26
Okubala abantu okwʼomulundi gwokubiri
1 Awo okawumpuli oweyawoireku, oMusengwa nʼakoba oMusa nʼEryezaali omutaane wʼAlooni okabona, ati,
2 “Mubale ekibbula kyonakyona ekyʼaBaisirairi okuzwa oku myanka aabiri nʼokukirawo mu buli mulyango, abeezya okuweererya omu maje ga Isirairi.”
3 Kale oMusa nʼEryezaali okabona, ni bakobera abantu abo nga bali omu kitantira kyʼe Mowaabbu, oku Mwiga oYoludaani ekiringiriire ekibuga oYeriko bati,
4 “Mubale abantu okuzwera oku myanka aabiri nʼokukirawo, ngʼoMusengwa oweyalagiire oMusa.”
Banu niibo aBaisirairi abazwire omu kyalo kyʼe Misiri:
5 Abʼeibyaire lya Lubbeeni omwana omubere owa Isirairi, babbaire niibo banu:
abʼomulyango gwa Kanoki, aBakanoki;
nʼabʼomulyango gwa Palu, aBapalu;
6 nʼabʼomulyango gwa Kezirooni, aBakezirooni;
nʼabʼomulyango gwa Kalumi, aBakalumi.
7 Abo niibo abʼeibyaire lya Lubbeeni, era ibo babbaire 43,730.
8 Omutaane wa Palu yabbaire niiye Eryabbu,
9 kaisi abataane bʼEryabbu babbaire niibo banu: ONemweri, nʼoDasani, nʼAbbiraamu. Ibo abo babbaire bakungu bʼaBaisirairi era niibo abaakanisirye oMusa nʼAlooni, era ababbaire abawagiri ba Koola owebajeemeire oMusengwa.
10 Eitakali lyatikire ni libamira aamo nʼoKoola, eyabbaire nʼabawagiri 250 omusyo ni gubamalawo. Abo ni basuuka kamanyiciryo akalabula abandi.
11 Waire ngʼebyo byabbaire bityo, eibyaire lya Koola tiryafiirewo.
12 Abʼeibyaire lya Simyoni okusinzirira oku miryango gyabwe babbaire niibo banu:
abʼomulyango gwa Nemweri, aBanemweri;
nʼabʼomulyango gwa Yamini, aBayamini;
nʼabʼomulyango gwa Yakini, aBayakini;
13 nʼabʼomulyango gwa Zeera, aBazeera
nʼabʼomulyango gwa Syawulo, aBasyawulo.
14 Abo niibo abʼeibyaire lya Simyoni, era ibo babbaire 22,200.
15 Abʼeibyaire lya Gaadi okusinzirira ku buli miryango gyabwe babbaire baanu:
Abʼomulyango gwa Zefoni, aBazefoni;
nʼabʼomulyango gwa Kaagi, aBakaagi;
nʼabʼomulyango gwa Suni, aBasyuni;
16 nʼabʼomulyango gwʼOzuni, aBozuni;
nʼabʼomulyango gwʼEri, aBeri;
17 nʼabʼomulyango gwʼAledi, aBaaledi;
nʼabʼomulyango gwʼAleri, aBaaleri.
18 Abo niibo abʼeibyaire lya Gaadi, era ibo babbaire 40,500.
19 Eri nʼOnani babbaire bataane ba Yuda, neye ibo bafeereire omu kyalo kyʼe Kanani.
20 Abʼeibyaire lya Yuda okusinzirira oku miryango gyabwe babbaire baanu:
Abʼomulyango gwa Seera, aBaseera;
nʼabʼomulyango gwa Pereezi, aBapereezi;
nʼabʼomulyango gwa Zeera, aBazera.
21 Abʼeibyaire lya Pereezi babbaire baanu:
Abʼomulyango gwa Kezirooni, aBakezirooni;
nʼabʼomulyango gwa Kamuli, aBakamuli.
22 Abo niibo abʼeibyaire lya Yuda, era ibo babbaire 76,500.
23 Abʼeibyaire lya Isakaali okusinzirira oku miryango gyabwe babbaire baanu:
Abʼomulyango gwa Tola, aBatola;
nʼabʼomulyango gwa Puva, aBapuva;
24 nʼabʼomulyango gwa Yasyubbu, aBayasyubbu;
nʼabʼomulyango gwa Simulooni, aBasyimulooni.
