ಪೌಲನು ಥೆಸಲೋನಿಕದವರಿಗೆ ಬರೆದ ಮೊದಲನೆಯ ಪತ್ರಿಕೆ
ಥೆಸಾಲೊನಿಕಾಕಾರಾಕ್ನಿ ಪಾವ್ಲುನ್ ಲಿವಲ್ಲಿ ದೊನ್ವೆಚಿ ಚಿಟಿ
ವಳಕ್
ಥೆಸಾಲೊನಿಕಾಕಾರಾಕ್ನಿ ಲಿವಲ್ಲಿ ದೊನ್ವೆಚಿ ಚಿಟಿ ಅಪೊಸ್ತಲ್ ಪಾವ್ಲುನ್ ಥೆಸಾಲೊನಿಕಾಕಾರಾಕ್ನಿ ಲಿವಲ್ಲಿ ಹಾಯ್ 1:1. ಪಯ್ಲೆಚಿ ಚಿಟಿ ಲಿವ್ನ್ ಹೊಲಾ ಮಾನಾ ಲಗ್ಗುನಾಚ್ ತೆನಿ ಹಿ ಚಿಟಿ ಲಿವಲ್ಲ್ಯಾನ್ ಕ್ರಿಸ್ತ್ ಉಪಾಜಲ್ಯಾ ಮಾನಾ ಜಗ್ಗೊಳ್-ಜಗ್ಗೊಳ್ ಪನ್ನಾಸಾರ್ ಎಕ್ ವರ್ಸಾಚ್ಯಾ ಮಾನಾ ಹಿ ಚಿಟಿ ಲಿವುನ್ ಹೊಲೆ. ಥೆಸಾಲೊನಿಕಾಚ್ಯಾ ತಾಂಡ್ಯಾಕ್ ಹಿ ಚಿಟಿ ಲಿವ್ತಾನಾಬಿ ತೊ ಕೊರಿಂತಾತುಚ್ ಹ್ಯೊ ತಾಂಡೊ ತೆನಿ ಅಪ್ನಾಚ್ಯಾ ದೊನ್ವಿಚ್ಯಾ ಬರಿ ಖಬರ್ ಸಾಂಗುಕ್ ಜಾತಲ್ಲ್ಯಾ ಪ್ರಯಾನಾಚ್ಯಾ ಯೆಳಾರ್ ಬಾಂಧಲ್ಲ್ಯಾನ್ ಅ.ಕಾ 17:1-10. ಉಲ್ಲಿ ಜುದೆವ್ ಲೊಕಾ ಅನಿ ಸುಮಾರ್ ಗ್ರಿಕ್ ಲೊಕಾನಿ ಮಿಳ್ವುನ್ ಹ್ಯೊ ತಾಂಡೊ ಭಾಂದಲ್ಲೊ ಹೊತ್ತೊ ಮನುನ್ ಅಪೊಸ್ತಲ್ ಕೃತ್ಯಾ ಪುಸ್ತಕ್ ಸಾಂಗ್ತಾ .
