136
खीए म्हाँया खोंयोंन् बिलै तरिम्
1 याहबेहलाइ धन्यबाद पिंन्, तलेबिस्याँ खी स्वाब मुँ।
खीए म्हाँया खोंयोंन् बिलै तरिम्।
2 देवतामैं भन्दा थेबै परमेश्वरलाइ धन्यबाद पिंन्।
खीए म्हाँया खोंयोंन् बिलै तरिम्।
3 प्रभुमैंए प्रभुलाइ धन्यबाद पिंन्।
खीए म्हाँया खोंयोंन् बिलै तरिम्।
4 खीजी मत्त्रे औदिबै थेब-थेबै केमैं लम्।
खीए म्हाँया खोंयोंन् बिलै तरिम्।
5 खीजी ह्रोंसए ज्ञान बुद्धिइ स्वर्ग बनेइ।
खीए म्हाँया खोंयोंन् बिलै तरिम्।
6 खीजी क्युए फिर पृथ्बी थेंइ।
खीए म्हाँया खोंयोंन् बिलै तरिम्।
7 खीजी त्हिंयाँ नेरो लयाँ बनेइ।
खीए म्हाँया खोंयोंन् बिलै तरिम्।
8 त्हिंइए फिर क्ल्हे लबर खीजी त्हिंयाँ बनेइ।
खीए म्हाँया खोंयोंन् बिलै तरिम्।
9 म्हुँइँसए फिर क्ल्हे लबर लयाँ नेरो मुसारा बनेइ।
खीए म्हाँया खोंयोंन् बिलै तरिम्।
10 खीजी मिश्र ह्युलर्बै च्ह थेब ताँन् सैवाइ।
खीए म्हाँया खोंयोंन् बिलै तरिम्।
11 खीजी इस्राएलीमैंलाइ मिश्र ह्युलउँइँले तेसि पखइ।
खीए म्हाँया खोंयोंन् बिलै तरिम्।
12 खीए भोंबै यो नेरो पाखरइ चमैं तेसि पखइ।
खीए म्हाँया खोंयोंन् बिलै तरिम्।
13 खीजी ओल्ग्या मा ङ्युँइ ङ्हिबाँ लवाइ।
खीए म्हाँया खोंयोंन् बिलै तरिम्।
14 खीजी इस्राएलीमैंलाइ चए म्हाँजोउँइँले डोरेपइ।
खीए म्हाँया खोंयोंन् बिलै तरिम्।
15 मिश्रर्बै म्रुँ फारो नरो चए सेनालाइ खीजी ओल्ग्या मा ङ्युँइर भ्योंवाइ।
खीए म्हाँया खोंयोंन् बिलै तरिम्।
16 खीजी ह्रोंसए म्हिमैंलाइ क्यु आयोंबै क्ल्ह्योउँइँले डोरेपइ।
खीए म्हाँया खोंयोंन् बिलै तरिम्।
17 खीजी थे-थेबै म्रुँमैं सैवाइ।
खीए म्हाँया खोंयोंन् बिलै तरिम्।
18 कालिदिबै म्रुँमैं या खीजी सैवाइ।
खीए म्हाँया खोंयोंन् बिलै तरिम्।
19 एमोरीमैंए म्रुँ सिहोनलाइ खीजी सैवाइ।
खीए म्हाँया खोंयोंन् बिलै तरिम्।
20 बाशानर्बै म्रुँ ओगलाज्यै या खीजी सैवाइ।
खीए म्हाँया खोंयोंन् बिलै तरिम्।
21 खीजी चमैंए ह्युल ह्रोंसए म्हिमैंलाइ क्ल्हे तल् पिंइ,
खीए म्हाँया खोंयोंन् बिलै तरिम्।
22 खीजी ह्रोंसए के लबै इस्राएलीमैंलाइ च ह्युल पिंइ।
खीए म्हाँया खोंयोंन् बिलै तरिम्।
23 ङि हार्दियामैं या खीजी ङिलाइ आम्ले।
खीए म्हाँया खोंयोंन् बिलै तरिम्।
24 ङिए शत्तुरमैंउँइँले खीजी फ्रेमिंइ।
खीए म्हाँया खोंयोंन् बिलै तरिम्।
25 सो प्ह्याबै तोन्दोंरि सैलाइ खीजी चबै सै पिंम्।
खीए म्हाँया खोंयोंन् बिलै तरिम्।
26 स्वगर्बै परमेश्वरलाइ धन्यबाद पिंन्।
खीए म्हाँया खोंयोंन् बिलै तरिम्।