25 Abo niibo abʼeibyaire lya Isakaali, era ibo babbaire 64,300.
26 Abʼeibyaire lya Zebbulooni okusinzirira oku miryango gyabwe babbaire baanu:
Abʼomulyango gwa Seredi, aBaseredi;
nʼabʼomulyango gwʼEroni, aBeroni;
nʼabʼomulyango gwa Yaleeri, aBayaleeri.
27 Abo niibo abʼeibyaire lya Zebbulooni, era ibo babbaire 60,500.
28 Abʼeibyaire lya Yusufu abʼomulyango gwa Manase, nʼogwʼEfulaimu babbaire baanu:
29 Abʼeibyaire lya Manase babbaire baanu:
abʼomulyango gwa Makiri, aBamakiri, oMakiri oiteeye wa Gireyaadi;
nʼabʼomulyango gwa Gireyaadi, aBagireyaadi.
30 Abʼeibyaire lya Gireyaadi babbaire baanu:
abʼomulyango gwa Iyezeri, aBaiyezeri;
nʼabʼomulyango gwa Kereki, aBakereki;
31 nʼabʼomulyango gwʼAsuliyeeri, aBasuliyeeri;
nʼabʼomulyango gwa Sekemu, aBasekemu;
32 nʼabʼomulyango gwa Syemida, aBasyemida;
nʼabʼomulyango gwa Keferi, aBakeferi.
33 Iye oZerofekadi omutaane wa Keferi tiyabyaire abaana abaisuka; yabyaire baala bonkani, era babbaire Maala nʼoNuwa, nʼoKogula, nʼoMirika nʼoTiruza.
34 Abo niibo ababbaire abʼomulyago ogwa Manase, era ibo babbaire 52,700.
35 Abʼeibyaire lyʼEfulaimu okusinzirira oku miryango gyabwe babbaire baanu:
Abʼomulyango gwa Susera, aBasusera;
nʼabʼomulyango gwa Bbekeri, aBabbekeri;
nʼabʼomulyango gwa Takani, aBatakani.
36 Abʼeibyaire lya Susera, babbaire baanu:
Abʼomulyango gwʼErani, aBerani.
37 Abo niibo ababbaire abʼeibyaire lyʼEfulaimu, era ibo ababbaire 32,500.
Abo babbaire niibo abʼeibyaire lya Yusufu okusinzirira oku miryango gyabwe.
38 Abʼeibyaire lya Bbenyamini okusinzirira oku miryango gyabwe babbaire baanu:
Abʼomulyango gwa Bbera, aBabbera;
nʼabʼomulyango gwʼAsubbeeri, aBasubberi;
nʼabʼomulyango gwʼAkiramu, aBakiramu;
39 nʼabʼomulyango gwa Sufamu, aBasufamu;
nʼabʼomulyango gwa Kufamu, aBakufamu.
40 Abʼeibyaire lya Bbera abʼomulyango gwʼAludi nʼogwa Namani babbaire baanu:
Abʼomulyango gwʼAludi, aBaludi;
nʼabʼomulyango gwa Namani, aBanamani.
41 Abo babbaire niibo abʼomulyango gwa Bbenyamini, era ibo babbaire 45,600.
42 Abʼeibyaire lya Daani okusinzirira oku miryango gyabwe babbaire baanu:
Abʼomulyango gwa Sukamu, aBasukamu.
Abo babbaire niibo abʼomulyango gwa Daani.
43 Era bonabona babbaire bʼomulyango gwa Sukamu era ibo babbaire 64,400.
44 Abʼeibyaire lyʼAseri okusinzirira oku miryango gyabwe babbaire baanu:
Abʼomulyango ogwa Imuna, aBaimuna;
nʼabʼomulyango ogwa Isuvi, aBaisuvi;
nʼabʼomulyango ogwa Bberiya, aBabberiya.
45 Era abʼeibyaire erya Bberiya babbaire baanu:
Abʼomulyango ogwa Kebberi, aBakebberi;
nʼabʼomulyango ogwa Malukiyeeri, aBamalukiyeeri.
