1 Nebukhanezar ram kah a kum bae ah Nebukhanezar loh mang a man tih a mueihla a cahoeh dongah amah khaw a ih a hoelh pah .   Te dongah manghai loh hmayuep neh khungvatuk khaw , hlangbi neh manghai kah a mang aka thui la Khalden rhoek khaw khue hamla a thui pah . Te dongah a pha uh neh manghai mikhmuh ah pai uh .   Te vaengah manghai loh amih te, “Mang ka man tih mang te ming hamla ka mueihla a cahoeh ,” a ti nah .

4 Khalden rhoek loh manghai te Aramaih ol la, “Manghai tah, dungyan la hing pai saeh. Mang Te na tueihyoeih rhoek taengah thui lamtah na tueihyoeih loh thuicaihnah ka phoe eh?,” a ti na uh . 5 Manghai loh a doo tih Khalden rhoek te , “Kai lamkah ol he cak coeng. Ka mang neh a thuicaihnah na mingpha sak pawt atah maehpoel la n'sah vetih na im Te kawnhnawt om ni. 6 Tedae mang neh a thuicaihnah te na phoe uh atah kai taeng lamkah kutdoe , thapang neh thangpomnah muep na dang uh ni . Mang neh a thuicaihnah Te kai taengah phoe uh dae ,” a ti nah . 7 Koep a doo uh tih , “Manghai kah mang Te a tueihyoeih taengah thui saeh lamtah a thuicaihnah kam phoe uh eh,” a ti na uh . 8 Manghai loh a doo tih , “Kai lamkah ol a cak te na hmuh dongah nangmih a tue na yuengyet uh tila rhep ka ming . 9 Ka mang te na mingpha sak uh pawt atah nangmih oltlueh pakhat ni a om. Laithae ol neh a tue a hoilae hil ka taengah a hong thui ham na cai khaw na cai uh . Mang Te kai taengah thui uh dae lamtah kai hamla a thuingaihnah nan phoe uh te ka ming eh? ,”a ti nah . 10 Manghai taengkah Khalden rhoek loh a doo uh tih , “Manghai kah ol phoe hamla aka noeng te diklai ah hlang a om moenih . Boeilen neh aka hung manghai boeih long khaw he bang ol he hmayuep , rhaitonghma neh Khalden boeih he a dawt noek moenih . 11 Manghai kah a dawt he tongmang ol tih manghai taengah te aka phoe thai he pakhat khaw a om moenih . Pathen rhoek pawt atah amih pumsa lakli kah khosaknah he te bang a om moenih ,” a ti uh . 12 He kong dongah he manghai tah sai tih a thintoek muep . Te dongah Babylon hlang cueih boeih te thup hamla a thui . 13 Hlang cueih ngawn hamla oltlueh a khuen dongah Daniel neh a hui khaw ngawn hamla a tlap uh . 1  Te dongah Babylon hlang cueih te ngawn hamla aka cet manghai kah imtawt boeilen Aryawk Te Daniel loh khuelnah neh saithainah neh a mael sak. 15 Manghai aka hung Aryawk te a doo tih , “Balae tih manghai taeng lamkah oltlueh he a tok aih?” a ti nah hatah ol Te Aryawk loh Daniel te a ming sak. 1  Te dongah Daniel Te cet tih amah te a tue a paek phoeiah thuingaihnah Te manghai mah taengah thui pah hamla manghai taengah a bih . 1  Te phoeiah Daniel Te a im la mael tih a hui rhoek Hananiah , Mishael neh Azariah taengah olka te a thuicaih pah . 18 He oldung dongah Daniel neh a hui rhoek neh Babylon kah hlang cueih a ngen Te thup pawt hamla vaan Pathen taeng lamkah haidamnah a bih . 19 Te khoyin kah mangthui dongah tah Daniel taengah oldung te a thoeng pah . Te dongah Daniel loh vaan kah Pathen te a koeh . 20 Daniel loh a doo tih , “Pathen tah a ming om pai saeh, khosuen lamloh kumhal duela a yoethen pai. Cueihnah neh thayung thamal khaw amah kah ni. 21 Amah loh a tue neh khoning a hoilae . Manghai rhoek te a khoe tih manghai patoeng a thoh . Aka cueih taengah cueihnah neh yakmingnah aka thuicaih taengah mingnah a paek .

22 Amah loh a thuuk neh a thuh khaw a tueng sak. Hmuepnah neh vangnah khuikah te khaw a ming . Te dongah vangnah tah anih taengah om .

23 A pa rhoek kah Pathen namah te kang uem tih kang oep . Kai he ka taengah cueihnah neh thayung thamal nan paek . Namah taengah kam bih bangla kai nan ming sak coeng tih manghai kah olka te kaimih nan ming sak,” a ti .

