ⅩⅩⅦ
Ogosaba kw’ogotogia
(Ogoteera gwa Daudi)
Ⅰ Omonene nere omobaso one, na ogotooreka kwane,
ning’o ndanyare koiroka?
Omonene nere eburi ekengerete obogima bwane,
monto ki ndanyare kwoboa?
Ⅱ Ekero abakori amabe bakong’umokera ng’a bamere,
ababisa baane abwo bangechete nigo baragochwe na kogwa.
Ⅲ Neba omoganda omonene bw’esegi ong’etananire,
enkoro yane tekoba nobwoba;
gose abanto nabachicha kondwania esegi,
inche nigo ndagenderere koba noboremu.
Ⅳ Nasabire ring’ana erimo korwa ase Omonene.
Erio nario nganetie:
Imenye ase enyomba y’Omonene ase amatuko onsi ay’obogima bwane,
erinde ndore oboseera bw’Omonene
na kona‐koboiranerera ase Hekalu yaye.
Ⅴ Ase engaki y’emechando nantube ase ekiriri kiaye;
nambise ase eema yaye ime,
Nanyimokie ambeke ase egetare igoro.
Ⅵ Ninyimokererigwa igoro ase ababisa baane bang’etanaine.
Ase eema yaye ime nindue ebing’wanso inde nomochengo;
ninterere Omonene na komotogia.
Ⅶ Aye Omonene, oigwe okorera kwane,
indorere amaabera na oiranerie ogosaba kwane.
Ⅷ Aye gwatebire: “Indigie ondore obosio bwane.”
Na enkoro yane nigo ekogoteebia: “Omonene, inche igo nkorigia obosio bwao.”
Ⅸ Aye Nyasae one ore ogotooreka kwane,
tobisa obosio bwao korwa asende;
tontiga kore nendamwamu.
Aye kwabeire kogonkonya botambe, tontuguta gose tontiga.
Ⅹ Onye tata na baba baraba bagontiga,
Omonene nang’ire imbe oyoye.
Ⅺ Aye Omonene, inyorokererie enchera yao;
indaae ong’eterie aase ateremu,
ntooreke korwa ase ababisa baane.
Ⅻ Tobaisa kondua ase ababisa baane bankore buna banchete;
birori b’oborimo banyimokeire,
bagontianera nobotindi.
ⅩⅢ Naenekirie ng’a nindore obuya bw’ Omonene;
ase ense y’abanto bare moyo.
ⅩⅣ Remereria oganye Omonene,
kabe omoremu, tokwa omoyo;
ee, remereria oganye Omonene!