9
'Bài Mangai Ŏi ta Jê-ru-sa-lem
1 'Màng aih, dìq ca jàn Is-ra-ên jah achìh hiniq 'mùt ta sô sech xinoi, jah achìh 'mùt ta sô sech da 'bài bùa Is-ra-ên.
Mangai Juđa 'bìq 'nong 'noh enh Diac trùh Ba-bi-lôn taiq wì ùh wèq dèh bàu dì tiaq Chuaq.
2 'Bài mangai baxèm ma jah hlài ŏi ta đùng taneh wa phôq dađeh, aih Is-ra-ên, mangai pajàu, mangai Lêwi wa mangai patìh ta Hnem Cùh Waiq.
3 Mangai Juđa, Bên-ja-min, Ep-ra-im wa Ma-na-se ŏi ta phôq Jê-ru-sa-lem:
4 Uthai, con calô da A-mi-hut; A-mi-hut con calô da Ômri; Ômri con calô da Imri; Imri con calô da Bani; Bani con xau da Perex; con calô da Juđa.
5 Enh xinoi mangai Si-lô-ni, aih:
A-sai-a, con ramua, wa oh daq haq.
6 Enh xinoi da Xêra aih:
Jê-u-ên wa oh daq haq, 690 ngai.
7 Enh xinoi da Bên-ja-min aih:
Salu, con calô da Mê-su-lam; Mê-su-lam i con calô Hô-đa-wia; Hô-đa-wia i con calô Ha-sê-nua;
8 Ip-ni-a, con calô Jê-rô-ham; Êla, con calô Uxi; Uxi con calô Micri; Mê-su-lam con calô Sê-pha-tia; Sê-pha-tia con calô Ruên; Ruên con calô Ip-ni-ja;
9 wa dìq dŏng ca oh daq wì haq tiaq dèh hadròng hadrech jah 956 ngai; aih dìq mangai broq gàu da hnem dèh baq, da xinoi wì haq.
10 'Bài pajàu aih:
i Jê-đai-ah, Jê-hô-a-rip, Jakin,
11 wa A-xa-ria, con calô Hinkia; Hinkia, con calô Mê-su-lam; Mê-su-lam, con calô Xađoc; Xađoc, con calô Mê-ra-jôt; Mê-ra-jôt con calô A-hi-tup; haq mangai ngan wèq Hnem Cùh Waiq da Boc Plình.
12 A-đa-ja, con calô Jê-rô-ham; Jê-rô-ham, con calô Pasua; Pasua, con calô Man-chi-ja; Man-chi-ja, con calô Ma-ê-sai; Ma-ê-sai, con calô A-đi-ên; A-đi-ên, con calô Ja-xê-ra; Ja-xê-ra, con calô Mê-su-lam; Mê-su-lam, con calô Mê-si-lê-mit; Mê-si-lê-mit, con calô Imê;
13 wa 'bài oh daq wì haq aih jah 1.760 ngai; wì haq dìq mangai broq gàu da hnem dèh baq,, i dua loq, patìh bìac ta Hnem Cùh Waiq Boc Plình.
14 Mangai Lêwi aih:
i Sê-mai-a, con calô Hasup, xau A-ri-kham, xau chi Ha-sa-bia; wì haq con xau Mê-ra-ri;
15 Bac-ba-cat, Hêre, Gala, Ma-ta-nia con xau da Mica, Xicri wa Asap;
16 Ô-ba-đia, con calô da Sê-ma-ja, xau da Gala, xau chi da Jê-đu-thun; Bê-rê-kia, con calô Asa, xau Ên-ca-na; wì haq ŏi ta 'bài plài da mangai Nê-tô-pha-tit.
17 Mangai wèq 'mang ngo aih:
Salum, Acup, Tanmôn, A-hi-man, wa oh daq wì haq; Salum broq gàu;
18 Wì haq wèq 'mang ngo bùa ŏi pah mat mahì loh trùh manàiq. Aih nòi đòiq traiq da mangai Lêwi.
19 Salum, con calô da Côra, xau Ê-bi-a-sap, xau chi Côra wa oh daq wì haq; bìac broq da mangai Côra, aih ngan wèq 'mang ngo hnem traiq cùh waiq; bìac broq da boc yaq wì haq hadai ngan wèq 'mang ngo da hnem traiq cùh waiq Boc Plình.
