Ⅳ
Ororeria rwa Yuda
Ⅰ Abana abamura ba Yuda nabwo aba: Peresi na Hezironi, Karimi na Huri, na Sobali.
Ⅱ Reaya, mosinto o Sobali, akaibora Yahati, na Yahati akaibora Ahumai na Lahadi. Korwa ase abwo nao Abasora barwete.
Ⅲ Aba nabwo barenge abana abamura b’Etamu: Yesireeli na Isima, na Idibasi, na omoiseke omwabo nigo arenge korokwa Haseleliponi.
Ⅳ Penueli nigo arenge ise Abagedori, na Eseri ise Abahusa. Aba nabwo barenge abana abamura ba Huri, omwana omotangi o Efarata, ise abanto ba Bethlehemu.
Ⅴ Asuri ise abanto ba Tekoa, nabwate abakungu babere, Hela na Naara.
Ⅵ Naara akamoiborera Ahusamu na Heferi, Temeni na Hahasitari. Aba nabwo barenge abana abamura ba Naara.
Ⅶ Abana abamura ba Hela nabwo aba: Sereti na Isihari, na Etinani.
Ⅷ Kosi nere orenge ise Anubu na Sobeba, na ise bwe chiamate chi’Aharibeli, mosinto o Harumu.
Ⅸ Yabesi nigo arenge namasikani amanene kobua abamura bamwabo. Ng’ina akamoroka Yabesi, ekiagera amoiborete ase obororo.
Ⅹ Yabesi akarangeria Nyasae bw’Abaisraeli, akabora, “Onye aye ndiria kwarenge gonsesenia naende ogareyie obomenyo bwane, naende okoboko kwao kobe amo nainche, na ondende korwa ase obororo tibobaisa gonkora bobe.” Nyasae akamwanchera aya aganetie.
Emeroberio ye chiamate chinde
Ⅺ Kelubu, omomura omwabo o Suba, nere akaibora Mehiri, oria orenge ise Esitoni.
Ⅻ Esitoni akaibora Beti‐Rafa na Pasea, na Tehina, ise abanto b’omochie o Nahasi. Aba nabaanto bamenyete Reka.
ⅩⅢ Abana abamura ba Kenasi nabwo Otinieli na Seraya; na abamura b’Otinieli nabwo Hatati na Meonotai.
ⅩⅣ Meonotai akaibora Ofura. Seraya akaibora Yoabu ise Abageharasimu. Barabwo nigo barogetwe igo, ekiagera barenge abaroisia ebinto.
ⅩⅤ Abana abamura ba Kalebu, mosinto o Yefune, nabwo aba: Iru na Ela, na Naamu; na omwana omomura bw’Ela nere Kenasi.
ⅩⅥ Abana abamura ba Yehaleleli nabwo aba: Sifu na Zifa, Tiria na Asareli.
ⅩⅦ Abana abamura b’Ezara nabwo aba: Yeteri na Meredi, Eferi na Yaloni. Aba nabwo abana ba Bitia, mosubati o Farao, oria Meredi anyuomete: Omoiseke oye nigo are korokwa Miriamu, na abamura nabwo Samai na Isiba, ise abanto b’Esitemoa.
ⅩⅧ Meredi nabwate naende omokungu Omoyuda; nere akaibora Yeredi, ise abanto ba Gedori, na Heberi, ise abanto ba Soko, na Yekutieli, ise abanto ba Sanoa.
ⅩⅨ Abana abamura ba Hodia, mosubati omwabo Nahamu, nigo barenge babere, oyomo nigo arenge ise Keila Omogarimi, na oyo o kabere n’Esitemoa bw’Abamaaka.
ⅩⅩ Abana abamura ba Shimoni nabwo aba: Amunoni na Rina, Beni‐Hanani na Tiloni.
Abana abamura ba Ishi nabwo Soheti na Beni‐Soheti.