ಥೆಸಾಲೊನಿಕಾತ್ಲೊ ದೆವಾಚ್ಯಾ ಲೊಕಾಂಚೊ ತಾಂಡೊ ಯೆಳ್ ಸರ್ತಲ್ಯಾ ಅನಿ ಕ್ರಿಸ್ತಾಚ್ಯಾ ದೊನ್ವಿಚ್ಯಾ ಯೆನ್ಯಾಚ್ಯಾ ವಿಶಯಾತ್ ಲೈ ಕಾಳ್ಜಿ ಕರ್‍ತಲೆ ಹೊವ್ಕ್ ಫಿರೆ, ಕಶ್ಯಾಕ್ ಮಟ್ಲ್ಯಾರ್, ಪಾವ್ಲುನ್ ತೆಂಕಾ ಲಿವುಲ್ಲಿ ದೊನಿಬಿ ಚಿಟಿಯಾತ್ನಿ ಹೆಚ್ಯಾ ವಿಶಯಾತ್ ಲೈ ಲಿವುಲ್ಲ್ಯಾನಾತ್, ದೊನ್ವಿ ಚಿಟಿತ್ನಿ ಜಗ್ಗೊಳ್-ಜಗ್ಗೊಳ್ ಅರ್ಧೊ ಭಾಗ್ ಸರ್ತ್ಯಾ ಕಾಲಾಚ್ಯಾ ವಿಶಯಾತ್ ಲಿವಲ್ಲೆ ಹಾಯ್. ಪಾವ್ಲು ಆಳ್ಸಿ ಪಾನಾಚ್ಯಾ ವಿಶಯಾತ್ಬಿ ಹುರ್ಶಾಕಿ ದಿತಾ. ಹರ್ ಎಕ್ಲೊ ಅಪ್ನಾಚ್ಯಾ ಜೆವ್ನಾಸಾಟಿ ಕಾಮಾ ಕರುಚೆ ಮನುನ್ ಸಾಂಗ್ತಾ. 3:6-10
ಭಾಗ್
1. ಪಾವ್ಲು ಹಿ ಚಿಟಿ ಅಪ್ನಾಚಿ ಅನಿ ಅಪ್ನಾಚ್ಯಾ ವಾಂಗ್ಡಾ ಹೊತ್ತ್ಯಾಂಚಿ ವಳಕ್ ಕರುನ್ ದಿವ್ನಗೆತ್ ಚಾಲು ಕರ್‍ತಾ. 1:1-2
2. ಮಾನಾ ತೊ ಥೆಸಾಲೊನಿಕಾತ್ಲ್ಯಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಚ್ಯಾ ಸಾಟ್ನಿ ದೆವಾಕ್ ಧನ್ಯವಾದ್ ದಿತಾ. ಅನಿ ಮಾಗ್ನಿ ಕರ್‍ತಾ. 1:3-12
3. ಪಾವ್ಲು ಸರ್ತ್ಯಾ ಕಾಲಾಚ್ಯಾ ವಿಶಯಾತ್ ಬೊಲ್ತಾ.2
4. ಮಾನಾ ತೊ ಆಳ್ಸಿಪಾನಾಚ್ಯಾ ವಿರೊದಾಚ್ಯಾ ವಿಶಯಾತ್ ಬೊಲ್ತಾ ಅನಿ ಕಾಮಾ ಕರುಕ್ ಪಾಜೆ ಮನುನ್ ಬೊಲ್ತಾ. 31:15
5. ಪಾವ್ಲು ಅನಿ ಎಗ್ದಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ ನಮಸ್ಕಾರ್ ಕರುನ್ಗೆತ್ ಚಿಟಿ ಮುಗಸ್ತಾ 3:16-18
1
1 ಮಿಯಾ ಪಾವ್ಲು, ಸಿಲಾಸ್ ಅನಿ ತಿಮೊತಿ, ದೆವಾ ಅಮ್ಚ್ಯಾ ಬಾಬಾ, ಅನಿ ಜೆಜು ಕ್ರಿಸ್ತಾಕ್ ಸಮಂದ್ ಪಡಲ್ಲ್ಯಾ ಥೆಸಾಲೊನಿಕಾತ್ಲ್ಯಾ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ನಿ ಸಾಂಗ್ತಲೆ ಕಾಯ್ ಮಟ್ಲ್ಯಾರ್:
2 ದೆವ್ ಅಮ್ಚೊ ಬಾಬಾ, ಅನಿ ಧನಿ ಜೆಜು ಕ್ರಿಸ್ತ್ ತುಮ್ಕಾ ಶಾಂತಿ ಅನಿ ಕುರ್ಪಾ ದಿಂವ್ದಿತ್.
