Ⅵ
Ororeria rwe chiamate chi’abakuani abanene
Ⅰ Abana abamura ba Lawi nabwo aba: Gerisoni na Kohati, na Merari.
Ⅱ Abana abamura ba Kohati nabwo aba: Amuramu na Isari, Heburoni na Usieli.
Ⅲ Abana b’Amuramu nabwo aba: Aroni na Musa, na Miriamu omoiseke.
Abana abamura ba Aroni nabwo aba: Nadabu na Abihu, Eleazari na Itamari.
Ⅳ Eleazari akaibora Finehasi, na Finehasi akaibora Abisua;
Ⅴ Abisua akaibora Buki, na Buki akaibora Usi;
Ⅵ Usi akaibora Seraya, na Seraya akaibora Merayoti;
Ⅶ Merayoti akaibora Amaria, na Amaria akaibora Ahitubu;
Ⅷ Ahitubu akaibora Zadoki, na Zadoki akaibora Ahimasi;
Ⅸ Ahimasi akaibora Asaria, na Asaria akaibora Yohanani;
Ⅹ Yohanani akaibora Asaria (oyo nere orenge Omokuani ase enyomba eria Sulemani aagachete agwo Yerusalemu);
Ⅺ Asaria akaibora Amaria, na Amaria akaibora Ahitubu;
Ⅻ Ahitubu akaibora Zadoki, na Zadoki akaibora Salumu;
ⅩⅢ Salumu akaibora Hilikia, na Hilikia akaibora Asaria;
ⅩⅣ Asaria akaibora Seraya, na Seraya akaibora Yehosadaki.
ⅩⅤ Yehosadaki agooswa akairwa ense eng’ao, ekero Omonene aruete Abayuda na abanto ba Yerusalemu bagooswa, bakairwa na Nebukadinesaro.
Ororeria ronde rwa Lawi
ⅩⅥ Abana abamura ba Lawi nabwo aba: Gerisomu na Kohati, na Merari.
ⅩⅦ Aya naro amarieta ’abana abamura ba Gerisomu: Libini na Simei.
ⅩⅧ Abana abamura ba Kohati nabwo aba: Amuramu na Isari, na Heburoni, na Usieli.
ⅩⅨ Abana abamura ba Merari nabwo Mali na Musi.
Echi nechiamate chi’abaanto ba Lawi, chiatoire ase abaise.
ⅩⅩ Oro narwo ororeria rwa Gerisomu: Libini omomura oye, na Yahati omomura oye, na Sima omomura oye,
ⅩⅪ na Yoa omomura oye, na Ido omomura oye, na Zera omomura oye, na Yeateri omomura oye.
ⅩⅫ Oro narwo ororeria rwa Kohati: Aminadabu omomura oye, na Kora omomura oye, na Asiri omomura oye,
ⅩⅩⅢ na Elikana omomura oye, na Ebiasafu omomura oye, na Asiri omomura oye,
ⅩⅩⅣ na Tahati omomura oye, na Urieli omomura oye, na Usia omomura oye, na Saulo omomura oye.
ⅩⅩⅤ Abana abamura b’Elikana nabwo Amasi na Ahimoti.
ⅩⅩⅥ Oro narwo ororeria rw’Ahimoti: Elikana omomura oye, na Sofai omomura oye, na Nahati omomura oye,
ⅩⅩⅦ na Eliabu omomura oye, na Yerohamu omomura oye, na Elikana omomura oye.
ⅩⅩⅧ Abana abamura ba Samweli nabwo Yoel, omwana oye omotangi, na Abiya, oyo o kabere.
ⅩⅩⅨ Oro narwo ororeria rwa Merari: Mali omomura oye, na Libini omomura oye, na Simei omomura oye, na Usa omomura oye,
ⅩⅩⅩ na Simea omomura oye, na Hagia omomura oye, na Asaia omomura oye.
