani, emechie ene, amo nebichie biabo.
Ⅷ Amo neyio bakanyora ebichie bionsi biaetanaine emechie eyio goika Baalati‐Beeri (noro Rama‐Negebu). Oyio noro orenge bwe chiamate chi’egesaku gia Simioni.
Ⅸ Omwando bw’egesaku gia Simioni nigo orenge ensemo y’oyio bw’egesaku kia Yuda, ekiagera ensemo y’egesaku kia Yuda nigo yarenge enene mono ase bare. Ayio naro agerete egesaku gia Simioni gekaegwa omwando obo korwa ase omwando bw’egesaku kia Yuda.
Orogongo rw’egesaku gia Sabuloni
Ⅹ Obomera bwa gatato bokagwera chiamate chi’egesaku gia Sabuloni. Orogongo rwabeete omwando obo rogaikera Saridi.
Ⅺ Korwa agwo orobebe rwabo rogatiira gochia bosongo, rogaika Marala, rogatwomera Dabeseti ne rigoko rire moocha ya Yokinamu.
Ⅻ Korwa Saridi rokagenderera goika Kisiloti‐Tabori, naende goika Daberati, erio rogatiira goika Yafia.
ⅩⅢ Korwa agwo rokagenderera gochia moocha, rogaika Gati‐Heferi na Eta‐Kasini, rokagenda gochia Rimoni, rokaonchoka gochia Nea.
ⅩⅣ Ensemo ya sugusu orobebe rokaonchokera Hanatoni, rogaikera ense omweremo ya Ifuta‐Eli.
ⅩⅤ Amo neyio orogongo rwabo rokabwaterania Katati, na Nahalali, na Simuroni, na Idala, na Bethlehemu, emechie ikomi na ebere, amo nebichie biabo.
ⅩⅥ Emechie eyio, amo nebichie biabo, nigo biarenge omwando bwe chiamate chi’egesaku gia Sabuloni.
Orogongo rw’egesaku gia Isakaru
ⅩⅦ Obomera bwa kane bokagwera chiamate chi’egesaku gia Isakaru.
ⅩⅧ Ensemo yabo nigo yabwateranetie Yesireeli, na Kesuloti, na Sunemu,
ⅩⅨ na Hafaraimu, na Sihoni, na Anaharati,
ⅩⅩ na Rabiti, na Kisioni, na Ebesi,
ⅩⅪ na Remeti, na Eni‐Ganimu, na Eni‐Hada, na Beti‐Pasesi.
ⅩⅫ Orobebe rwabo rogatwomera boigo Tabori na Sahasuma, na Beti‐Semesi, rokanacha Yorodani. Orogongo oro rokabwaterania emechie ikomi, na etano nomo, amo nebichie biabo.
ⅩⅩⅢ Emechie eyio, amo nebichie biabo, nero omwando bwe chiamate ch’egesaku gia Isakaru.
Orogongo rw’egesaku gi’Aseri
ⅩⅩⅣ Obomera bwa gatano bokagwera chiamate chi’egesaku gi’Aseri.
ⅩⅩⅤ Ensemo yabo nigo yabwateranetie Helikati, na Hali, na Beteni, na Akisafu,
ⅩⅩⅥ na Alameleki, na Amadi, na Misali. Ensemo ya bosongo orobebe rwabo rogatwomera Karimeli na Sihori‐Libinati.
ⅩⅩⅦ Erio rokaonchoka gochia moocha, rokagenderera goika Beti‐Dagoni, rogatwomera Sabuloni na ense yo’mweremo o Ifuta‐Eli, ensemo ya sugusu, rogaika Beti‐Emeki na Neieli. Erio rokagenderera gochia sugusu goika Kabuli,
ⅩⅩⅧ na Eburoni, na Rehobu, na Hamoni, na Kana, rogaika Sidoni, Omochie omonene.
