14
Ŋamalacnêŋ sec
(Pes 53:1-6)
Lau meloc tec nêŋ ŋalêlôm kêsôm gêdêŋ tauŋ gebe “Anôtô teŋ gêmoa atomanô.”
Êsêac sêgôm gêŋ sec to alôb-alôb ma nêŋ teŋ gêgôm gêŋ ŋajam teŋ atom.
 
Apômtau kêtu kêniŋ ŋamalac latuŋi aŋga undambê
gebe oc êtap ŋac tokauc teŋ, taŋ kêtêc Anôtô naŋ, sa gêmoa me masi.
Mago êsêac samob sêkac tauŋ su. Samob têtu secŋageŋ.
Êsêacnêŋ teŋ gêgôm gêŋ ŋajam teŋ atom, masi samucgeŋ.
 
“Lau secwaga samob nêŋ kauc gêbôc me. Êsêac têdaŋgôŋ ŋoc lau amboac seŋ mo
ma êsêac aweŋ gêjac Apômtau atom.”
 
Mago êsêac oc têtakê ŋasec
gebe Anôtô gêmoa gêwiŋ lau gêdêŋ nêŋ gôlôac.
Amac abe akô biŋ, taŋ ŋac ŋalêlôm sawa kêkêŋ mata naŋ, auc.
Mago Apômtau tau kêtu ênê lamu.
 
Ojae, moasiŋ ênam Israel saŋa mêŋêsa aŋga Sion ecmaŋ.
Êndêŋ taŋ Apômtau êmoasiŋ nê lau êtiam naŋ, Jakob oc êtu samuc ma Israel oc têtac ŋajam êsa.
Dawidnê pesalem.