Abateri be Hekalu
ⅩⅩⅪ Aba nabwo abanto Daudi abegete bakaba abateneneri b’amatera ase enyomba y’Omonene, ekero Esanduki eria yarenge nokobwatana kw’Omonene konya yabekirwe aroro.
ⅩⅩⅫ Nigo barenge gokora obokoreri bwabo bw’amatera agwo ase Eema y’Omosangererekano goika engaki eria Sulemani aagachete enyomba y’Omonene agwo Yerusalemu; barabwo bagakora emeremo yabo ase omooroberio ochikiire.
ⅩⅩⅩⅢ Aba nabwo abanto bakorete emeremo amo nororeria rwabo.
Korwa ase ororeria rwa Kohati: Hemani, omonene bw’abateri, mosinto o Yoel o Samweli,
ⅩⅩⅩⅣ bw’Elikana, o Yerohamu, bw’Elieli, o Toa,
ⅩⅩⅩⅤ o Sufu, bw’Elikana, o Mahati, bw’Amasai,
ⅩⅩⅩⅥ bw’Elikana, o Yoel, bw’Asaria, o Zefania,
ⅩⅩⅩⅦ o Tahati, bw’Asiri, bw’Ebiasafu, o Kora,
ⅩⅩⅩⅧ o Isari, o Kohati, o Lawi, o Israeli.
ⅩⅩⅩⅨ Oyo o kabere nere Asafu, oyo bw’eamate ya Hemani. Ere nigo arenge gotenena ensemo y’okoboko kwaye gw’okorio. Asafu nigo arenge mosinto o Berekia, o Simea,
ⅩⅬ o Mikaeli, o Baseya, o Malikia,
ⅩⅬⅠ bw’Etini, o Zera, bw’Adaya,
ⅩⅬⅡ bw’Etani, o Sima, o Simei,
ⅩⅬⅢ o Yahati, o Gerisomu, o Lawi.
ⅩⅬⅣ Ase ensemo y’okoboko kwaye gw’okobee mbarengeo abamwabo b’ororeria rwa Merari: Etani, mosinto o Kisi bw’Abidi, o Maluku,
ⅩⅬⅤ o Hasabia, bw’Amasia, o Hilikia,
ⅩⅬⅥ bw’Amusi, o Bani, o Semeri,
ⅩⅬⅦ o Mali, o Musi, o Merari, o Lawi.
ⅩⅬⅧ Abalawi bamwabo bagachorwa gokora emeremo yonsi y’Eema nero enyomba ya Nyasae.
Ororeria rwa Aroni
ⅩⅬⅨ Aroni amo nabamura b’ororeria rwaye bakaba bakorua ebing’wanso agwo ase egesasiimero gi’ekeng’wanso ki’ogosambwa na gosambera ubani ase egesasiimero ki’ogosambera ubani. Bagakora emeremo yonsi ime y’Aase Aachenu Mono, naende bagakora ayaganetigwe ase okobwatania Abaisraeli na Nyasae, koreng’ana namang’ana onsi Musa, omosomba o Nyasae, achigete.
Ⅼ Oro narwo ororeria rwa Aroni: Eleazari omomura oye, na Finehasi omomura oye, na Abisua omomura oye,
ⅬⅠ na Buku omomura oye, na Usi omomura oye, na Seraya omomura oye,
ⅬⅡ na Merayoti omomura oye, na Amaria omomura oye, na Ahitubu omomura oye,
ⅬⅢ na Zadoki omomura oye, na Ahimasi omomura oye.
Aase Abalawi bamenyete
ⅬⅣ Echi nachio chinsemo abanto b’ororeria rwa Aroni b’eamate ya Kohati bamenyete ase chingongo chiabo. Obomera bw’eritang’ani bokabagwera;
ⅬⅤ ase igo bakaegwa Heburoni amo namarisio aetanaineo, agwo ase ense ya Yuda.
ⅬⅥ Korende emegondo y’omochie amo nebichie bi’omochie oyio bakaa Kalebu, mosinto o Yefune.
