1 Tlungthang Boeipa, Israel Pathe aw, ka hinglu he patang tih, ka mueihla a mawt doe lamni nang taengah ka pang. 2 Boeipa aw hnatun lamtah n'rhen lah. 3 Nang tah na boei ngolkhoeng dongah na ngol yoeyah dae ka mih tah ka pacai uh yoeyah. 4 Tlungthang Boeipa, Israel Pathen aw, Israel pilnam kah thangthuinah he hatun laeh. Na mikhmuh ah aka thlh ca rhoek aih he, a Pathen Boeipa kah ol te hnatun uh pawh. Te dongah ni citcai loh kaimih he n'nul nah coeng.

5 A pa rhoekkah boethae khaw poek voel boel mai. Tedae tahae kah boinah soah he na saithainah neh na ming mah poek mai. 6 Namah tah kaimih kah Pathen Boeipa la na om, te khaw namah kah ni, Boeipa aw, u lae ka koeh uh bal voel eh. 7 Kaimih thinko ah namah rhihnah ham khaw nan khueh coeng. Te dongah man na ming ka khue uh pai sue. Ka vangsawn nah ah nang kang koeh uh pai sue. Na mah taengah aka tholh a pa rhoek kah boethaenah boeih te kaimih thinko lamloh ka voeih uh coeng ta. 8 Tihnin kah nan taekyaknah vangsawn hmuen ah he, kokhahnah neh thaphoeinah la ka om uh coeng he. Ka Pathen Boeipa aka hnawt a pa rhoek kah boethaenah cungkuem dongah khaw ka yook uh coeng. 9 Israel aw, hingnah olpae he hnatun lah, Hna kaeng lamtah cueihnah he cang lah. 10 Balae tih, Israel aw balae tih, na thunkha kah khohmuen ah na om? Kholong ram ah na patong tarha. Nang te dueknah loh m'poeih coeng. 11 Nang tah Saelkhui kah rhoek taengah n'hlum he, 12 Cueihnah tuiphuet te na hnawt dongah ni. 13 Pathen kah khosing dogah na pongpa koinih, kumhal kah mongnah dongah khosaknah om sue. 14 Cueinah te me la a om, Thadueng te mela a om, Yakmingnah me a om cang laeh. Te daengah ni amah tue vaengah na hmat eh, Khohni a sen neh ning te mela a om? miklung ham khosae neh mongnah te me la a om? 15 Cueinah hmuen te unim aka hmuh coeng, a thakvoh khuila unim aka kun bal coeng? 16 Namtom kah ukkung rhoek melam a om, diklai rhamsa soah unim boei la aka om bal? 17 Tedae metlam nangmih kan bom lah eh? 18 Yilh dongah vaa aka luem sak te khaw unim? tedae he bibi boeih he n'thuep lek mahpawh. 19 Amih te khaw hma uh tih saelkhui ni a paan uh, Te vaengah amih yuengla a tloe tloep om 20 Lamhnuk kah cadil loh khothaih khosae a hmuh, amih te diklai dongah kho a sak uh. Tedae mingnah khosing te tah hmat uh pawh, a namtlak khaw yakming uh pawh, amah te khaw tu uh pawh. 21 A tiingan rhoek khaw cueihnah longpuei lamloh khohmang la boeih om uh. 22 Cueinah he Kannan ah khaw ya noek pawt tih hmu noek pawh. 23 Hagar kah tiingan rhoek khawm ta, amih loh diklai ah yakmingnaha tlap uh ta Marran neh Teman kah thenpom rhoek te ta, cil aka thui neh yakmingnah aka tla om ta. cueinah longpuei te hmat uh pawt tih, a namtlak poeknah khaw pae uh pawt lah ko. 24 Israel aw, Pathen kah im tah len tangkik tih, a khuehtawn kah khorhi khaw tangkik ta. 25 A rhi suem lek pawt hil ah len tih, a sang khaw nueh lek thai pawh. 26 Khosuen ming thang, pumlen hlang khaw, te ah te thang coeng tih, a pumrho a len neh caem kahw a tloek thai uh. 27 Pathen loh amih a tuek moenih, mingnah longpuei khaw amih a paek moenih. 28 Cueinah a khueh pawt dongah amih te paci uh, a ang uh dongah amih te paci uh. 29 U lae vaan la aka luei tih cueinah aka lo, u long lae khomai dongah cueihnah a bit.

30 U lae tuituenli la aka cet cueihnah aka hmu, u long sui cilh neh cueihnah a lai thai eh? 31 Cueinah longpuei aka ming a om moenih, a namtlak aka ngaithuen hlang khaw om pawh. 32 Mingnah cungkuem aka ming loh cueihnah a ming, anih loh yakmingnah rhangneh cueihnah a hmuh. A tue boeih ham diklai te a rhoekbah tih, kho-pali aka om mulhing neh a baetawt sak. 33 Vangnah te han tueih tih cet bal coeng, te a khue tih ol a ngai doela thuen coeng. 34 Aisi rhoek amah aitlaeng bangla vang uh, a kohoe uh, Amih te a khue vaengah, “Ka om he,” a ti uh. Amih aka suen Boeipa ham tah, kohoenah neh vang uh coeng. 35 He tah mamih kah Pathen ni, amah te a tloe neh thuidoek thai la om pawh. 36 Amah loh mingnah longpuei boeih a hmuh, Tete a sal Jakob taengah khaw, a lungnah Israel taengah khaw a paek. 37 Te phoeiah ni diklai ah cueihnah tueng tih, hlanghing neh kho a sak hmaih.