Ⅶ
Ⅰ Bono ekero orwaki konya rwaerire koagachwa, nkabeeka ebisieri, nkabeeka nabarendi b’ebiita na abateeri, na Abalawi.
Ⅱ Nkabeeka Hanani, momura ominto, na Hanania oyo otenenerete eburi, babe abachiki ase omochie o Yerusalemu. Hanani nigo arenge omogabana, naende nigo amoirogete Nyasae kobua abange.
Ⅲ Nkabateebia, “Timobaisa koigora ebiita bia Yerusalemu, goika ekero omobaso obarire buya, na ekero abarendi batarainoka goika basieke ebisieri bokong’u nemekorogoto. Mochore abarendi korwa ase abanto bamenyete Yerusalemu, kera omonto abeekwe aase aye ang’e nenyomba yaye.”
Omobaro bw’abairanete korwa ase obosomba ogokorwa
(Ezra 2:1-70)
Ⅳ Omochie oria nigo orenge omogare naende omonene, korende abanto barengeo nigo barenge abake ase omobaro, ne chinyomba konya tichiraagachwa imeo.
Ⅴ Erio Nyasae one akabeeka amang’ana ase ebirengererio biane gosangereria abanene abasikire, na abatang’ani, na abanto bonsi, erinde barikwe ase omooroberio bwe chinderia. Erio nkanyora egetabu gie chinderia chi’abachete ritangani.
Na aba batobwata nabwo barikire.
Ⅵ Aba nabwo abanto b’orogongo rwa Yuda, baria Nebukadinesaro, omorwoti o Babiloni, airete ase obosomba, bairanete gocha Yerusalemu na ase ense y’Abayuda, (kera oyomo akagenda komenya ase omochie oye
Ⅶ amo nabarenge kobaraa: Serubabeli, na Yesua, Nehemia na Asaria, Raamia na Nahamani, Moredekai na Bilisani, Misipereti na Bigiwani, Nehumu na Baana).
Omobaro bw’abasaacha baria b’Abaisraeli noro oyo:
Ⅷ Abanto b’ororeria rwa Parosi: chilifu ibere, ne rigana erimo, na emerongo etano na ebere, na babere (2,172);
Ⅸ aba orwa Sefatia: amagana atato, na emerongo etano na ebere, na babere (372);
Ⅹ aba orwa Ara, amagana atano na rimo, na emerongo etano, na babere (652);
Ⅺ aba orwa Pahati-Moabu, be chiamate chia Yesua na Yoabu: chilifu ibere, na amagana atano na atato, na ikomi na batano na batato (2,818);
Ⅻ aba orw’Elamu: elifu eyemo, na amagana abere, na emerongo etano na baane (1,254);
ⅩⅢ aba orwa Satu: amagana atano na atato, na emerongo ene, na batano (845);
ⅩⅣ aba orwa Sakai: amagana atano na abere, na emerongo etano nomo (760);
ⅩⅤ aba orwa Binui: amagana atano na rimo, na emerongo ene, na batano na batato (648);
ⅩⅥ aba orwa Bebai: amagana atano na rimo, na emerongo ebere, na batano na batato (628);
ⅩⅦ aba orw’Asigadi: chilifu ibere, na amagana atato, na emerongo ebere, na babere (2,322);
ⅩⅧ aba orw’Adonikamu: amagana atano na rimo, na emerongo etano nomo, na batano na babere (667);
ⅩⅨ aba orwa Bigiwai: chilifu ibere, na emerongo etano nomo, na batano na babere (2,067);
ⅩⅩ aba orw’Adini: amagana atano na rimo, na emerongo etano, na batano (655);
ⅩⅪ aba orw’Ateri b’eamate ya Hezekia: emerongo kianda, na batano na batato (98);
ⅩⅫ aba orwa Hasumu: amagana atato, na emerongo ebere, na batano na batato (328);
ⅩⅩⅢ aba orwa Besai: amagana atato, na emerongo ebere, na baane (324);
ⅩⅩⅣ aba orwa Harifu: rigana erimo, na ikomi na babere (112);
ⅩⅩⅤ aba orwa Gibeoni: emerongo kianda, na batano (95).
