1 Manipud iti kaunggan ti panagtuokko, umawagak kenka, O Yahweh. 2 O Apo, denggem ti timekko; sidedengngeg koma dagiti lapayagmo iti panagdawatko ti kaasim. 3 No sika, O Yahweh, ti mangmarka kadagiti kinadangkesmi, O Apo, siasino ngay ti saan a madusa? 4 Ngem adda iti pannakapakawan kenka, a pakadayawam. 5 Agur-urayak kenni Yahweh, agur-uray ti kararuak, ket mangnamnamaak iti saona. 6 Ad-adda nga agur-uray ti kararuak iti Apo ngem ti panagur-uray iti agbanbantay iti bigat. 7 O Israel, mangnamnamaka kenni Yahweh. Manangngaasi ni Yahweh, ken situtulok unay isuna a mamakawan. 8 Isunanto ti mangsubbot iti Israel iti amin a basbasolna.