7
Ebyokuwaayo byʼabeekubbemberi
1 Oku lunaku oMusa oluyamaliire okukomeka eWeema eya Musengwa, yagiswankiireku amafuta okugiwonga eeri oMusengwa, nʼaswankira nʼoku bintu byonabyona ebibakolesya omwo byona okubiwonga. Era nʼamansira nʼoku kyoto nʼoku bintu byonabyona ebibakolesya okwo, okubiwonga eeri oMusengwa.
2 Awo abeekubbemberi bʼe Isirairi ibo abakulu bʼemiryango gyabwe, nga niibo abakulu bʼebika, ibo ababbeereire omu kubala abantu, ni baleeta ebyokuwaayo.
3 Batwaire ebirabo byabwe binu eeri oMusengwa: Ebigaali mukaaga ebitambulya ebintu nʼenumi ikumi na ibiri. Ekikoba kiti, nga buli beekubbemberi ababiri baleetere ekigaali, era nga buli mwekubbemberi aleetere onumi. Ebintu ebyo ni babireeta omumaiso wʼeWeema eya Musengwa.
4 Awo oMusengwa nʼakoba oMusa ati,
5 “Ojawune ebyokuwaayo byabwe ebyo, aBaleevi babikolesyenge omu mirimo gyʼokuweererya omu Weema eyʼoKunsisinkanirangamu. Era wabibakwatisya, nabuli moiza ngʼebyetaago byʼobuweereryabwe owebuli.”
6 Atyo oMusa nʼakwata ebigaali ebyo nʼenumi, nʼabikwatisya aBaleevi.
7 Nʼakwata ebigaali bibiri nʼenumi ina, nʼabikwatisya abʼeibyaire lya Gerusoni, ngʼebyetaago byʼobuweererya bwabwe owebuli.
8 Nʼakwata nʼebigaali bina nʼenumi munaana nʼabikwatisya abʼeibyaire lya Merali, ngʼebyetaago byʼobuweererya waabwe owebuli. Abʼeibyaire lya Gerusoni nʼabʼerya Merali bonabona bakolanga emirimo egyo ngʼabalungamya niiye oIsamali omutaane wʼAlooni okabona.
9 Neye ibo abʼeibyaire lya Kokasi tiyabawaire, olwʼokubba ebintu ebitukulye ebibabawaire okuginganga, babbaire nʼokubigingiranga ku mabega.
10 Oku lunaku olubakiswankiriire amafuta oku kyoto, abeekubbemberi batwaire ebyokuwaayo ebindi omumaiso waakyo olwʼokukiwonga.
11 Ekyo kyabbaire kityo olwʼokubba oMusengwa yabbaire akobere oMusa ati, “Nabuli lunaku waabbangawo omwekubbemberi moiza eyaleetanga ebyokuwaayobye olwʼokuwonga ekyoto.”
12 Era omwekubbemberi eyatwaire ebyokuwaayobye oku lunaku olusooka yabbaire Nakusoni omutaane wʼAminadabbu owʼomu kika kya Yuda.
13 Ebyokuwaayobye byabbaire, esoniya moiza eyʼefeeza nga yʼekiro moiza nʼekitundu; nʼekibya kimo ekyʼefeeza ekibakolesya omu kuswankira nga kyʼegulaamuzi 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa obubatabwiremu obwito obwʼemizaituuni, okubba ekyokuwaayo ekyʼempeke;
14 nʼebbakuli moiza eyʼezaabbu nga yʼegulaamuzi 110 era ngʼeizwire obubbaani;
15 nʼokitobba moiza, nʼontaama omusaiza moiza, nʼontaama omusaiza owʼomwanka ogumo, okubba esadaaka egibooca yonayona.
16 Nʼawaayo nʼombuli ompanya moiza abbe sadaaka eyʼokusoniya ekikole ekibbikibbi.
17 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo oNakusoni omutaane wʼAminadabbu ebiyawaireyo.
18 Oku lunaku olwokubiri, oNasanairi omutaane wa Zuwali era omukulu wʼekika kya Isakaali, nʼatwala ebyokuwaayobye.
19 Ebyokuwaayobye byabbaire, esoniya moiza eyʼefeeza nga yʼekiro moiza nʼekitundu; nʼekibya kimo ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi ebyo nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.
20 Nʼawaayo nʼebbakuli moiza eyʼezaabbu nga yʼegulaamuzi ooti ikumi na ina era ngʼeizwire obubbaani;
21 nʼokitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona.
