4
Xinoi Da Juđa
1 'Bài con calô da Juđa i:
Perex, Hêtrôn, Catmi, Hurò wa Sôban.
2 Rê-a-ja, con calô da Sôban, xa-ông ca Jahat; Jahat xa-ông ca A-hu-mai wa Lahat. 'Bài cô xinoi da Xô-ra-tit.
3 Cô xinoi da Êtam:
Jê-rê-ên, Isma wa Iba; oh cadrì da wì haq hiniq Ha-sê-lê-bô-ni.
4 Pê-nu-ên haq boc da Gêđô wa Êxe, boc yaq da Husa. Cô 'bài con xau da Hurò, con ramua da Ep-ra-ta, boc yaq da 'Bêt-lê-hem.
5 Asua, boc da Tê-cô-a, i baiq toq mai: Hê-lê-a wa Na-a-ra.
6 Na-a-ra xa-ông ca A-hu-xam, Hêphê, Tê-mê-ni wa A-hach-tha-ri. Cô 'bài con calô da Na-a-ra.
7 'Bài con calô da Hê-lê-a i:
Xeret, Xôha wa Êtnan.
8 Hacôt xa-ông ca Anup, Hat-xô-bê-ba wa xinoi A-ha-bên, con da Harum.
9 Jabex jah padèch yi hnao ca oh daq haq. Miq haq hiniq ca haq Jabex ma jah 'màng aih haq doi: “Au khoi chìuq nan xa xa-ông ca haq.”
10 Jabex waiq khàn ca Boc Plình da Is-ra-ên doi: “Xìn Chuaq am xôq ca au, xìn Ìh broq acang taneh da au jah yi càn; xìn tì da Ìh ŏi ti au, wa xìn Ìh wèq ban au khoi ca bìac nan xa.” Boc Plình am ca haq rìm bìac haq waiq xìn.
11 Kêlup, daq Suha, xa-ông ca Mêhia, baq da Êtôn.
12 Êtôn xa-ông ca Bêt Rapha, Pa-sê-a wa Tê-hi-na, baq da I-na-hach. Cô xinoi da Rêca.
13 'Bài con calô da Kêna i:
Ôt-ni-ên wa Sê-rai-a;
con calô da Ôt-ni-ên i:
Hathat.
14 Mê-ô-nô-thai xa-ông ca Opra;
Sê-rai-a xa-ông ca Jôap,
baq da Ge-ha-ra-sim; wì haq cô dìq mangai thòq broq long.
15 'Bài con calô da Calep, con da Jê-phu-neh i:
Iru, Êla wa Na-am,
con calô da Êla i:
Kêna.
16 'Bài con calô da Jê-ha-lê-le i:
Xip, Xipha, Tiria wa A-sa-rên.
17 'Bài con calô da Êxra i:
Jêthe, Mêrêt, Êphe wa Jalon. Mai da Mêrêt xa-ông ca Mi-ri-am, Samai wa Isbah, boc da Êch-te-moh.
18 Mai ma 'noiq hòm, haq mangai Juđa, xa-ông ca Jêrêt, boc da Gêđô, wa Hêbe boc da Sôcoh wa Jê-cu-ti-ên; boc da Xa-nô-a. 'Bài mangai cô con da Bithia, con cadrì Pha-ra-ôn, Mêrêt ma yŏc broq mai.
19 Mai da Hô-đi-ja, aih oh cadrì Naham.
Mòiq con calô da haq, aih baq da Kê-i-la, mangai Gamit wa con calô ma 'noiq, aih baq da Êch-te-moh, mangai Ma-a-ca.
20 'Bài con calô da Simôn i:
Amnôn, Rina, Bên-ha-nan wa Tilôn.
'Bài con calô da Isi i:
Xôhêt wa Bên-xô-hêt.
