122
Biŋmalô ênêc Jerusalem ŋamec
1 Aê gaŋô lau sêsôm gêdêŋ aê gebe “Tawê dandêŋ Apômtaunê andu tana”
ma gêgôm aê têtac ŋajamanô.
2 O Jerusalem,
galoc eŋkaiŋ kêka aômnêm sacgêdô tôŋgac.
3 O Jerusalem, sêkwê aôm sa kêtiam
kêtôm malac, taŋ tuŋbôm kêpiŋ auc e ŋajaŋa naŋ.
4 Gôlôac to gôlôac sêpi gamêŋ tonaŋ
Apômtau tau nê gôlôac sêpi-sêpi sêmoa
êtôm eŋ kêjatu êsêac
gebe sêlanem Apômtaunê ŋaê.
5 Aŋga tonaŋ tec tetoc lêpôŋ sêmêtôc biŋŋa kêkô,
tetoc Dawidnê gôlôacnêŋ lêpôŋ kêkô.
6 Ateŋ mec êtu Jerusalem êtap biŋmalô saŋa.
Êsêac taŋ têntac gêwiŋ aôm naŋ, sêmoa ŋajamgeŋ.
7 Wama ênêc nêm tuŋbôm ŋalêlôm
ma biŋmalô ênêc nêm andu ŋalêlôm.
8 Aê gabe jasôm gebe “Biŋmalô êndêŋ aôm”
êtu ŋoc lasitêwai to ŋoc ŋacŋa.
9 Aê gabe jateŋ moasiŋ êtu aômŋa,
êtu Apômtau, aêacnêŋ Anôtônê anduŋa.