102
Ŋac matac tonê ŋalêlôm ŋawapac nê mec
O Apômtau, ôkêŋ taŋam ŋoc mec
ma ôkêŋ ŋoc taŋiboa e wacdiŋgeŋ aôm.
Êtôm ŋasawa, taŋ ŋoc ŋalêlôm ŋatutuc naŋ,
ônsaŋ laŋômanô auc êndêŋ aê atom.
Wê taŋam aê.
Êtôm ŋasawa, taŋ jamôêc naŋ, ôkêŋ taŋam aê ŋagaôgeŋ.
 
Ojae, ŋoc bêc gêôŋ sa katôm jadauŋ
ma ŋoc ŋatêkwa ŋandaŋ kêtôm ja geŋ gêmoa ŋalêlôm.
Aêŋoc ŋalêlôm kêsêlic e kêtu masê amboac gêgwaŋ
ma gêgôm aê e kaliŋ tauc siŋ ma gaeŋ gêŋ atom.
Kasê aoc jamêc-jamêc
e ŋoc ŋamêsôm gedec ŋatêkwa.
Aê katôm moc gwêcŋa, mago jagamoa gamêŋ sawa.
Aê katôm mocki gêmoa gamêŋ gasaŋ.
Aê gabe janêc bêc e gagôm jageo ma kataŋ tauc.
Aê katôm moc ŋanô kêsu tageŋ, taŋ gêŋgôŋ nip naŋ.
Ŋoc ŋacjo sêsu aê susu kêtôm bêcgeŋ.
Êsêac taŋ sêkêli tauŋ kêtu aêŋa naŋ, sêpuc boageŋ gebe aê janaŋamaŋ.
 
Ojae, aê gaeŋ wao kêtu ŋoc mogoc
ma gabe janôm gêŋ, naŋ ganôm matocsulu toôŋ-toôŋ
10 kêtu aôm têmtac ŋandaŋ to nêm ŋalêlôm kêmoatiŋ tôŋŋa
gebe aôm gôc aê sa ma kôgôndiŋ aê.
11 Aêŋoc bêc kêtôm katuŋ kêtu baliŋ.
Ojae, aêma kamêliŋ amboac gêgwaŋgoc.
12 Mago aôm Apômtau, tec kôtu kiŋ gôŋgôŋ nêm lêpôŋ gedeŋ tôŋgeŋ
ma gôlôac to gôlôac tetoc aômnêm ŋaê sa.
13 Aôm oc ôndi ma taêm walô Sion gebe ŋanoc aôm taêm walôŋa kêdabiŋgac.
Ŋanoc tau mêŋkêsa su.
14 Aômnêm sakiŋwaga têntac gêwiŋ Sion tau ŋaalê
ma nêŋ ŋalêlôm kêmoatiŋ tôŋ kêtu gamêŋ tau ketocŋa.
 
15 Ec lau samuc oc têtêc Apômtaunê ŋaê
ma kiŋ nomŋa samob têtêc nêm ŋawasi.
16 Biŋŋanô, Apômtau oc êkwê Sion sa êtiam.
Eŋ oc eoc tau lasê tonê ŋawasi.
17 Eŋ oc êkac laŋôanô ôkwi êndêŋ lau, taŋ sêjac kapoac êsêac naŋ, nêŋ mec
ma êmbôc taŋasuŋ auc êndêŋ êsêacnêŋ taŋiboa atom.
 
18 Biŋ tonaŋ ŋai teto ênêc e lau wakuc sêlic
gebe lau, taŋ teneŋi sêkôc êsêac su atomgeŋ naŋ, aweŋ êôc Apômtau.
19 Gebe eŋ gêjam tuc aŋga nê lôlôc dabuŋ
gebe Apômtau kêtuc kêniŋ aŋga undambê kêsêp nom gêmêŋ
20 gebe êkêŋ taŋa êndêŋ lau kapoacwalôŋa nêŋ oliŋ
ma êŋgamboac lau, taŋ têtu lau gêbac naŋ, su sêmoa mateŋ jali.
21 Gebe sêsôm Apômtaunê ŋaê lasê aŋga Sion
ma nê wae aŋga Jerusalem.
22 Sêŋgôm êndêŋ taŋ tenteŋlatu sêkac tauŋ sa naŋ,
ma kiŋnêŋ lau sebe sênam sakiŋ êndêŋ Apômtau amboac tonaŋ.
 
23 Aê kasa ŋoc lêŋ gamoa e eŋ gêgôm aêŋoc ŋaclai kêtu goloŋ.
Eŋ gêjam aêŋoc bêc gaŋgôŋ matoc jaliŋa su kêtu dambê,
24 e galoc kataŋ gebe “Ŋoc Anôtô, ôkaja aêma êndêŋ ŋoc bêc ŋaluŋgeŋ atom
gebe aôm kôtu têm teŋgeŋ to teŋgeŋ ŋatau.”
 
25 Andaŋgeŋ tauanô gôjac m nom
ma undambê kêtu lêmam ŋakôm.
26 Geŋ tonaŋ ŋai oc sênaŋa ma aôm oc gacgeŋ ômoa.
Gêŋ tonaŋ ŋai samob oc têtu manê amboac ŋakwê.
Aôm oc ôjô gêŋ tau êtôm tajô ŋakwê
ma aôm oc ônam gêŋ tau tonaŋ ôkwigeŋ.
27 Mago aôm ômoa amboac gômoa endeŋ tôŋgeŋ
ma nêm jala oc ŋatêku êsu atom.
28 Aômnêm sakiŋwaga nêŋ latuŋi oc tec sêmoa nêŋ ôliŋ ŋajamgeŋ
ma nêŋ gôlôac oc sêmoa aôm laŋômnêmŋa ŋapaŋ.
* lêna tau êndu-êndu naŋ, nê taŋiboa gêdêŋ Apômtau kêtu nê kwalecŋa.
* 102:28 Pesalem dambu tauŋŋa kêtu lemeŋteŋŋa. Ŋac taŋ kêpô