ⅩⅣ
Obobe bwa Mwanyabaanto
(Zab 53)
(Ogoteera gwa Daudi)
Ⅰ Abanto abariri nigo bakorengereria ase chinkoro chiabo ime: “Nyasae tari.”
Barabwo nabasareku, bagokora amang’ana ay’okogechia;
onde tari ogokora ayare amaya, nonya noyomo.
Ⅱ Omonene nigo arigereretie Mwanyabaanto korwa igoro,
arore gose monto onde nareo ore omong’aini,
oyokomorigia Nyasae.
Ⅲ Abanto bonsi basirire enchera, bonsi amo bagundire;
onde tari ogokora amaya, nonya noyomo.
Ⅳ Inee! Abanto aba bonsi abakori amabe tibari nokomanya?
Nigo bakoria abanto baane ase okobaurereria buna bakoria endagera yabo;
tibari korangeri’Omonene abakoonye.
Ⅴ Erio agwo abanto abwo mbasogwe nomoondoko omonene mono,
ekiagera Nyasae nigo are amo nabaanto abaronge.
Ⅵ Inwe abakori amabe nigo mogochaaya omooroberio bw’omonto otari na nguru,
korende Omonene nere obotamero bwaye.
Ⅶ Naki yare koba buya onye ogotooreka ngwachera Abaisraeli korwa Sayoni!
Ekero Omonene arairanerie abanto baye amaya abo,
abanto b’ororeeria rwa Yakobo mbachenge,
ee, Abaisraeli mbabe nomogooko.