ⅬⅦ
Ogosaba gw’okonyora ogokonywa
(Ogoteera gwa Daudi ekero atamete Saulo na akebisa ase rikuruma)
Ⅰ Aye Nyasae, indorera amaabera, indorera amaabera,
ekiagera naye natameire nomoyo one.
Nintame nyebise inse ase ekiriri gie chimbaaba chiao,
goika omwaga bw’ogosiria oete.
Ⅱ Inche nigo nkorera ase Nyasae Ore Igoro Mono,
ase Nyasae oria okong’ikeraneria onsi.
Ⅲ Omonene nantomere ogotooreka korwa igoro,
nababue abwo bagonkorera bobe babe nobosooku.
Nyasae naorokie amaabera aye na ekeene kiaye.
Ⅳ Omoyo one nigo oetananire ne chindo,
nigo ndaire ase egati ya Mwanyabaanto bagoutoka omorero,
amaino abo nigo are amoge buna amatimo ne chinsara,
chimeme chiabo nigo chire emioro emioge.
Ⅴ Aye Nyasae, oorokie ng’a nigo ore omonene goetania igoro chionsi,
tiga obonene bwao bororekane ase ense yonsi.
Ⅵ Ababisa bantegeire oboreba ase ngoeta,
bamionogoreire inse.
Bakunyire eirima ase enchera yane,
korende mbarabwo abanyene bagure imeo.
Ⅶ Aye Nyasae, enkoro yane nigo ere noboremu,
ee, nigo ere noboremu;
nintere na gochenga.
Ⅷ Aye omoyo one, boka!
Inwe amakano aane onsi, boka!
Nainche nimboke mambia chuni.
Ⅸ Aye Omonene, ase egati y’abanto ninkoiranerie ng’a mbuya mono,
nimbe ngotera amatera ay’okogotogia ase egati y’ebisaku.
Ⅹ Amabera ao nigo are amanene aigete aaria igoro;
obwegenwa bwao nigo boigete igoro ase amare.
Ⅺ Aye Nyasae, oorokia ng’a nigo ore omonene goetania igoro chionsi,
tiga obonene bwao bororekane ase ense yonsi.