Ⅰ Otakoreti ayare amabe, mabe tagokonyora nonya ng’ake. Ⅱ Korebachere amabe, amabe natame korwa asore. Ⅲ Omwana one, torema omogondo erio osimeke ayatari amaronge, ekiagera n’ogese ayio amabe ara gatano na kabere. Ⅳ Tobaisa koboria Omonene ase ogwesongororia, gose korigia ekerogo kiobonene bw’oboruoti. Ⅴ Tobaisa gwekora omuya bosio bwa Nyasae, gose kworokia ng’a nore n’esemi bosio bw’abarwoti. Ⅵ Tobaisa gwekora omonachi ebina erinde orabaise gosinywa kogikeria amabe; tobaisa gosirigwa na baria bakwenyara gose abare n’echinguru na bakobetereria ebinto buna bitari, erio osire orabaisa gosaria oboronge n’amasikani ao. Ⅶ Tobaisa kogechia abanto b’eamate y’abanto bande, egere orabaisa gwesareria amasikani ao gati y’abanto momenyete nabwo. Ⅷ Tobaisa kwaberwa korwa ase ekebe ara kabere, ekiagera noegwe egesusuro nonya ase rimocho erimo rioka. Ⅸ Tobaisa goteeba ’ng’a: “Omonene nabwate ebigeni bie ekeng’wanso kiane, ko ’ndaruere Omonene Nyasae ekeng’wanso goika agianche.” Ⅹ Toba n’echitang’u-tang’u gose orose ekero ogosaba, na tibweba gokoonya abataka ase okobaa ebigeni. Ⅺ Tomosekerera omonto ekero abwate obororo ase omoyo oye ime, ekiagera Omonene oria ogokeyia abanto korwa ase obonene bwabo nabo naende aramoimokererie igoro. Ⅻ Tiga koroberia igoro y’oborimo ogochia goteebia omoamate oo, gose orabaisa kweba okorere omosani oo boigo. ⅩⅢ Tigana kegima n’ogoteeba oborimo, ekiagera oborimo tibwanya korenta gento kende gionsi kere ki’engencho asore. ⅩⅣ Tiga gotabanana ase abagaaka baumeranire, gose obe omonto okonakoirorera ebinto ase ogosaba kwao. ⅩⅤ Tiga kogechigwa n’egasi enkong’u, gose egasi ya mogondo eyio yaroberetigwe na Nyasae omonyene. ⅩⅥ Tiga kobwaterana n’ekeombe kiabakori amabe, naende inyora ng’a egesusuro ki’ebibe ebio tikegogoikeera. ⅩⅦ Tobaisa koba kogwekeiyia moono igo, ekiagera egesusuro kia abatamomanyeti Nyasae, omoerio oye n’omorero amo n’obogundo bw’amakweri. ⅩⅧ Tobaisa komorwa oyomino gooitwa erinde bwenyorere chitaabu, gose komorwa omosani oo bw’ekeene ase okwenyorera amagena ’amaabera ase ense eye. ⅩⅨ Nywoma kobwate obong’aini, naende omokungu omuya nigo are n’engencho mono kobua rigori ria ’etaabu. ⅩⅩ Tobaisa komokorera bobe omokori oo, na ore omwegenwa inse yao, gose omonto bw’ekonda oy’ogokoreire emeremo buya. ⅩⅪ Mwanche omokori emeremo oo. ⅩⅫ Inee, nore n’echiombe? Chirende bono! Onye chikoreta ebitoki, chirende. ⅩⅩⅢ Inee, nobwate abana bono? Borokererie bono amang’ana y’amasikani. Naende oborokererie oboigweri korwa ase obwana bwabo. ⅩⅩⅣ Inee, nore n’abana chinyaroka? Oborokereria igoro y’obochenu bw’emebere yabo, korende naende tobororobera moono igo. ⅩⅩⅤ Oise komosokia omwana oo enyaroka anywomwe, igo gwaikeranirie emeremo yao emenene kegima. ⅩⅩⅥ Inee, n’obwate bono omokungu as omoyo oo ime? Mwanche kegima? Tobaisa komoseria, korende onye tomwancheti, tobaisa komwegena rinde omokungu otari omwegenwa. ⅩⅩⅦ Mosike iso n’omoyo oo bwonsi, naboigo, naende tibweba obororo bwa nyoko. ⅩⅩⅧ Oinyore ng’a abwo nabwo bakoiborete. Inee, nonyare kobaakana onsi aya bagokorerete? ⅩⅩⅨ Moiroke Nyasae Omobui n’omoyo oo bwonsi; na kae abakuani bao amasikani. ⅩⅩⅩ Mwanche omotongi oo n’echinguru chiao chionsi; na tobaisa kobatuguta abakoreri baye. ⅩⅩⅪ Moiroke Omonene, na kobasika abakuani baye, Kae Nyasae ensemo yaye eyio emotungetie: rigesa riao ritang’ani. ⅩⅩⅫ Kae abataka okogania kwabo ase obwororo, erio Nyasae akoe ogosesenia kwaye. ⅩⅩⅩⅢ Obwororo bwao bobe ase abanto bonsi, gose tobarina obwororo bwao nonya n’abakuure. ⅩⅩⅩⅣ Tobaa omogongo baria bakwereirwe, korende obwatane nabarabwo ase ogwechanda kwabo. ⅩⅩⅩⅤ Totiga kobatarera abarwaire; ekiagera oise kobatarera aye mbwanchwe. ⅩⅩⅩⅥ Ase ogokora kwao gwonsi bweinyorie ase ogokoorera naye togokora ebibe nonya ng’ake.