6
Imrli, wotre batiembi wa batie ni mi Rjia, ahi kpe u bi. To tie mbi ni yi mbi ni nfutu ahi njitre u mumlan ni alkawali. ndu yi kpa lulu, ndi tie se gbugbuu ni mgbu mgblu yi Nakima me, Batie, na tie kpe wa ani kpa sron mrlimbi tir memea na, tsro ba kon ndi ndi ni mitre Baci. Igran, wo tre batie ko mbi u mgbumgbluyi ndi klu sissri mba ni mi dri mbi, wo tre mba nawa bi wo u' kristia. Na tir kpe ndi ndi ni shishi ba tre ko mbi ni ndu ba gbre yi san na tie na bi gran kristi tie kpe wa Rji ni son'a rji nimi dri mbi. Tiendu ni sron me wawuu, na wu tie ni Baci, ana ni ndji na. Ki to ndi kpe ndindi wa ndji ba tiea ba kpalulu ni Baci, I gran ko ndji wa ba cuwu cuwoa. Na kima, i ttieko, tie ni gran na kima me na nuba sissri na. Irji mba ni u mbia he ni shu. ana tie sontuwa 10 I clema, tie mgbe mgble ni mi Baci. 11 Sru kpe ku u Rji, ndi ndu zayi krli ni kagji u shetan. 12 Iku mbua na he u nama ni yi na, ama ahi mgbemgble, ni mahukunta u mgbumgblu yi ubwu ni rudunai bi bwu u memme ni mi shu gbugbuu. 13 Naki ban kpe ku u Rji, don ni krli mgbanmgban ni memme vi. Bita tie koge bi krli ni mgbemgble. 14 Krli mgban mgban, ndi lo rji rji ni tri mbi, ndi sru damgban u tsratsra. 15 Tie nayi ndi lo za mbi mgbamgban ndi ji tre rji u si sron hi. 16 Ni me kpe wawuu, ban dagban u yosron, wawumbi wu i whien bi memme. 17 Ndi ban tagya u gbujbu ni njigban u brji tsratsra, wa a hi tre Rjia. 18 Ni bre mbi wawuu, ta tre ni baci cacuu nimi tsratsra. Ni cleama, taya ni yosron nita tre ni baci nitu ndi bi hu wawuu. 19 Bre nimu ndu me kpa tori ni ton wa mi bwu yyua. Bre nimu ndume fe sron wa mi hla tre jaji wa baria. 20 Nitu bishara mi kati ndi u tondu wa baya, zie ni mi zrea, ndi dume tre hamma ni glu sissiri. 21 Tikikus, vayimu wa misonwu kpu kpome, ndi kpau y'me a hi gran nimi Baci, ani hla ni yuwuu wawuu. 22 Nitu kimayi miton wu ye niyi ni ndu yito kpe wa ki he nimiandi ndu yi fe si ni sron bi. 23 Ndu si he ni mrli, ison ni yosron ni Rji tie ni Baci Yesu Almasihu. 24 Ndu si he ni biwa ba son Baci mbu Yesu Almasihu ni son u kakle.