ಕ್ರಿಸ್ತ್ ಯೆಲ್ಲ್ಯಾ ತನ್ನಾ ಹೊತಲಿ ಝಡ್ತಿ
3 ಅಮ್ಚ್ಯಾ ಭಾವಾನು ಅನಿ ಭೆನಿಯಾನು, ಅಮಿ ಸಗ್ಳ್ಯಾ ಎಳಾರ್ ದೆವಾಕ್ ಧನ್ಯವಾದ್ ದಿತಾಂವ್. ಅನಿ ಅಶೆ ಅಮಿ ಕರುಕುಚ್ ಪಾಜೆ. ಕಶ್ಯಾಕ್ ಮಟ್ಲ್ಯಾರ್, ತುಮ್ಚೊ ವಿಶ್ವಾಸ್ ವಾಡುನ್ಗೆತುಚ್ ಜಾವ್ಕ್ ಲಾಗ್ಲಾ, ಅನಿ ತುಮ್ಚ್ಯಾ ಎಕಾಮೆಕಾಂಚ್ಯಾ ಮದ್ದಿ ಹೊತ್ತೊ ಪ್ರೆಮ್ ಅನಿಉಲ್ಲೊ ಘಟ್ ಹೊವ್ನಗೆತುಚ್ ಜಾವ್ಕ್ ಲಾಗ್ಲಾ
4 ತ್ಯೆಚೆಸಾಟಿಚ್ ತುಮಿ ಕವ್ಡ್ಯಾ ತರಾಸಾನ್ ಅನಿ ಕಸ್ಟಾನ್ ತುಮ್ಚೊ ವಿಶ್ವಾಸ್ ಚಾಲ್ವುನ್ ಘೆವ್ನ್ ಯೆಲ್ಯಾಶಿ, ಅನಿ ಕಸ್ಲೊ ಕಸ್ಟ್ ಅನಿ ತರಾಸ್ ತುಮಿ ವಿಶ್ವಾಸಾನ್ ಸೊಸುಲ್ಯಾಸಿ ಮನ್ತಲ್ಯಾ ವಿಶಯಾತ್, ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾತ್ನಿ ಬೊಲುಕ್ ಅಮ್ಕಾ ಅಭಿಮಾನ್ ದಿಸ್ತಾ.
5 ಹೆ ಸಗ್ಳೆ ಬಗಟ್ಲ್ಯಾರ್, ದೆವಾಚೊ ಝಡ್ತಿಚೊ ದಿಸ್ ಯೆವ್ನ್ ಹೊಲಾ, ಅನಿ ತುಮಿ ಸಗ್ಳೆ ಜೆ ಖಲ್ಯಾ ರಾಜಾಸಾಟ್ನಿ ಕಸ್ಟ್ ಸೊಸುಲ್ಯಾಸಿ, ತ್ಯಾ ರಾಜಾತ್ ಜಾವ್ಕ್ ಯೊಗ್ಯ್ ಮನಿ ಸರ್ಕೆ ನಿರ್ನಯ್ ಹೊಲಾ ಮನ್ತಲೆ ದಾಕ್ವುನ್ ದಿತಾ.
6 ಜೆ ಖಲೆ ಸಮಾ ಹಾಯ್ ತೆಚ್ ದೆವ್ ಕರ್‍ತಾ, ಜೆ ಕೊನ್ ತುಮ್ಕಾ ಕಸ್ಟ್ ದಿತಾ ತೆಂಚೆ ವರ್‍ತಿ ದೆವ್ ಕಸ್ಟ್ ಹಾನ್ತಾ.
7 ಅನಿ ಕಸ್ಟ್ ಸೊಸ್ತಲ್ಯಾ ಅಮ್ಕಾ ಅನಿ ತುಮ್ಕಾ ದೆವ್ ಸುಟ್ಕಾ ದಿತಾ. ಹೆ, ತೊ ಧನಿ ಜೆಜು ಕ್ರಿಸ್ತ್ ಸರ್‍ಗಾ ವೈನಾ ಅಪ್ನಾಚ್ಯಾ ಮೆಜುಕ್ ಹೊಯ್ನಾ ತವ್ಡ್ಯಾ ದುತಾಂಚ್ಯಾ ವಾಂಗ್ಡಾ ಯೆಲ್ಲ್ಯಾ ಎಳಾರ್ ಕರ್‍ತಾ.
8 ಧನಿ ಜೆಜು ಕ್ರಿಸ್ತ್ ಎಕ್ ಪೆಟ್ತಲ್ಯಾ ಆಗಿಚ್ಯಾ ವಾಂಗ್ಡಾ ಯೆತಾ, ಅನಿ ಜೆ ಕೊನ್ ದೆವಾಕ್ ಸ್ವಿಕಾರ್ ಕರಿನಾ, ಅನಿ ಧನಿಯಾ ಜೆಜುಚ್ಯಾ ಬರ್‍ಯಾ ಖಬ್ರೆಕ್ ಮಾನುನ್ ಘೆವ್ನ್ ಚಲಿನಸಲ್ಲ್ಯಾಕ್ನಿ ಶಿಕ್ಷಾ ದಿತಾ.