22 Nʼawaayo nʼombuli ompanya moiza abbe sadaaka eyʼokusoniya ekikole ekibbikibbi;
23 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo oNasanairi omutaane wa Zuwali ebiyawaireyo.
24 Oku lunaku lwokusatu, Eryabbu omutaane wa Keroni era omukulu wʼekika kya Zebbulooni, nʼatwala ebyokuwaayobye.
25 Ebyokuwaayobye byabbaire esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.
26 Nʼawaayo nʼebbakuli eyʼezaabbu nga yʼegulaamuzi 110 era ngʼeizwire obubbaani;
27 nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona.
28 Nʼawaayo nʼombuli ompanya abbe sadaaka eyʼokusoniya ekikole ekibbikibbi,
29 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Eryabbu omutaane wa Keroni ebiyawaireyo.
30 Oku lunaku lwokuna, Erizuuli omutaane wa Sedewuli era omukulu wʼekika kya Lubbeeni, nʼatwala ebyokuwaayobye.
31 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.
32 Nʼawaayo nʼebbakuli eyʼezaabbu nga yʼegulaamuzi ooti 110 era ngʼeizwire obubbaani,
33 nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
34 nʼombuli ompanya abbe sadaaka eyʼokusoniya ekikole ekibbikibbi.
35 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Erizuuli omutaane wa Sedewuli ebiyawaireyo.
36 Oku lunaku olwokutaanu, oSyerumiyeeri omutaane wa Zulisyadayi era omukulu wʼekika kya Simyoni, nʼatwala ebyokuwaayobye.
37 Ebyokuwaayobye byabbaire, esoniya eyʼefeeza nga yʼekiro moiza nʼekitundu, nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.
38 Nʼawaayo nʼebbakuli eyʼezaabbu nga yʼegulaamuzi 110 era ngʼeizwire obubbaani.
39 Nʼawaayo nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
40 nʼombuli ompanya abbe sadaaka eyʼokusoniya ekikole ekibbikibbi.
41 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo oSyerumiyeeri omutaane wa Zulisyadayi ebiyawaireyo.
42 Oku lunaku lwomukaaga, Eriyasaafu omutaane wa Deweri, era omukulu wʼekika kya Gaadi, nʼatwala ebyokuwaayobye.
43 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.
44 Nʼawaayo nʼebbakuli eyʼezaabbu nga yʼegulaamuzi 110 era ngʼeizwire obubbaani.
45 Nʼawaayo nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
46 nʼombuli ompanya abbe sadaaka eyʼokusoniya ekikole ekibbikibbi.
47 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Eriyasaafu omutaane wa Deweri ebiyawaireyo.
48 Oku lunaku olwomusanvu, Erisaama omutaane wʼAmikudi, era omukulu wʼekika kyʼEfulaimu, nʼatwala ebyokuwaayobye.
49 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke.
50 Nʼawaayo nʼebbakuli eyʼezaabbu nga yʼegulaamuzi 110 era ngʼeizwire obubbaani.
51 Nʼawaayo nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
52 nʼombuli ompanya abbe sadaaka eyʼokusoniya ekikole ekibbikibbi.
53 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Erisaama omutaane wʼAmikudi ebiyawaireyo.
54 Oku lunaku olwomunaana, oGamalyeri omutaane wa Pedakuzuli, era omukulu wʼekika kya Manase, nʼawaayo ebyokuwaayobye.
55 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke,
56 nʼebbakuli eyʼezaabbu nga yʼegulaamuzi 110 era ngʼeizwire obubbaani.
57 Nʼawaayo nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
58 nʼombuli ompanya abbe sadaaka eyʼokusoniya ekikole ekibbikibbi.
59 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo oGamalyeri omutaane wa Pedakuzuli ebiyawaireyo.
60 Oku lunaku olwomwenda, Abbidaani omutaane wa Gidyoni, era omukulu wʼekika kya Bbenyamini, nʼatwala ebyokuwaayobye.
61 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke,
62 nʼebbakuli eyʼezaabbu nga yʼegulaamuzi 110 era ngʼeizwire obubbaani,
63 nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
64 nʼombuli ompanya abbe sadaaka eyʼokusoniya ekikole ekibbikibbi.
65 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Abbidaani omutaane wa Gidyoni ebiyawaireyo.
66 Oku lunaku olweikumi, Akiyezeri omutaane wʼAmisyadayi, era omukulu wʼekika kya Daani, nʼatwala ebyokuwaayobye.
67 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke,
68 nʼebbakuli eyʼezaabbu nga yʼegulaamuzi 110 era ngʼeizwire obubbaani,
69 nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
70 nʼombuli ompanya abbe sadaaka eyʼokusoniya ekikole ekibbikibbi.