ⅩⅩⅨ Erio orobebe rokaonchoka gochia Rama, rogaika omochie omonene o Turo, oyogiteire chindwaki, rokaonchoka gochia Hosa, na rokanucha Enyancha Enene. Naende orogongo orwo rokabwaterania engegu y’ensemo y’Akisibu,
ⅩⅩⅩ na Uma, na Afeki, na Rehobu, emechie emerongo ebere, na ebere, amo nebichie biabo.
ⅩⅩⅪ Emechie eyio, amo nebichie biabo, nero omwando bwe chiamate chi’egesaku gi’Aseri.
Orogongo rw’egesaku kia Nafutali
ⅩⅩⅫ Obomera bwa gatano na rimo bokagwera chiamate chi’egesaku kia Nafutali.
ⅩⅩⅩⅢ Orobebe rwabo rogaachaka korwa Helefu ase Omoaluni orenge, agwo Sananimu, na korwa Adami‐Nekebu, na Yabuneli, rogaika Lakumu, rogatwomera Yorodani.
ⅩⅩⅩⅣ Erio orobebe rokaonchoka gochia bosongo goika Asinoti‐Tabori, na korwa agwo rokagenderera goika Hukoki, rogatwomera orogongo rw’egesaku gia Sabuloni ensemo ya Irianyi, na orw’egia Aseri ensemo ya bosongo, na orw’ekia Yuda ensemo ya moocha ase Yorodani.
ⅩⅩⅩⅤ Emechie yabo yagiteire chindwaki nero: Sidimu, na Seri, na Hamati, na Rakati, na Galili,
ⅩⅩⅩⅥ na Adama, na Rama, na Hasori,
ⅩⅩⅩⅦ na Kedesi na Edirei, na Eni‐Hasori,
ⅩⅩⅩⅧ na Yironi, na Migidali‐Eli, na Horemu, na Beti‐Anati, na Beti‐Semesi, emechie ikomi na kianda, amo nebichie biabo.
ⅩⅩⅩⅨ Emechie eyio, amo nebichie biabo, nero omwando bwe chiamate chi’egesaku kia Nafutali.
Orogongo rw’egesaku gia Dani
ⅩⅬ Obomera bwa gatano na kabere bokagwera chiamate chi’egesaku gia Dani.
ⅩⅬⅠ Omwando obo okabwaterania Sora, na Esitaoli, na Iri‐Semesi,
ⅩⅬⅡ na Saalabini, na Ayaloni, na Itila,
ⅩⅬⅢ na Eloni, na Timuna, na Ekironi,
ⅩⅬⅣ na Eliteke, na Gibetoni, na Baalati,
ⅩⅬⅤ na Yehudi, na Bene‐Beraki, na Gati‐Rimoni,
ⅩⅬⅥ na Me‐Yarikoni, na Rakoni, amo nense erochie Yafo.
ⅩⅬⅦ Ekero abanto b’egesaku gia Dani basiretie ense yabo, bakagenda Lesemu, bakayoumokera, bakayoira na bagaita abanto b’agwo nemioro. Bagasakora chinibo chiarengeo, bakamenya omochie oyio. Erio bakaonchora erieta ri’omochie oyio Lesemu, bakayoroka Dani, erieta ria sokoro yabo Dani.
ⅩⅬⅧ Emechie eyio, amo nebichie biabo, nero omwando bwe chiamate chi’egesaku gia Dani.
Omwando o Yoshua
ⅩⅬⅨ Abaisraeli kobakoorire gwatanana ense eria ase chinsemo ao ao, bakaa Yoshua, mosinto o Nuni, ensemo ase egati yabo, ebe omwando oye.
Ⅼ Na buna Omonene achigete bakamoa omochie oria aboretie, noro Timunati‐Sera ase ense y’ebitunwa y’Efraimu. Erio Yoshua akaagacha omochie oria okaba omoyia, akamenya aroro.
ⅬⅠ Eyio nero emiando Eleazari, Omokuani, na Yoshua, mosinto o Nuni, amo nabateneneri be chiamate chi’ebisaku bi’Abaisraeli, baatananete ase ogoaka obomera aria Silo, ase okobori’Omonene, ase egesoero ki’Eema y’Omosangererekano.
Nabo bagakoora emeremo y’ogwatanana ense eria.