9
1 Go aŋela kêtu lemeŋ teŋŋa gêjac dauc kêtaŋ. Ma galic utitalata teŋ kêpôp aŋga umboŋ kêsêp nom gêja, ma sêkêŋ ki gamêŋ ŋakêlêndiŋ secŋa gêdêŋ eŋ.
2 Ma eŋ kêlai gamêŋ ŋakêlêndiŋ ŋakatam su ma jadauŋ kêpi aŋga gêsuŋ tau tonaŋ kêtôm ja geŋ oba ŋatêtac mêŋgêjam oc to gamêŋ auc e ŋakesec kêsa.
3 Ma wagô sêsa aŋga jadauŋ ŋalêlôm mêŋsêjam nom auc, ma nêŋ ŋaclai kêtôm alidêbu nomŋa nêŋ.
4 Ma biŋ gêdêŋ êsêac gebe sêŋgôm gêgwaŋ nomŋa to gêŋ ŋalauŋ matac-matac ma ka sec atom, têtu kasec ŋamalac, taŋ sepeŋ Anôtônê ŋatalô kêpi êsêac teŋbeleŋ atom naŋgeŋ.
5 Mago wagô tau têtôm gebe sênac ŋamalac êndu atom, sêlôc gebe sêlênsu êsêacgeŋ êtôm ajôŋ lemeŋ teŋ. Sêlênsu êsêac ŋa ŋandaŋ êtôm alidêbu êŋac lau ŋaŋandaŋ.
6 Êndêŋ ŋasawa tonaŋ ŋamalac sêŋgôm gêŋlêlôm gebe sêmac ênduŋa, mago sêŋgôm elêmê. Êsêac oc sênam aweŋ su gebe sêmac êndu, mago gêmac oc êc êsêac sugeŋ.
7 Wagô tau ŋalaŋô amboac hos, taŋ sêmasaŋ kêtu siŋŋa naŋ. Êsêac sêkuc gêŋ amboac sunsuŋ gold, ma êsêac laŋôŋanô amboac ŋamalac laŋôanô.
8 Êsêac môkêŋlauŋ baliŋ amboac lauonêŋ ma luŋluŋ amboac lewenêŋ.
9 Talic êsêac bôŋdagi amboac maluku ki gêsaŋ auc, ma nêŋ magêŋ ŋakicsêa amboac kareta, taŋ hos taêsam sê ma sêlêti kêtu siŋŋa naŋ.
10 Ma nêŋ lêŋuc tokêm amboac alidêbunêŋ, ma nêŋ ŋaclai gêc ŋalêŋuc tau ŋalêlôm, gebe têtu kasec ŋamalac êtôm ajô lemeŋ teŋ.
11 Aŋela gamêŋ ŋakêlêndiŋ secŋa kêtu nêŋ kiŋ, nê ŋaê ŋa Ebolai aweŋ gebe Abadon, ma ŋa aêac aweŋ gebe ŋac-geseŋ-gêŋ-ŋsamob-suwaga.
12 Ojae ŋamataŋa mêŋgêja su. Ojae luagêc gacgeŋ gêc, oc mêŋêsa êtu ŋamu.
13 Go aŋela kêtu 6ŋa gêjac dauc kêtaŋ. Ma aê gaŋô awa teŋ kêsa aŋga jabo aclê, *taŋ gêsac altar gold, taŋ kêkô Anôtô laŋônêmŋa naŋ ŋakêclêsu.
14 Awa tau kêsôm gêdêŋ aŋela kêtu 6ŋa, taŋ kêkôc dauc naŋ, gebe “Ôŋgamboac aŋela aclê, taŋ sêkô êsêac tôŋ sêmoa bu kapôêŋ Euprat naŋ su.”
15 Ma eŋ kêgaboac aŋela aclê tonaŋ su. Aŋela tau sêmasaŋ tauŋ kêpi jala tonaŋ ŋaajôŋ to ŋabêc ma ŋaockatu su gebe sêwa ŋamalac samob êkôc êna toŋ têlêac ma sênac ŋamalacnêŋ toŋ têlêac tau ŋateŋ êndu.
16 Ma aê gaŋô sêsa siŋwaga, taŋ sêŋgôŋ hos ŋaô naŋ, nêŋ namba sa, ma namba tau 200 million.
17 Ma katuc kaiŋ teŋ kêsa e galic hos to lau, taŋ sêŋgôŋ ŋaô naŋ. Êsêacnêŋ maluku kokoc kêtôm ja to majaŋ-majaŋ ma joŋjoŋ. Ma hos tau môkêŋapac amboac lewenêŋ, ma ja to jadauŋ ma talao kêsa êsêac aweŋsuŋ.
18 Gêŋwapac têlêac tonec ja to jadauŋ ma talao, taŋ kêsa êsêac aweŋsuŋ naŋ, geseŋ ŋamalac, taŋ sêwa kêkôc gêja toŋ têlêac naŋ, ŋateŋ su.
19 Hos tau nêŋ ŋaclai ŋam kêsêp êsêac aweŋsuŋ to nêŋ Iêŋuc. Nêŋ Iêŋuc tomôkêŋapac amboac moac. Ma môkêŋapac tau tonaŋ têtu kasec ŋamalac.
20 Ma ŋamalac ŋagêdô, taŋ gêŋwapac tonaŋ geseŋ êsêac su atom naŋ, sêjam tauŋ ôkwi aŋga nêŋ kôm, taŋ lemeŋ sêgôm naŋ atom. Êsêac teteŋ mec gêdêŋ ŋalau sec sêwi siŋ atom ma teteŋ mec gêdêŋ gwam, taŋ sêmasaŋ ŋa gold to silber ma ki to poc ma ka, ma têtôm gebe sêlic gamêŋ to sêŋô biŋ ma sêsêlêŋ atom naŋ.
21 Ma êsêac sêjam tauŋ ôkwi aŋga nêŋ lêŋ sêjac ŋamalac êndu to nêŋ sôlôŋ toê-toê ma nêŋ lêŋ mockaiŋo to mockaiŋŋa ma nêŋ biŋ geŋgeŋŋa atom. jabo kapôêŋ aclê ma sêkêŋ jabo ŋakatu tau kêkô altar ŋakêclêsu aclê. ma êkêŋ Jabo akatu tau k k altar akacŋu acŋ.