ⅬⅦ Abanto b’ororeria rwa Aroni bakaegwa emechie eye: Heburoni, omochie bw’obotamero, na Libuna, amo namarisio aetanaineo, Yatiri na Esitemoa amo namarisio aetanaineo,
ⅬⅧ Hileni na Debiri amo namarisio aetanaineo;
ⅬⅨ Asani na Beti‐Semesi amo namarisio aetanaineo.
ⅬⅩ Na korwa ase egesaku kia Benjamini bakaegwa Geba na Alemeti, na Anatoti, emechie eyio yonsi amo namarisio aetanaineo. Emechie yabo yonsi ase chiamate chiabo nigo yarenge ikomi na etato.
ⅬⅪ Abanto ba Kohati abatigarete bakaegwa emechie ikomi ase ogoakerwa obomera, bakayeegwa korwa ase eamate y’ekeng’ese ki’egesaku kia Manase.
ⅬⅫ Abanto be chiamate chi’Abagerisomu bakaegwa emechie ikomi na etato (13) agwo Basani korwa ase abanto b’ebisaku bia Isakaru, na Aseri, na Nafutali, na Manase agwo Basani.
ⅬⅩⅢ Abanto be chiamate chi’Abamerari bakaegwa emechie ikomi na ebere (12) korwa ase ebisaku bia Rubeni, na Gadi, na Sabuloni.
ⅬⅩⅣ Naboigo Abaisraeli baete Abalawi emechie amo namarisio aetanaineo.
ⅬⅩⅤ Emechie eyio yatoire bakabayea korwa ase ebisaku bia Yuda, na Simioni, na Benjamini ase okoyeakera obomera.
ⅬⅩⅥ Na abanto be chiamate chinde chi’Abakohati bakaegwa emechie korwa ase orogongo rw’egesaku gi’Efraimu.
ⅬⅩⅦ Bakaegwa Sekemu, omochie bw’obotamero ase ense y’Efraimu na Geseri,
ⅬⅩⅧ Yokimeamu na Beti‐Horoni,
ⅬⅩⅨ Ayaloni na Gati‐Rimoni, amo namarisio aetanaine emechie eyio.
ⅬⅩⅩ Na korwa ase ekeng’ese ki’egesaku kia Manase Abakohati abatigarete bakaegwa Aneri na Bileamu amo namarisio aetanaine emechie eyio.
ⅬⅩⅪ Korwa ase ekeng’ese ki’egesaku kia Manase Abagerisomu bakaegwa Golani agwo Basani, na Asitaroti, amo namarisio aetanaine emechie eyio.
ⅬⅩⅫ Na korwa ase egesaku gia Isakaru bakaegwa Kedesi na Daberati,
ⅬⅩⅩⅢ na Ramoti, na Anemu, amo namarisio aetanaine emechie eyio.
ⅬⅩⅩⅣ Korwa ase egesaku gi’Aseri bakaegwa Masali na Abidoni,
ⅬⅩⅩⅤ na Hukoki na Rebobu, amo namarisio aetanaine emechie eyio.
ⅬⅩⅩⅥ Na korwa ase egesaku kia Nafutali bakaegwa Kedesi agwo Galili, na Hamoni, na Kiriataimu, amo namarisio aetanaine emechie eyio.
ⅬⅩⅩⅦ Abamerari abatigarete bakaegwa korwa ase egesaku gia Sabuloni: Rimoni na Tabori amo namarisio aetanaine emechie eyio.
ⅬⅩⅩⅧ Na ng’umbu ya Yorodani, ensemo ya moocha ya Yeriko, bakaegwa korwa ase egesaku kia Rubeni: Beseri agwo aase ateremu, na Yahasi,
ⅬⅩⅩⅨ na Kedemoti, na Mefati, amo namarisio aetanaine emechie eyio.
ⅬⅩⅩⅩ Na korwa ase egesaku kia Gadi bakaegwa Ramoti agwo Gileadi, na Mahanaimu,
ⅬⅩⅩⅪ na Hesiboni, na Yaeseri amo namarisio aetanaine emechie eyio.