71 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Akiyezeri omutaane wʼAmisyadayi ebiyawaireyo.
72 Oku lunaku olweikumi na lumo, oPagiyeeri omutaane wʼOkulani, era omukulu wʼekika kyʼAseri, nʼatwala ebyokuwaayo.
73 Ebyokuwaayobye byabbaire, esoniya eyʼefeeza nga yʼekiro moiza nʼekitundu; nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke,
74 nʼebbakuli eyʼezaabbu nga yʼegulaamuzi 110 era ngʼeizwire obubbaani.
75 Nʼawaayo nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
76 nʼombuli ompanya abbe sadaaka eyʼokusoniya ekikole ekibbikibbi.
77 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo oPagiyeeri omutaane wʼOkulani ebiyawaireyo.
78 Oku lunaku olweikumi na ibiri, Akira omutaane wʼEnani, era omukulu wʼekika kya Nafutaali, nʼatwala ebyokuwaayo.
79 Ebyokuwaayobye byabbaire, esoniya eyʼefeeza nga yʼekiro moiza nʼekitundu, nʼekibya ekibakolesya omu kuswankira nga kyʼegulaamuzi ooti 800 okusinzirira oku bipimo byʼomu Kifo eKitukulye, byombi nga biizwire obusye obwʼengaano obusa era obubatabwiremu obwito obwʼemizaituuni, okubba ekyokuwaayo ekyʼempeke,
80 nʼebbakuli eyʼezaabbu nga yʼegulaamuzi 110 era ngʼeizwire obubbaani.
81 Nʼawaayo nʼonte okitobba, nʼontaama omusaiza, nʼontaama omusaiza owʼomwanka ogumo, okubba esadaaka egibooca yonayona,
82 nʼombuli ompanya abbe sadaaka eyʼokusoniya ekikole ekibbikibbi.
83 Nʼawaayo enumi ibiri, nʼentaama ensaiza itaanu, nʼembuli empanya itaanu, nʼentaama ensaiza itaanu egyʼomwanka ogumo gumo; ngʼesadaaka eyʼokusyania. Ebyo niibyo ebyokuwaayo Akira omutaane wʼEnani ebiyawaireyo.
84 Binu niibyo ebyokuwaayo abeekubbemberi ba Isirairi ebibawaireyo oku lunaku olubawongeireku ekyoto, era ebibatabwiremu obwito obwʼemizaituuni; esoniya ikumi na ibiri egyʼefeeza, nʼebibya ikumi na bibiri ebyʼefeeza ebibakolesya omu kuswankira; nʼebbakuli ikumi na ibiri egyʼezaabbu.
85 Nabuli soniya eyʼefeeza yabbaire yʼekiro moiza nʼekitundu, kaisi nabuli kibya ekyʼefeeza nga kyʼegulaamuzi ooti 800. Ebintu byonabyona ebyʼefeeza nga byerya ekiro ooti 28 okusinzirira oku kipimo kyʼomu Kifo eKitukulye.
86 Ebbakuli eikumi na ibiri egyʼezaabbu nga buli moiza yʼegulaamuzi 110 era gyonagyona aamo nga gyerya ekiro ooti moiza nʼekitundu okusinzirira oku kipimo ekyʼomu Kifo eKitukulye. Era gyonagyona gyabbaire giizwire obubbaani.
87 Ente ebitobba byonabyona ebyʼesadaaka egibooca yonayona, gyabbaire ikumi na ibiri, nʼentaama ensaiza ikumi na ibiri, nʼentaama ensaiza egyʼomwanka ogumo gumo ikumi na ibiri, aamo nʼebyokuwaayo ebyʼempeke, era nʼembuli empanya ikumi na ibiri egyʼesadaaka eyʼokusoniya ekikole ekibbikibbi.
88 Ente egyʼesadaaka eyʼokusyania gyabbaire 24, nʼentaama ensaiza 60, nʼembuli empanya 60, nʼentaama ensaiza egyʼomwanka ogumo 60. Ebyo niibyo ebyokuwaayo ebibawaireyo olwʼokuwonga ekyoto nga bamalire okukisukaku amafuta.
89 OMusa oweyaingiire omu Weema eyʼoKusisinkanirangamu oMusengwa okutumula nʼoMusengwa, nʼawulira eigono lya Musengwa ngʼatumula naye ngʼasinzirira engulu, aakati wʼabakeruubbi ababiri iyo ntebe ya Kibbumba onanyere okusaasira, oku Sanduuku eyʼeNdagaano. Era oMusengwa nʼatumula naye.