Jeremaia
Isrel ämawebetä Anutu täŋo man nämo buraminayäŋ täŋo uwä iwantä päbä api yämagut yäpmäŋ kuneŋ
1
Jeremaia 1:4-10
Ekänitä Jeremaia profet epän täkta iwoyäŋkuk
4 Yawe täŋo mantä jukunaken ŋode äpmoŋkuk;
5 Gäk meŋka koki gänaŋ nämo gepmaŋpa ahäŋiri nadäŋ gamiŋkut. Ba meŋka koki gänaŋ naniktä kwawak nämo ahäŋiri gäk iwoyäŋpäŋ näkŋo mena jinom yäpmäŋpäŋ äma äbori äbori uken yäŋahäkta gepmaŋkut.
6 Yawetä ude näweränä iwetkut; Ekäni Yawe ärowani, ude nämo! Näk äma gubaŋigän yäk. Upäŋ gäkŋo man jide täŋpäŋ api yäŋahäwet. Mena bäräpi.
7 Näkä Yawe ude iwetkuro upäŋkaŋ ŋode näwetkuk; Näk gubaŋigän yäŋ nämo yäwen. Nämo, äma äbot u ba u gäwetpewa kwayäŋ täyanken u kuŋkaŋ man gäwerayäŋ täyat ugänpäŋ api yäŋahäŋpäŋ yäweren.
8 Nadätan? Yawe näkä ŋode yäŋkehärom täyat; Näkä gäkkät itkaŋ watä säkgämän api it gamero unita ämawebe unita nämo umuntäwen.
9 Ude näwetkaŋ Yawetä keri jinomnaken peŋpäŋ näwetkuk; Eruk, näkŋaken man mekaken peyat.
10 U ka! Apiŋo näk äma äbori äbori ba unitäŋo intäjukun ämaniye intäjukun it yämikta kehäromi gamitat. Kehäromi unitä äma äbot ätu api täŋpi waneŋ. Täŋ äbot ätu kehäromi uterak yäpi tägaŋirä kehäromigän api itneŋ.