20 Calah nèh, Phi-nê-hat, con calô Ê-li-a-xa, mangai wèq cwìang wì haq, wa Boc Plình ŏi ti haq.
21 Xa-cha-ri, con calô Mê-sê-lê-mi, mangai wèq Hnem Traiq Cùh Waiq.
22 Dìq mangai cô khoi ràih đòiq wèq ngan 'bài 'mang ngo da Boc Plình, dìq ca wì haq jah 212 ngai; wì haq jah achìh 'mùt ta sô sech xinoi ŏi ta plài tiaq bùa Đawit wa Sa-mu-ên, mangai thai capoch Boc Plình, khoi pajaq.
23 'Màng aih, wì haq wa con xau wì haq ngan wèq 'mang ngo Hnem Cùh Waiq da Boc Plình, aih raq gòm ngan Hnem Traiq Cùh Waiq.
24 'Bài mangai ngan wèq 'mang ngo, gòm pôn pah: pah mat mahì loh; pah mat mahì mùt; pah 'ngeo ca mat mahì loh wa pah 'ma ca mat mahì loh.
25 'Bài oh daq wì haq rìm tùang axong dabau trùh đòiq wiang jùp đò wì haq.
26 Mahaq pôn ngai broq gàu da 'bài mangai wèq 'mang ngo, wì mangai Lêwi phai wèq dèh manoh broq bìac wèq ngan dìq ca adùq hnem wa adùq đòiq 'bac ŏi ta Hnem Traiq Cùh Waiq da Boc Plình.
27 Wì haq ep dudan ca Hnem Traiq Cùh Waiq damang, taiq wì haq ep pèh 'mang rìm xroq.
28 'Nah ngai phai ngan wèq 'bài ranac ta Hnem Traiq Cùh Waiq; wì haq rèn dìq ranac jò ma 'mùt wa jò ma yŏc 'noh.
29 Mòiq 'nah ngai phai ngan wèq ranac wa dahwèq ta Hnem Traiq Cùh Waiq, dàc, alac, dàu, nhù hùang wa dahwèq xua thùm.
30 Mòiq 'nah ngai con calô da pajàu ngan wèq bìac broq loh dahwèq xua thùm.
31 Ma-ti-thia, con ramua da Salum, xinoi Côra, mangai Lêwi, phai broq bìac bùh 'benh.
32 Mòiq 'nah oh daq wì haq ŏi ta xinoi Kêhat, phai padon 'benh hadròih, đòiq ta ca'bŏng rìm hì Sabat.
33 Cô 'bài mangai calêu, mangai broq gàu da hnem dèh baq da mangai Lêwi, rìh ŏi ta 'bài adùq da Hnem Traiq Cùh Waiq; wì haq ùh broq bìac ma 'noiq, taiq wì haq jiang broq bìac wì haq dahì damang.
34 Aih 'bài mangai broq gàu dèh hnem baq wì haq, tiaq dèh hadròng hadrech da xinoi Lêwi rìh ŏi ta Jê-ru-sa-lem.
Xinoi da Saulò
35 Jê-i-ên ŏi phôq Gi-bi-ôn, haq baq da Gi-bi-ôn;
mai haq Ma-a-ca.
36 Con ramua da haq Apđôn, khoi trùh ca Xurò, Kich, Ba-an, Nêrò, Nađap,
37 Gêđô, A-hi-ô, Xa-cha-ri wa Michlô.
38 Michlô xa-ông ca Si-mê-am; rìh haten dèh ca oh daq ta Jê-ru-sa-lem, jang ngìa oh daq ma 'noiq.
39 Nêrò xa-ông ca Kich; Kich xa-ông ca Saulò; Saulò xa-ông ca Jô-na-than, Man-chi-sua, A-bi-na-đap wa Êch-ba-an.
40 Con calô Jô-na-than i:
Mê-ri-ba-an; Mê-ri-ba-an xa-ông ca Mica.
41 Con calô da Mica i: Pithon, Mêlec, Ta-rê-a wa Acha.
42 Acha xa-ông ca Ja-ê-ra; Ja-ê-ra xa-ông ca A-lê-mêt, Ach-ma-wêt wa Ximri; Ximri xa-ông ca Môxa;
43 Môxa xa-ông ca Bi-nê-a; con calô Bi-nê-a i: Rê-pha-ja; Rê-pha-ja xa-ông ca Ê-li-a-xa wa Ê-li-a-xa xa-ông ca Axên.
44 Axên i tadràu toq con calô, hiniq:
A-ri-kham, Bôcru, Ich-ma-ên, Sê-a-ria, Ô-ba-đia wa Hanan. Wì haq cô dìq con da Axên.