ಯಾಕೊಬನು ಬರೆದ ಪತ್ರಿಕೆ
ಜಾಕೊಬಾನ್ ಲಿವಲ್ಲಿ ಚಿಟಿ
ವಳಕ್
ಜಾಕೊಬಾನ್ ಲಿವಲ್ಲಿ ಚಿಟ್ ಜಾಕೊಬ್ ಮನುನ್ ಬಲ್ವುತಲ್ಯಾ ಕೊನಿಕಿ ಎಕ್ ಮಾನ್ಸಾನ್ ಲಿವ್ಲಾ. ಲೈ ಕರುನ್ ಹ್ಯೊ ಜೆಜುಚೊ ಭಾವ್ ಜಾಕೊಬ್, ಹೊವ್ಕ್ ಫಿರೆ. ತೊ ಅದ್ದಿಚ್ಯಾ ತಾಂಡ್ಯಾಚೊ ಮುಖಂಡ್ ಹೊವ್ನ್ ಹೊತ್ತೊ ಜರುಜಲೆಮಾಚ್ಯಾ ಮೊಟ್ಯಾ ಬೈಟಕಿತ್ ಭಾಗ್ ಘೆಟಲ್ಲೊ ಹೊತ್ತೊ ಅ.ಕಾ 15:13 . ಅಪೊಸ್ತಲ್ ಪಾವ್ಲುಬಿ ಗಾಲಾತ್2:9ಹ್ಯೊ ಎಕ್ ತಾಂಡ್ಯಾಚೊ ಖಾಂಬೊ ಮನುನ್ ಬಲ್ವುಲಾ, ಶಿಕಲ್ಲ್ಯಾ ಲೊಕಾನಿ ಜಾಕೊಬಾನ್ ಹಿ ಚಿಟಿ ಲೈ ಕರುನ್ ಕ್ರಿಸ್ತಾಚ್ಯಾ ಜಲ್ಮಲ್ಲ್ಯಾ ಪನ್ನಾಸ್ ವರ್ಸಾಚ್ಯಾ ಮಾನಾ ಲಿವಲ್ಲೆ ಹಾಯ್ ಮನುನ್ ವಿಶ್ವಾಸ್ ಕರ್ತಾತ್. ಜಾಕೊಬ್ ಜರುಜಲೆಮಾಚ್ಯಾ ತಾಂಡ್ಯಾಚೊ ಎಕ್ಲೊ ಮುಖಂಡ್ ಹೊಲ್ಲೊ ಹೊತ್ತೊ, ತೊ ಥೈಯ್ ಜಿವನ್ ಕರ್ತಾನಾ ತೆನಿ ಹಿ ಚಿಟ್ ಲಿವ್ಕ್ ಫಿರೆ,
ಜಾಕೊಬಾನ್ ಹಿ ಚಿಟ್ ಜೆರುಜಲೆಮಾತ್ನಾ ದುಸ್ರ್ಯಾ ದುಸ್ರ್ಯಾ ದೆಶ್ಯಾತ್ನಿ ಪಗ್ಳುನ್ ಗೆಲ್ಲ್ಯಾ ಬಾರಾ ಕುಳಿಯಾಕ್ನಿ ಲಿವ್ಲಾ 1:1.* ಜಾಕೊಬಾಚ್ಯಾ ಚಿಟಿತ್ ರ್‍ಹಾತಲ್ಯಾ ಶಿಕಾಪಾಕ್ನಿ ಸಗ್ಳ್ಯಾ ದೆವಾಚ್ಯಾ ಲೊಕಾಕ್ನಿ, ಲೈ ಹೊವ್ನ್ ಬಾರಾ ಕುಳಿಯಾ ಮನುನ್ ವಾಪರಲ್ಲೆ, ಜಾಕೊಬಾನ್ ಸರಳ್ ಹೊವ್ನ್ ಜುದೆವ್ ದೆವಾಚ್ಯಾ ಲೊಕಾಕ್ನಿ ಲಿವ್ಲಾ ಮನುನ್ ದಾಕ್ವುನ್ ದಿತಾ, ಖರೊ ವಿಶ್ವಾಸ್ ತೆಂಚ್ಯಾ ಕರ್ನ್ಯಾ ವೈನಿ ದಿಸುನ್ ಯೆತಾ2:17. ತೆನಿ ಸಾವ್ಕಾರ್ ಲೊಕಾಕ್ನಿ ಕಾಳ್ಜಿ ದಾಕ್ವುತಲ್ಯಾ ವಿಶಯಾತ್ ವಿರೊದ್ ಹುಶಾರ್ಕಿ ದಿತಾ2:1-4 ಅನಿ ಅಮಿ ಬೊಲ್ತಲ್ಯಾ ವಿಶಯಾತ್ನಿ ಹುಶಾರ್ಕಿನ್ ರ್‍ಹಾವ್ಚೆ ಮನುನ್ ಅಮ್ಕಾ ಸಾಂಗುನ್ ದಿತಾ3:1-12.
