133
Dirava ena taudia ese idia ta ta dekenai idia lalokau henia
1 Bema Dirava ena taudia do idia noho hebou,
mai edia laloa tamona neganai,
unai kara be namo, bona mai ena moale danu.
2 Unai be dehoro namo herea,
Arona ena kwarana dekenai idia bubua bamona,
Arona ena auki huina dekenai ia bubua diho noho,
iena kouti dabua ena aiona gabuna dekenai danu.
3 Unai lalokau hebou,
be Heremona Ororo ena hanuaboi ranu bamona.
Inai hanuaboi ranu,
be Siona Ororo ena latanai danu ia moru noho.
Inai gabu dekenai be Lohiabada ese ia gwauhamata vadaeni,
iena hanamoa do ia atoa.
Iena hanamoa be inai: Mauri hanaihanai.