ⅩⅩⅥ Abanto ba Bethlehemu na Netofa: rigana erimo, na emerongo etano na etato, na batano na batato (188);
ⅩⅩⅦ abanto b’Anatoti: rigana erimo, na emerongo ebere, na batano na batato (128);
ⅩⅩⅧ abanto ba Beti-Asimaweti; emerongo ene, na babere (42);
ⅩⅩⅨ abanto ba Kiriati-Yearimu, na Kefira, na Beeroti: amagana atano na abere, na emerongo ene, na batato (743);
ⅩⅩⅩ abanto ba Rama na Geba: amagana atano na rimo, na emerongo ebere, na oyomo (621);
ⅩⅩⅪ abanto ba Mikimasi: rigana erimo, na emerongo ebere, na babere (122):
ⅩⅩⅫ abanto ba Beteli na Ai: rigana erimo, na emerongo ebere, na batato (123);
ⅩⅩⅩⅢ abanto ba Nebo o kabere: emerongo etano, na babere (52);
ⅩⅩⅩⅣ abanto ba Elamu o kabere: elifu eyemo, na amagana abere, na emerongo etano, na baane (1,254);
ⅩⅩⅩⅤ abanto ba Harimu: amagana atato, na emerongo ebere (320);
ⅩⅩⅩⅥ abanto ba Yeriko: amagana atato, na emerongo ene, na batano (345);
ⅩⅩⅩⅦ abanto ba Lodi, na Hadidi, na Ono: amagana atano na abere, na emerongo ebere, na oyomo (721);
ⅩⅩⅩⅧ abanto ba Senaa: chilifu isato, na amagana kianda, na emerongo etato (3,930).
ⅩⅩⅩⅨ Omobaro bw’abakuani noro oyo: Ab’ororeria rwa Yedaya, bw’eamate ya Yesua: amagana kianda, na emerongo etano na ebere, na batato (973);
ⅩⅬ aba orwa Imeri: elifu eyemo, na emerongo etano, na babere (1,052).
ⅩⅬⅠ Aba orwa Pasuri: elifu eyemo, na amagana abere, na emerongo ene, na batano na babere (1,247);
ⅩⅬⅡ aba orwa Harimu: elifu eyemo, na ikomi na batano na babere (1,017).
ⅩⅬⅢ Abalawi nabwo aba: Abe chiamate chia Yesua o Kadimieli, ab’ororeria rwa Hodawia: emerongo etano na ebere, na baane (74).
ⅩⅬⅣ Abateri, nabwo abanto b’ororeria rw’Asafu: rigana erimo, na emerongo ene, na batano na batato (148).
ⅩⅬⅤ Abarendi b’ebiita, nabwo abe chiamate chia Salumu, na Ateri, na Talimoni, na Akubu, na Hatita, na Sobai: rigana erimo, na emerongo etato, na batano na batato (138).
ⅩⅬⅥ Abakori emeremo be Hekalu nabwo aba: Abanto b’ororeria rwa Siha, na Hasufa, na Tabaoti;
ⅩⅬⅦ Kerosi, na Sia, na Padoni;
ⅩⅬⅧ Lebana, na Hagaba, na Salimai;
ⅩⅬⅨ Hanani, na Gideli, na Gahari;
Ⅼ Reaya, na Resini, na Nekoda;
ⅬⅠ Gasamu, na Usa, na Pasea;
ⅬⅡ Besai, na Meunimu, na Nefusimu;
ⅬⅢ Bakibuki, na Hakufa, na Harihuri;
ⅬⅣ Basiluti, na Mehida, na Harisa;
ⅬⅤ Barikosi, na Sisera, na Tema;
ⅬⅥ Nesia na Hatifa.
