ⅬⅢ
Obobe bwa Mwanyabaanto
(Zab 14)
(Ogoteera gwa Daudi)
Ⅰ Abanto abariri nigo bagwetebia ase chinkoro chiabo ime: “Nyasae tari.”
Barabwo nabasareku, nigo bagokora amang’ana amabe ay’okogechia;
onde tari ogokora ayare amaya, nonya noyomo.
Ⅱ Nyasae nigo arigereretie Mwanyabaanto korwa igoro
arore gose monto onde nareo ore omong’aini,
oyokomorigia Nyasae.
Ⅲ Abanto bonsi bairanire magega, bonsi amo basarekire;
onde tari ogokora amaya, nonya noyomo.
Ⅳ Inee! Abanto abwo bagokora amabe, tibamanyeti gento?
Nigo bakoria abanto baane ase okobaurereria buna bakoria endagera yabo;
tibari kondangeria inche Nyasae mbakonye.
Ⅴ Abwo nigo bagosogwa nomoondoko omonene mono,
omoondoko buna oyio tona‐komanyekana nonya ndinde,
Nyasae nasiarere amauga ’emebere y’ababisa abwo bakonaaretie.
Nyasae nabasookie, ekiagera obaangire.
Ⅵ Naki yare koba buya onye ogotooreka ngwachera Abaisraeli korwa Sayoni!
Ekero Nyasae arairanerie abanto baye amaya abo,
abanto b’ororeria rwa Yakobo mbachenge,
ee, Abaisraeli mbabe nomogooko.