Amos
Nyulu Amosangka sheep kujil-kujin, yamba Godungku nyungun kunjan prophetmanka, Israel-warra milka-bakanka. Amosangka Israel-warranda yalaman, “Yurra mayi ngakin bamandamun money-karindamun. Yinyaynka yurra yurrawunbuku bayanba kari bunday baja. Yinyaynka yurra mayi kari manil baja yurrawunmun gardenmun. Yurra buyun bajaku. Yurra jurrilmal bamanka ngulkurrunku yurrawunbu courtcasemunbu, bama money-kari yurra jailba yungal. Godungku yalamal, ‘Yurra ngaykuwunbu bayanba kaday, minya wayjunku, ngaykundu dajinka, nganya buyay-maninka, yamba ngayu yurranka kari wawurr-wawurrmal, yurranin kari yulmbarril. Yurra ngujungu wulngku badi, nganya buyay-maninka, yamba ngayu binal yurrawunku buyun-buyunku. Yurra nganya buyay-maninka ngaykuwunbu bayanba, yamba yurra yalarrku ngurma statue idol buyay-manil, yurra Dubu wukurrin-wukurril. Ngayu yinyaynka wawu kari bajaku. Yinyaynka ngayu yurranin kari ngulkurrduku kujil baja bamandamun cheeky-balandamun. Jana juma kaday, yurranin janawunbu bubungu wundil, yurra jananga slave-warramal. Yurra janawunbu bubungu ngadingka bunday. Yamba juma ngayu Davidamu bubu ngulkurr-bungal baja. Ngayu yurranin Israel-warra wundil baja ngarrbal-ngarrbalandamun bubumun. Ngaykuwundu bamangka jananga bubu, jananga towns ngulkurr-bungal, ngulkurrku bunday baja.’ Yinya kuku Godungku Amosanda balkan, Israel-warranda balkanka.