24 Te dongah he kong neh Daniel Te manghai loh a hmoel tih Babylon hlang cueih rhoek thup hamla aka cet Aryawk taengla cet . Te phoeiah anih te , “Babylon hlang cueih rhoek te thup boeh , kai he manghai taengla n'hui lamtah a thuingaihnah Te manghai taengah ka phoe eh?,” a ti nah . 2  Te dongah Aryawk loh Daniel te manghai taengah thintawn la a khuen tih , “Manghai taengah a thuingaihnah thuicaih hamla Judah hlangsol koca lamkah hlang ka hmuh ,” a ti nah . 26 Manghai loh a doo tih Daniel la a ming aka om Belteshazzar te , “Na om pai a ? Mang ka man neh a thuingaihnah Te kai taengah thuicaih hamla aka noeng , na om rhoe a ?” a ti nah . 27 Daniel loh manghai taengah a doo tih , “Manghai kah na dawt he oldung tih manghai taengah phoe hamla aka noeng hlang cueih , rhaitonghma , hmayuep rhoek, aisi aka suep a om moenih . 28 Tedae oldung aka tueng he vaan ah Pathen om tih hmailong khohnin ah metla a om ham khaw manghai Nebukhadnezzar te na thingkong dongah na mang neh na lu dongkah mangthui neh he he han thuicaih coeng. 29 Manghai nang , na thingkong dongkah na poeknah Te he lamloh aka om la thoeng coeng. Aka om ham te ni oldung aka tueng loh nang m'ming sak. 30 Kai khaw ka taengah oldung a tueng he khaw mulhing boeih lakah kamah kah cueihnah a om dongah moenih . Tedae te kong dongah he a thuingaihnah Te manghai taengah a thuicaih vetih na thinko kah poeknah loh a ming nah ham ni.

31 Manghai nang , na hmuh tih na om coeng. Na mikhmuh ah muei pakhat la aka pai te . Tekah muei tah len sang tih a aa yet . A suisak mah rhimom coeng. 32 Te muei kah a lu Te sui cim , a rhang neh a ban rhoi Te cak , a bung neh a phai rhoi tah rhohum , 33 A khotanlan rhoi Te thi , a khobom Te a ngawncawn Te thi tih a ngawncawn dikpo la om. 34 Na sawt li vaengah kut loh a saii mueh lungto Te coe tih muei Te a khobom dongkah a dae . Te vaengah thi neh dikpo khaw phaeng a nuei pah . 3  Te phoeiah thi , dikpo , rhohum , cak neh sui khaw pakhat la phaeng nuei uh . Te dongah khohal cangtil hmuen kah cangkik bangla om tih te rhoek Te khohli loh a yawn . Te dongah te rhoek te a hmuen boeih hmu voel pawh . Tedae muei dongah aka cu lungto te tlang sang la poeh tih diklai pum ah bae . 36 Mang kah a thuingaihnah Te manghai taengah ka thui uh pawn eh. 37 Manghai nang , namah he manghai rhoek kah manghai ni. Vaan kah Pathen loh ram neh thadueng khaw , sarhi neh thangpomnah khaw namah taengah m'paek coeng. 38 Khosa , khosa boeih khuikah hlang koca rhoek khaw , kohong rhamsa neh vaan kah vaa khaw na kut ah m'paek . A cungkuem soah nang m'boei sak tih nang Te na lu sui la hang khueh. 39 Nang phoeiah tah nang lakah diklai la aka yalh ram pakhat pai ni. A pathum dongkah ram tahrhohum vetih diklai boeih soah boei ni. 40 A pali kah ram tah thi ning bangla om ni. He kong ah he thi loh a neet tih boeih a noeng . Te dongah thi bangla a cungkuem he a phop coeng tih a nuei a pil la om ni. 41 Na hmuh bangla khobom neh khodawn tah a ngawncawn Te ambop kah dikpo tih a ngawncawn thi . A khuiah thi dongkah thacang om cakhaw ram te aka rhek aka boe la om ni. Te kong ah ni thi neh laicang dikpo neh a thoek na hmuh . 42 Khobom dongkah khodawn khaw a ngawncawn , a ngawncawn thi tih , a ngawncawn a ngawncawn tah dikpo . Te dongah ram ngawncawn te a ning la om vetih a ngawncawn tah a poo la om ni. 43 Na hmuh bangla thi neh laicang dikpo a thoek dongah hlang kah tiingan thoek uh ni . Tedae neh thi neh dikpo a thoek thai pawt bangla he neh ke khaw aka pitpom uh la om mahpawh . 44 Vaan Pathen loh manghai rhoek te amamih tue vaengah a pai sak vetih a ram tah kumhal due la tim mahpawh . Ram Te pilnam tloe taengah a nuei la hlah mahpawh . Ram boeih he tlum cakhaw te tah kumhal duela cak ni. 45 He kong dongah tlang lamkah kut neh saii mueh lungto a coe na hmuh . Te dongah thi , rhohum , dikpo , cak neh sui khaw vingving nuei . Boeilen Pathen loh tahae lamloh aka om ham te manghai taengah m'ming sak. Te dongah mang he tong tih a thuingaihnah uepom coeng,” a ti nah .

4  Te dongah manghai Nebukhadnezzar loh a maelhmai longah buluk tih Daniel taengah bakop . Te dongah khosaa neh a hlihlim Te a taengah doe ham a thui pah . 47 Manghai loh Daniel te a doo tih , “Nangmih kah Pathen tah oltak pai ni. Pathen rhoek kah Pathen , manghai rhoek kah Boeipa ni. He oldung tueng hamla na noeng dongah ni oldung he nan tueng ,” a ti nah . 4  Te phoeiah manghai loh Daniel te a pomsang tih anih te boeilen kutdoe muep a paek . Babylon paeng pum soah anih te a boei sak tih Babylon hlang cueih boeih lakah boeilen khoboei la a khueh. 49 Daniel loh manghai taengah a bih tih Sadrakh , Meshach neh Abednego rhoek te Babylon paeng kah taemnah soah a khueh . Te vaengah Daniel tah manghai vongka ah kho a sak.