ಭಾಗ್
ಜಾಕೊಬ್ ವಾಚ್ತಲ್ಯಾಕ್ನಿ ನಮಸ್ಕಾರ್ ಕರ್ತಾ 1:1
ಮಾನಾಸರ್ ತೊ ತರಾಸ್ ಯೆಲ್ಲ್ಯಾ ತನ್ನಾ ಸೊಸುನ್ ಘೆವ್ಚೆ ಮನುನ್ ದೆವಾಚ್ಯಾ ಪೊರಾಕ್ನಿ ಉಮ್ಮೆದ್ ದಿತಾ 1:2-27.
ಮಾನಾಸರ್ ತೊ ಕಾಮಾಚ್ಯಾ ವೈನಾ ವಿಶ್ವಾಸ್ ದಾಕ್ವುನ್ ದಿತಲೆ ಕವ್ಡೆಕಿ ಗರ್ಜೆಚೆ ಹೊವ್ನ್ ಹಾಯ್ ಮನ್ತಲೆ ಸಾಂಗ್ತಾ 2:1-26
ಹೆಚ್ಯಾ ಮಾನಾ ಬೊಲ್ನೆ ಕವ್ಡೆ ತಾಕ್ತಿಚೆ ರ್‍ಹಾತಾ ಮನ್ತಲೆ ಸಾಂಗ್ತಾ 3:1-12.
ತನ್ನಾ ಜಾಕೊಬ್ ಜಗಾಚ್ಯಾ ಶಾನ್ಪಾನಾಕಿಂತಾ ದೆವಾಚೆ ಶಾನ್ಪಾನ್ ಕವ್ಡೆಕಿ ಫರಕ್ ಹಾಯ್ ಮನ್ತಲೆ ವಿವರನ್ ಕರ್ತಾ 3:13—4:10
ಮಾನಾ ತೆನಿ ಬಡಾಯ್ ಕರ್ತಲ್ಯಾಂಚ್ಯಾ ವಿರೊದ್ ವಾಚ್ತಲ್ಯಾಕ್ನಿ ಉಶಾರ್ಕಿ ದಿಲಾ 4:11—5:6.
ಜಾಕೊಬ್ 5:7-20 ಪತರ್ ಉಲ್ಲೆ ಸಾಮಾನ್ಯಾ ಸುಚನಾ ದಿವ್ನಗೆತ್ ಹಿ ಚಿಟ್ ಮುಗಸ್ತಾ.
1
1 ದೆವಾಚೊ ಅನಿ ಧನಿಯಾ ಜೆಜು ಕ್ರಿಸ್ತಾಚೊ ಸೆವಕ್ ಹೊವ್ನ್ ಹೊತ್ತೊ ಜಾಕೊಬ್ ಸಗ್ಳ್ಯಾ ಜಗಾತ್ ಪಗ್ಳುನ್ ಗೆಲ್ಲ್ಯಾ ಇಸ್ರಾಯೆಲಾಂಚ್ಯಾ ಬಾರಾ ಕುಳಿಯಾಂಚ್ಯಾ ಲೊಕಾಕ್ನಿ ಲಿವ್ತಲಿ ಚಿಟ್ ತುಮ್ಕಾ ಬರೆ ಹೊಂವ್ದಿತ್.
ವಿಸ್ವಾಸ್ ಅನಿ ಶಾನೆಪಾನ್
2 ಮಾಜ್ಯಾ ಭಾವಾನು, ಅನಿ ಭೆನಿಯಾನು ತುಮ್ಕಾ ಲೈ ತರಾಸಾ ಯೆತಾತ್, ಖರೆ ತೆ ಯೆಲ್ಲ್ಯಾ ತನ್ನಾ ತುಮಿ ಕುಶಿ ಹೊವ್ಚೆ.