9 ತೆಂಕಾ ಧನಿಯಾಚ್ಯಾ ಇದ್ರಾಕ್ ನಾ ಅನಿ ತೆಚ್ಯಾ ಮೊಟ್ಯಾ ಮಹಿಮೆತ್ನಾ ಕಾಡುನ್ ಕನ್ನಾಚ್ ಕಮಿ ಹೊಯ್ನಸಲ್ಲ್ಯಾ ನಾಸಾಚ್ಯಾ ಶಿಕ್ಷಾತ್ ಘಾಲುನ್ ಹೊತಾ.
10 ತ್ಯಾ ದಿಸಿ ತೊ ಅಪ್ನಾಚ್ಯಾ ವಿಶ್ವಾಸಾಚ್ಯಾ ಪವಿತ್ರ್ ಲೊಕಾನಿಕ್ನಾ ಮಹಿಮಾ ಅನಿ ಮಾನ್ ಘೆವ್ಕ್ ಮನುನ್ ಯೆಲ್ಲ್ಯಾ ತನ್ನಾ, ತುಮಿಬಿ ತ್ಯಾ ವಿಶ್ವಾಸಾಚ್ಯಾ ಲೊಕಾಂಚ್ಯಾ ಮದ್ದಿ ರ್‍ಹಾತ್ಯಾಶಿ, ಕಶ್ಯಾಕ್ ಮಟ್ಲ್ಯಾರ್ ತುಮಿ, ಅಮಿ ಸಾಂಗಟಲ್ಲ್ಯಾ ಬರ್‍ಯಾ ಖಬ್ರೆ ವರ್‍ತಿ ವಿಶ್ವಾಸ್ ಕರ್ಲ್ಯಾಸಿ.
11 ತೆಚೆಸಾಟ್ನಿ, ಅಮಿ ಕನ್ನಾಬಿ ತುಮ್ಚ್ಯಾಸಾಟ್ನಿ ಮಾಗ್ನಿ ಕರುನ್ಗೆತುಚ್ ರ್‍ಹಾತಾಂವ್. ಖಚ್ಚ್ಯಾ ಬರ್‍ಯಾ ವಾಟೆನ್ ತುಮಿ ಚಲುಚೆ ಮನುನ್ ದೆವಾನ್ ತುಮ್ಕಾ ಬಲ್ವುಲ್ಯಾನಾಯ್ ತಸೆ ತುಮಿ ಜಿವನ್ ಕರುಕ್ ಹೊಂವ್ದಿ ಮನುನ್ ಅಮಿ ಮಾಗ್ತಾಂವ್. ಅಪ್ನಾಚ್ಯಾ ತಾಕ್ತಿನ್ ತೊ ತುಮ್ಚಿ ಸಗ್ಳೆ ಬರ್ಯಾಪಾನಾಚಿ ಉದ್ದೆಸಾ ಪುರಾ ಕರುಂದಿತ್, ಅನಿ ತುಮ್ಚೆ ವಿಶ್ವಾಸಾಚೆ ಕಾಮ್ ಪುರಾ ಕರುಂದಿತ್ ಮನುನ್ ಮಾಗ್ತಾಂವ್.
12 ಅಶೆ ಅಮ್ಚ್ಯಾ ಧನಿಯಾ ಜೆಜುಚ್ಯಾ ನಾವಾಕ್ ತುಮ್ಚ್ಯಾ ವೈನಾ ಮಹಿಮಾ ಗಾವುಂದಿತ್, ಅನಿ ಅಮ್ಚ್ಯಾ ದೆವಾಚ್ಯಾ ಅನಿ ಧನಿಯಾ ಜೆಜು ಕ್ರಿಸ್ತಾಚ್ಯಾ ಕುರ್ಪೆ ವೈನಾ ತುಮ್ಕಾ ಮಹಿಮಾ ಗಾವುಂದಿತ್.