46 Aseri yabbaire nʼomwalawe eriinalye bati Seera.
47 Abo babbaire niibo abʼomulyango ogwʼAseri, era ibo babbaire 53,400.
48 Abʼeibyaire lya Nafutaali okusinzirira oku miryango gyabwe babbaire baanu:
Abʼomulyango gwa Yakuzeeri, aBayakuzeeri;
nʼabʼomulyango gwa Guni, aBaguuni;
49 nʼabʼomulyango gwa Yezeri, aBayezeri;
nʼabʼomulyango gwa Siremu, aBasiremu.
50 Abo babbaire niibo abʼomulyango gwa Nafutaali, era ibo babbaire 45,400.
51 ABaisirairi bonabona abasaiza aamo babbaire 601,730.
Okugabulyagiramu aBaisirairi emiwuluko
52 Awo oMusengwa nʼakoba oMusa ati,
53 “Abo niibo abebaligabulyagiramu ekyalo ni basuna emiwuluko gyabwe okusinzirira oku bungi bwabwe omu miryango gyabwe.
54 Abʼomulyago omulimu abantu abangi, walibawa omuwuluko munene, nʼabʼomulyango omulimu abantu abatono, walibawa omuwuluko mutono. Nabuli bʼomulyango walibawa omuwuluko kusinzirira ku bungi bwʼabantu abo abali oku lukalala.
55 Neye oli nʼokubona ngʼobagabula ekyalo ekyo ngʼokolesya kalulu. Balikigabana nga basengererya maliina gʼebika byʼabazeiza baabwe.
56 Nabuli muwuluko ogwogaba oli nʼokukubbiraku kalulu ngʼokola oku bika ebirimu abantu abangi era ngʼoli kukola oku bika ebirimu abantu abatono.”
Okubala aBaleevi
57 Banu niibo aBaleevi abebabalire okusinzirira oku miryango gyabwe:
abʼomulyango gwa Gerusoni, aBagerusoni;
nʼabʼomulyango gwa Kokasi, aBakokasi;
nʼabʼomulyango gwa Merali, aBamerali.
58 Era banu niibo abʼemiryango gyʼaBaleevi:
Abʼomulyango gwa Libbuni,
nʼabʼomulyango gwa Kebbulooni,
nʼabʼomulyango gwa Makuli,
nʼabʼomulyango gwa Muusi,
nʼabʼomulyango gwa Koola.
OKokasi yabbaire niiye oiteeye wʼAmulaamu,
59 era omuka Amulaamu yabbaire niiye oYokebbedi omwala wa Leevi. OYokebbedi oyo bamubyaliire Misiri. Yabyaire nʼAmulaamu, nʼAlooni nʼoMusa, nga kuliku nʼomwala oMiryamu.
60 Alooni yabbaire niiye oiteeye wa Nadabbu nʼAbbiku, nʼEryezaali nʼoIsamali.
61 Neye oNadabbu nʼAbbiku bafiire owebaleetere omumaiso ga Musengwa omusyo oMusengwa ogunandi nʼabalagira.
62 ABaleevi bonabona abaisuka abebabalire, abʼomweri ogumo ogumo nʼokukirawo, babbaire 23,000. Ibo tibababaliire aamo nʼaBaisirairi abanaabwe, olwʼokubba aBaleevi tibabawaire omuwuluko ngʼaBaisirairi abandi.
63 Abo niibo aBaisirairi oMusa nʼEryezaali okabona abebabalire, oku mbale kwʼoMwiga oYoludaani, okulingirira ekibuga oYeriko.
64 Mwabo timwabbaire kadi moiza ku badi oMusa nʼAlooni okabona abebabalire, owebabaliire aBaisirairi omwidungu lyʼe Sinaayi.
65 Ekyo kityo olwʼokubba oMusengwa yabbaire akobere ati, bonabona babbaire dala ba kufeera mwidungu. Nʼolwekyo, tiwabbairewo kadi moiza kwibo eyabbaire owakusigalawo, okutoolaku oKalebbu omutaane wa Yefune, nʼoYoswa omutaane wa Nuuni.