1 Ọwaa bụ iphe onye nkfuchiru Nchileke, bụ Jeremáya kfuru Baruku Neraya l'afa k'ẹno, Jehoyakimu Josáya wataru ọchi ndu Júda; lẹ Baruku detsuaru okfu, o kfuru iya. 2 “Ọwaa iphe Ojejoje, bụ Nchileke kẹ ndu Ízurẹlu kfuru nggụbe Baruku: 3 I sụru: ‘Nshọo ngu! Ojejoje wotawaru aphụ yekwa l'iphe-ẹhuka ngu. L'ị tsụakwaru ude; ike agvụ ngu; ọphu ị tụtajedu ume.’ ”

4 Ojejoje sụru: “Ọwaa iphe ii-kfuru iya ndọ: Wakwa iphe Ojejoje ekfu baa: ‘L'ọ byawa onwukposhi iphe o shi kpụa l'onwiya; l'abya ofeshi iphe o shi dzaa l'onwiya l'alị-a mgburumgburu. 5 ?Nanụ ẹge ii-shi bya awata ọchoru onwongu iphe paru ẹka? Ba achọkwa iya ẹge ono; kẹ l'ọ kwa mkpaka bẹ ya e-wotaru ndiphe kpamukpamu. Obenu lẹ nggụbedua; iphe bụkpo ẹke i jeru ẹke i jeru; bẹ ụkfu ta adụdu ngu; njị ta ajị ngu.’ ” Ono iphe Ojejoje ekfu ndono.