133
Lasitêwai semoa sêwiŋ tauŋ ŋapep ŋabiŋ
1 Alicgac me, lasitêwai embe sêŋgôŋ sêwiŋ tauŋ,
oc talic ŋakatu têtac êsa laŋgwageŋ.
2 Biŋ tonaŋ kêtôm niptêkwi ŋajamanô, taŋ sêkêc kêpi Aron môkêapac ma keseleŋ kêdaguc ênê êm,
e jagêsac ênê ŋakwê gêsutêkwa.
3 Kêtôm maniŋ aŋga lôc Hermon,
taŋ kêsêlô mêŋkêpi Sion naŋ,
gebe gamêŋ tonaŋ Apômtau gêjam mec su
gebe sêmoa mateŋ jali endeŋ tôŋgeŋ.