EGETABU KIA
NAHUMU
Ogochaakera
Egetabu eke ekieng’e ki’a Nahumu nigo kegokwanera igoro y’ogosarigwa kwa Ninawi, omochie omonene bw’obogambi bw’Ashuru. Nahumu nigo abanete na koenekia buya bono ogosarigwa kwa omochie oyio o Ninawi, na nigo amanyekanete buna oyomo bw’abariki b’amatera ba Israeli. Okogwa kwa Ninawi n’egesusuro korwa ase Nyasae oyio okobaa egesusuro bonsi baria bakoamereria emeroberio yaye (1:11; 2:1). Egetabu eke nigo kegokwanera mono na kobeka chinguru buna Omonene nigo akorwa egesusuro ase baria bonsi bare abaenenu na baria bamenyete obogima botari bw’ekeboNyasae.
Okobagwa kw’egetabu eke
Ninawi okonacherwa ekiina 1:1-15
Okogwa kwa Ninawi 2:1—3:19
Ⅰ
Ⅰ Aya naro amang’ana igoro ya Ninawi, omogano igoro y’oborori bwaroretwe na Nahumu Omoelikosi.
Endamwamu y’Omonene igoro ya Ninawi
Ⅱ Omonene Nyasae tari gwanchereria abamereria; nigo akobaa egesusuro abwo bakomoengereia.
Ase ekeririanda kiaye nabairanerie eri bagwenerete.
Ⅲ Omonene tari omwango ase okogechigwa, korende nare n’enchinguru na tari gotiga oyore n’okomocha agende ataeiri egesusuro. Ase Omonene agotaara, emerindo nigo egotenena; amare naro ebuse ekoimoka korwa ase amagoro aye!
Ⅳ Nigo agochiika enyancha nero yakamoka! Nigo agokora chindoche chiakama. Emegondo ya Basani nigo egosusana, egetunwa gia Karimeli nigo kegoonchoka kiaba maroba, amaua a Lebanoni nigo akorachoka.
Ⅴ Ebitunwa nigo bigotengecha ase obosio Omonene;
ebigoro nigo bikonyititoka ase obosio bwaye.
Ense nigo ekonyegerigwa ekero Omonene akororekana;
ense amo nebitongwa nigo bikonyegerigwa.
Ⅵ Ning’o oranyare gotenena ekero ere are n’ekeririanda?
Ning’o oratigare ekero are n’obotindi obonene? Nigo akoumora obororo bogwoka;
Ebitare nigo bigosamunyokana biaba orotu ase obosio bwaye.
Ⅶ Omonene nomuya;
nigo akorenda abanto baye ase chingaki chi’emechando; nigo akorenda baria bakoonchoka gochia ase are.
Ⅷ Buna chioro chinene chikominyoka ere nigo agosiria ababisa baye kegima; obatoma gochia ase amakweri baria bakomoengereria.
Ⅸ Inki mokoroberia igoro y’Omonene?
Nkobasiria are,
onde taiyo oramoengererie goetania are rimo.
Ⅹ Buna korengana amagwa asisikaine na obonyansi obwomo inwe abatindu mosambwe mosire!
Ⅺ Korwa ase ore, aye Ninawi, nachete korwa aroro omonto gete oichire n’emeroberio y’obobe, ere akaroberia mamincha y’Omonene.
Ase Abayuda
Ⅻ Aya naro Omonene agoteeba ase abanto baye Abaisraeli: “Nonya Abasiria bare abakong’u naende abange ina baitwe nagosirigwa. Abanto bane ’nabakorete mogachandeka, korende inche tinkoirorera gokora ayio naende.
ⅩⅢ Bono ninkoore chinguru chi’Abaasiria korwa igoro ase more naende nimbutore chinyororo chiria chibasibete inwe.”
Ase Ninawi
ⅩⅣ Aya naro Omonene achiikire igoro y’Abaasiria: “Tibagotwara ororeria roragendererie erieta riabo. Inche ninsarie emegwekano ere ase chi’Hekalu chi’ebinyasae biabo. Ningendererete koroisia oboina ase Abaasiria-barabwo tibagwenereti koba moyo!”
Ase Abayuda
ⅩⅤ Rigereria omotomwa ngochicha are korwa ase ebitunwa obwate amang’ana amaya! Nigo are ’nchera gocha koraria obobui! Abanto ba Yuda chenga mokore omoyega oino naende momoe Nyasae keria mwamorierete ere eira. Abanto ababe tibakoumokera ense yaino naende. Basirigwe kegima.