21 'Bài con calô da Sêlah, con calô da Juđa, i:
Êrò, boc da Lêca, wa La-ê-đa, boc da Ma-rê-sah wa xinoi da mangai atenh bai ŏi Bêt Ach-bê-a;
22 Jôkim, 'bài mangai Cô-xê-ba, Jôach wa Sarap, haq wèq gùng Moap wa Ja-su-bi-lê-chem. Cô bìac achìh calah nèh.
23 'Bài mangai cô thòq broq bitùng rìh ŏi ta Nê-ta-im wa Gê-đê-ra; wì haq ŏi ta aih broq bìac ca bùa.
Xinoi Da Si-mê-ôn
24 'Bài con calô da Si-mê-ôn i:
Nê-mu-ên, Jamin, Jarip, Xêra wa Saulò.
25 Con calô da Saulò i Salum; con calô da Salum i Mipsam; con calô da Mipsam i Michma.
26 Con calô da Michma i:
Ha-mu-ên; con calô da Ha-mu-ên i Xacu; con calô da Xacu i Si-mê-i.
27 Si-mê-i i 16 ngai con calô wa tadràu con cadrì, mahaq oh daq da wì haq ùh bàc con, taiq 'màng aih xinoi da wì haq ùh bàc dàng xinoi da Juđa.
28 Wì haq ŏi ta Bê-e-sê-ba, Mô-la-đa, Haxa Suan,
29 Bila, Êxem, Tôlat,
30 Bê-tu-ên, Hotma, Xiclac,,
31 Bêt Ma-ca-bôt, Haxa Susim, Bêt Birê wa Sa-a-ra-im. Cô raq 'bài phôq da wì haq trùh hloi 'nhòng da bùa Đawit.
32 Cô padam toq plài da wì haq: Êtam, Ain, Rimôn, Tôken wa Asan; aih padam toq phôq,
33 wa dìq ca plài ma 'noiq hòm dudan ca 'bài phôq aih trùh ta Ba-an. Aih nòi wì haq rìh ŏi xam hadròng hadrech da wì haq.
34 Mê-sô-bap, Jamlec, Jôsa, con calô da A-ma-xia;
35 Jôên wa Jêhu, con calô da Jo-si-bia, con calô da Sê-rai-a, con calô da A-si-ên;
36 Ê-li-ô-ê-nai, Ja-cô-ba, Jê-sô-hai-ah, A-sai-a, A-đi-ên, Jê-si-mi-ên, Bê-nai-a,
37 Xixa, con calô da Siphi, xau da Alôn, xau co da Jê-đai-ah, xau chô da Simri, con calô da Sê-mai-a.
38 'Bài mangai ma i hiniq enh 'nhèq cô dìq mangai ma broq gàu ta xinoi da wì haq; xinoi da wì haq jah tŏc tam bàc dìq jaq.
39 Wì haq lam cwa gùng ma haten ca Gêđô trùh pah mat mahì loh da thòng đòiq chaq đùng nhat dèh ca ngè aban wì haq.
40 Wì haq chaq hnoq nòi nhat bàc, lem jìang wa taneh rùng rai, hatenh wa catèm; adroi nèh xinoi da Ham rìh ŏi ta aih.
41 'Bài mangai ma i hiniq enh 'nhèq khoi trùh ta cô 'nhòng da bùa Ê-xê-chia, bùa Juđa, jêh đac wì mangai ŏi ta aih xam mangai Maonit; jêh dŏng wì aih, hi khoi wì haq rìh ŏi ta aih trùh manàiq, ma jah 'màng aih ta aih i đùng nhat ca ngè aban da wì haq.
42 Mòiq 'nah ta wì haq i 500 ngai mangai Si-mê-ôn lam trùh ta gùng rôm wang Sirò, pajùm ca mangai ma wèq wì haq: Pê-la-tia, Nê-a-ria, Rê-pha-ja wa U-xi-ên; aih 'bài con calô da Isi.
43 Wì haq jêh mangai A-ma-lec ma ŏi rìh ta aih, hi khoi wì haq ŏi ta aih trùh manàiq.