7
Da Issakar Ohana
Issakar get four boys: Tola, Puah, Jashub, an Shimron.
Tola boys: Uzzi, Refaiah, Jeriel, Jahmai, Ibsam, an Samuel. Dey da leada guys fo dea blood lines. Wen David stay king, da guys dat come from Tola an fight was 22,600.
Uzzi boy: Izrahiah.
Izrahiah boys: Michael, Obadiah, Joel, an Isshiah. Dey all leada guys. Inside dea blood line record get 36,000 guys dat stay ready fo fight one war. An dey get plenny wifes an kids.
Da Issakar ohana record get 87,000 guys dat stay ready fo fight one war.
Da Benjamin Ohana
Benjamin get three boys: Bela, Beker, an Jediael.
Bela boys: Ezbon, Uzzi, Uzziel, Jerimot, an Iri. Dey da five leada guys fo dea blood lines. Dea blood line record give 22,034 guys ready fo fight.
Beker boys: Zemirah, Joash, Eliezer, Elioenai, Omri, Jeremot, Abijah, Anatot, an Alemet. Dea blood line record get da leada guys fo dea blood lines, an 20,200 guys ready fo fight one war.
10 Jediael boy: Bilhan.
Bilhan boys: Jeush, Benjamin, Ehud, Kenaanah, Zetan, Tarshish, an Ahishahar. 11 Dey all da leada guys fo dea blood lines. An dey get 17,200 guys ready fo fight one war.
12 Da Shupp peopo an da Hupp peopo come from Ir. An da Hush peopo come from Aher.
Da Naftali Ohana
13 Naftali boys: Jahziel, Guni, Jezer, an Shillem. Naftali come from Bilhah.
Da Manasseh Ohana
14 Da boys dat come from Manasseh: Azriel come from Manasseh by his odda wife dat come from Aram. She born Makir, Gilead faddah. 15 Makir get one wife from da Hupp peopo an da Shupp peopo. Makir sistah name Maakah.
Anodda guy dat come from Manasseh was Zelofehad. He get ony girls.
16 Makir wife Maakah born one boy, an name him Peresh. Peresh braddah was Sheresh, an his boys Ulam an Rakem.
17 Ulam boy: Bedan.
Az was Gilead boys. Gilead he Makir boy, Makir he Manasseh boy. 18 His sistah Hammoleket born Ishhod, Abiezer, an Mahlah.
19 Shemida boys: Ahian, Shekem, Likhi, an Aniam.
Da Efraim Ohana
20 Da boys dat come from Efraim: Shutelah, his boy Bered, Bered boy Tahat, Tahat boy Eleadah, Eleadeh boy Tahat, 21 Tahat boy Zabad, an Zabad boy Shutelah.
Efraim get two odda boys, Ezer an Elead. Dey wen go Gat town fo grab da Gat peopo animals. But da guys dat wen born dea, dey kill da two Efraim boys. 22 Dea faddah Efraim stay sad inside long time cuz a dem. His ohana come fo make him stay good inside. 23 Den he sleep wit his wife one mo time an she come hapai an born one boy. Efraim name him Beriah, cuz his ohana get trouble. 24 His girl was Sheerah, dat wen build Bet-Horon Mauka, Bet-Horon Makai, an Uzzen Sheerah.
25 Beriah boy Refah, Refah boy Reshef, Reshef boy Telah, Telah boy Tehan, 26 Tehan boy Ladan, Ladan boy Ammihud, Ammihud boy Elishama, 27 Elishama boy Nun, Nun boy Joshua.
28 Dea land an towns get Bethel inside um an da small towns aroun dea, Naaran by da east side, Gezer an da small towns aroun um by da west side, Shekem an da small towns aroun um, all da way by Ayyah an da small towns aroun um. 29 By da edge a da Manasseh land get Bet-Shan, Taanak, Megiddo, an Dor, an da small towns aroun um. Da peopo dat come from Israel boy Joseph stay inside dese towns.
Da Asher Ohana
30 Asher boys: Imnah, Ishvah, Ishvi, an Beriah. Dea sistah was Serah.
31 Beriah boys: Heber an Malkiel. Malkiel da faddah fo Birzait.
32 Heber da faddah fo Jaflet, Shomer, an Hotam, an dea sistah Shua.
33 Jaflet boys: Pasak, Bimhal, an Ashvat.
34 Shomer boys: Ahi, Rohgah, Hubbah, an Aram.
35 Shomer braddah Helem boys: Zofah, Imna, Shelesh, an Amal.
36 Zofah boys: Suah, Harnefer, Shual, Beri, Imrah, 37 Bezer, Hod, Shamma, Shilshah, Itran, an Beera.
38 Jeter (az Itran odda name) boys: Jefunneh, Pispah, an Ara.
39 Ulla boys: Arah, Hanniel, an Rizia.
40 All dese come from Asher. Dey da leada guys fo dea blood lines. Dey good guys. Dey fight good an no sked. Dey real good leada guys. Inside dea blood line record get 26,000 guys ready fo fight.