Ororeria rwa Sela
ⅩⅪ Abana abamura ba Sela, mosinto o Yuda, nabwo aba: Eri, ise abanto ba Leka, na Laada, ise abanto ba Maresa, na aba echiamate chi’abaroisia ebitambaa bi’egatani agwo Beti‐Asibea;
ⅩⅫ naende Yokimu na abanto ba Koseba, Yoashi na Sarafu, abwo barenge kogambera Abamoabu, naende Yasubi‐Lehemu. (Korende amang’ana aya namakoro.)
ⅩⅩⅢ Aba nabwo barenge abaroisia chinyongo na ababiare ba Netaimu na Gedera; aba nigo bamenyete amo nomorwoti, bakaba bakomokorera emeremo.
Ororeria rwa Simioni
ⅩⅩⅣ Abana abamura ba Simioni nabwo aba: Nemweli na Yamini, Yaribu na Zera, na Saulo.
ⅩⅩⅤ Saulo akaibora Salumu, na Salumu akaibora Mibusamu, na Mibusamu akaibora Misima.
ⅩⅩⅥ Misima akaibora Hamueli, na Hamueli akaibora Sakuri, na Sakuri akaibora Simei.
ⅩⅩⅦ Simei nigo abwate abana abamura ikomi na batano nomo (16), na abaiseke batano nomo (6); korende abamura bamwabo tibabwate abana abange, gose chiamate chiabo chionsi tichiamentekanete buna echia Yuda.
ⅩⅩⅧ Barabwo nigo bamenyete agwo Beeri‐Seba, na Molada, na Hasari‐Suali;
ⅩⅩⅨ Bilaha, na Esemu, na Toladi;
ⅩⅩⅩ Betueli, na Horima, na Sikilagi;
ⅩⅩⅪ Beti‐Marikaboti, na Hasari‐Susimu, na Beti‐Biri, na Saaraimu. Eye nero yarenge emechie yabo goika ekero Daudi abeete omorwoti.
ⅩⅩⅫ Na emechie yabo emeke nigo yarenge Etamu na Aini, Rimoni na Tokeni, na Asani; yonsi netano.
ⅩⅩⅩⅢ Boigo mbabwate ebichie biabo biaetanaine emechie eyio goikeera Baali. Obo nabwo bwarenge obomenyo bwabo. Barabwo bakarika omooroberio bwe chinderia chiabo.
ⅩⅩⅩⅣ Mesobabu, na Yamuleki, na Yosha, mosinto bw’Amasia.
ⅩⅩⅩⅤ Yoel, na Yehu, mosinto o Yosibia o Seraya bw’Asieli.
ⅩⅩⅩⅥ Elioenai na Yaakoba, Yesohaya na Asaia, Adieli na Yesimieli, na Benaya.
ⅩⅩⅩⅦ Sisa, mosinto o Sifi bw’Aloni, o Yedaya, o Simuri, o Semaya.
ⅩⅩⅩⅧ Aba iga batoire ase amarieta abo nabwo barenge abateneneri be chiamate chiabo.
Chiamate echi chikamentekana mono.
ⅩⅩⅩⅨ Ase ayio barabwo bakang’anya gochia ase omochie o Gedori, ensemo ya moocha ye rikura, korigia oborisia ase chitugo chiabo.
ⅩⅬ Aroro agwo ase banyorete oborisia obuya na obonoru, ense nigo yarenge engare, na entoereru, na ey’omorembe. Abanto bamenyete agwo ritang’ani nigo barenge abanto ba Hamu.
ⅩⅬⅠ Abanto aba batoire ase amarieta abo bagacha ekero Hezekia, omorwoti bw’Abayuda, arenge kogamba. Barabwo bagasaria chiema chi’abaanto b’aroro na bagasiria Abameuni, abanto banyorekanete aroro; bakabasiria kegima na tibaiyo nonya goika reero iga. Erio bakamenya agwo ribaga riabo, ekiagera oborisia mbwarengeo ase chitugo chiabo.
ⅩⅬⅡ Na abanto amagana atano (500) b’egesaku gia Simioni, bakagenda goika egetunwa gia Edomu, bakaba nabaraai babo: Pelatia na Nearia, Refaya na Usieli, basinto ba Ishi.
ⅩⅬⅢ Barabwo bagasiria abanto abatigari b’Abaameleki, naende bakamenya aroro, nao bare goika reero iga.