ⅩⅭⅨ
Nyasae ore Omorwoti Omonene
Ⅰ Omonene nere okogamba!
Ase ayio, abanto b’ebisaku nigo bakoiguswa.
Omonene nigo amenyete nobonene bwaye igoro y’ebitongwa bibwate chimbaba,
na ense nigo egotengechigwa.
Ⅱ Omonene nigo are omonene ase Sayoni,
oimokererigwe igoro kobua abanto b’ebisaku bionsi.
Ⅲ Abanto bonsi tiga batogie erieta riaye rinene na eri’okoirokia.
Ere nigo are omochenu.
Ⅳ Aye omorwoti ore nokobua, nigo bwanchete ekeene,
aye gwakorire oboronge botenene bokong’u,
nigo okonacha ebiina bi’ekeene na oboronge
ase abanto b’ororeria rwa Yakobo.
Ⅴ Moimokererie Omonene, Nyasae oito, igoro,
mosasime agwo ase egeteni kiaye ki’amagoro!
Ere nigo are omochenu.
Ⅵ Musa na Aroni nigo barenge abamo b’abakuani b’Omonene,
boigo Samweli nigo arenge oyomo bw’abaanto barenge korangeria erieta riaye.
Abanto abwo nigo barangeretie Omonene ng’a abakoonye, nere akabaigwa.
Ⅶ Nigo akwanete nabarabwo, ore ime ase riire.
Abanto abwo nigo babwatete oborori bwaye,
na amachiiko abaete.
Ⅷ Aye Omonene, Nyasae oito, nigo kwaigwete abanto baria,
nigo kwarenge Nyasae, kwarenge kobaabera,
nonya naboigo nigo kwarenge kobaa egesusuro ase engencho y’ogokora kwabo okobe.
Ⅸ Moimokererie Omonene, Nyasae oito, igoro!
Inchuo mosasimere ase egetunwa kiaye egechenu,
ekiagera Omonene, Nyasae oito, nigo are omochenu.