ⅬⅦ Abanto b’ororeria rw’abasomba ba Sulemani nabwo aba: Chiamate chia Sotai, na Sofereti, na Perida;
ⅬⅧ Yaala, na Darikoni, na Gideli;
ⅬⅨ Sefatia na Hatili, na Pokereti-Hasebamiu, na Amoni.
ⅬⅩ Abakori emeremo be Hekalu na abanto b’ororeria rw’abasomba ba Sulemani nigo barenge amagana atato, na emerongo kianda, na babere (392).
ⅬⅪ Abanto aba nabwo bachete korwa Teli-Mela, na Teli-Harisa, na Kerubu, na Adoni, na Imeri, korende tibanyarete koorokia ase okomanyereria chiamate chiabo, nonya ne chinderia chiabo gose ekeene ng’a n’Abaisraeli bare:
ⅬⅫ Abanto be chiamate chia Delaya, na Tobia, na Nekoda; bonsi namagana atano na rimo, na emerongo ene, na babere (642).
ⅬⅩⅢ Boigo nase abakuani aba: Abanto be chiamate chia Habaya, na Hakosi, na Barisilai, oyio onyuomete oyomo bw’abaiseke ba Barisilai Omogileadi na akarokwa ase erieta riabo Barisilai.
ⅬⅩⅣ Abwo bakariga-rigia korwa ase emeroberio ye chinderia gose mbanyore chisokoro chiabo, korende tichianyoretwe chiriikire aroro. Ase ayio bakaangwa tibaaba abakuani, ekiagera nigo baabaretwe koba abatachenegeti.
ⅬⅩⅤ Omogabana akabakania akabateebia ng’a tibaabaisa koria endagera yarenge enchenu mono, goika engaki Omokuani arenge gochia koboria Nyasae goetera ase Urimu na Tumimu.
ⅬⅩⅥ Omoganda bwonsi bw’abaanto nigo orenge chilifu emerongo ene na ibere, na amagana atato, na emerongo etano nomo (42,360),
ⅬⅩⅦ amo na abasomba babo, abasacha na abakungu, chilifu isano na ibere, na amagana atato, na emerongo etato, na batano na babere (7,337). Boigo mbabwate abateri, abasacha na abakungu, amagana abere, na emerongo ene, na batano (245).
ⅬⅩⅧ Naende mbabwate chibarasi amagana atano na abere, na emerongo etato, na isano nemo (736), ne chibarasi amagana abere, na emerongo ene, na isano (245),
ⅬⅩⅨ ne chingamia amagana ane, na emerongo etato, na isano (435), ne chitigere chilifu isano nemo, na amagana atano na abere, na emerongo ebere (6,720).
ⅬⅩⅩ Abateneneri bande be chiamate chiabo mbaruete ebiegwa ase ogokorera emeremo. Omogabana akabeeka ase ekungo ebisamunye bie chitaabu bikorokwa chidariki, elifu eyemo (1,000), ne chisani emerongo etano (50), ne chianga chi’abakuani, amagana atano, na emerongo etato (530).
ⅬⅩⅪ Abatang’ani bande b’echinyomba chinde bakarua ase ekungo eyio y’ogokorerwa emeremo, ebisamunye bie chitaabu, chidariki chilifu emerongo ebere (20,000), na ebie chifeta bikorokwa chimina, chilifu ibere, na amagana abere (2,200).
ⅬⅩⅫ Ebi’abaanto bande baruete nigo biarenge: ebisamunye bie chitaabu chidariki chilifu emerongo ebere (20,000), na ebisamunye bie chifeta, chimina chilifu ibere (2,000), ne chianga chi’abakuani, emerongo etano nomo, na isano na ibere (67).
ⅬⅩⅩⅢ Erio abakuani, na Abalawi, na abarendi b’ebiita, na abateri, na abanto bande, na abakori emeremo be Hekalu, amo n’Abaisraeli bande bakaba bakomenya ase emechie yabo.
Ekero omotienyi o gatano na kabere oigete, Abaisraeli bonsi konya bamenyire ase emechie yabo.