3 ಕಶ್ಯಾಕ್ ಮಟ್ಲ್ಯಾರ್, ತಿ ತರಾಸಾ ತುಮ್ಚೊ ವಿಶ್ವಾಸ್ ಪರಿಕ್ಷಾ ಕರುಕ್ ಯೆಲಾತ್ ಮನ್ತಲೆ ತುಮ್ಕಾ ಗೊತ್ತ್ ಹಾಯ್, ತಿ ತರಾಸಾ ತುಮ್ಕಾ ಸೊಸುನ್ ಘೆತಲೆ ಯೆಯ್ ಸಾರ್ಕೆ ಕರ್ತಾತ್.
4 ತೆ ಸೊಸುನ್ ಘೆತಲೆ ಅಪ್ಲೆ ಕಾಮ್ ಕರುನ್ ಸಾರುಂದಿತ್ ತನ್ನಾ ತುಮಿ ಕಸ್ಲಿಬಿ ಚುಕ್‍ನಸಲ್ಲೆ, ಪರಿಪುರ್ನ್ ಅನಿ ಖಲ್ಯಾಕ್ಬಿ ಕಮಿ ನತ್ತೆ ಹೊವ್ನ್ ರ್‍ಹಾತ್ಯಾಸಿ.
5 ಖರೆ ತುಮ್ಚ್ಯಾತ್ಲ್ಯಾ ಕೊನಾಕ್ ತರಿಬಿ ಬುದ್ದ್ ಕಮ್ಮಿ ಹೊಲ್ಲಿ ರ್‍ಹಾಲ್ಯಾರ್ ತೊ ದೆವಾಕ್ಡೆ ಮಾಗುಂದಿತ್, ತೆ ತೆಕಾ ಗಾವ್ತಾ. ದೆವ್ ಮುಲಾಜೊ ಬಗಿನಸ್ತಾನಾ ಸಗ್ಳ್ಯಾಕ್ನಿ ಬರ್‍ಯಾ ಮನಾನ್ ದಿತಲೊ ಹೊವ್ನ್ ಹಾಯ್.
6 ಖರೆ ಉಲ್ಲೊಬಿ ಸಂಶೆವ್ ನಸ್ತಾನಾ ವಿಶ್ವಾಸಾನ್ ಮಾಗುಂದಿತ್, ಕಶ್ಯಾಕ್ ಮಟ್ಲ್ಯಾರ್ ಸಂಶೆವ್ ಕರ್ತಲೊ, ಸಂಮುದರಾತ್ ವಾರ್‍ಯಾನ್ ಮಾರ್ ಖಾಲ್ಲ್ಯಾ ಲಾಟಾಂಚ್ಯಾ ಸಾರ್ಕೊ ಫಿರುನ್ಗೆತ್‍ ರ್‍ಹಾತಾ.
7 ತೊ ಮಾನುಸ್ ಅಪ್ನಾಕ್ ಧನಿಯಾಕ್ನಾ ಕಾಯ್ತರ್‍ಬಿ ಗಾವ್ತಲೆ ಮನುನ್ ಚಿಂತಿನಸ್ತಾನಾ ರ್‍ಹಾಂವ್ದಿತ್,
8 ತೊ ದೊನ್‍ ಮನಾಚೊ ಅನಿ ಅಪ್ಲ್ಯಾ ವಾಟೆತ್ನಿ ಚಂಚಲ್ ಹೊವ್ನ್ ಹಾಯ್.
ಗರಿಬ್ಕಿ ಅನಿ ಸಾವ್ಕಾರ್ಕಿ
9 ಗರಿಬ್ ಪಾನಾತ್ ಲೈ ಕಿಳ್ ಪಾನಾತ್ ಹೊತ್ತೊ ಭಾವ್ ಅಪ್ನಿ ಬರ್‍ಯಾ ಸ್ಥಿತಿ ಯೆಲೊ ಮನುನ್ ಖುಶಿ ಹೊಂವ್ದಿತ್.
10 ಮೊಟೊ ಸಾವ್ಕಾರ್‍ಕಿವಂತ್ ಭಾವ್ ಅಪ್ನಿ ಕಿಳ್ ಸ್ಥಿತಿಕ್ ಯೆಲೊ ಮನುನ್ ಖುಶಿ ಹೊಂವ್ದಿತ್, ಕಶ್ಯಾಕ್ ಮಟ್ಲ್ಯಾರ್, ಮೊಟೊ ಸಾವ್ಕಾರ್‍ಕಿವಂತ್ ಮಾನುಸ್ ಗವ್ತಾಚ್ಯಾ ಫುಲ್ಲಾ ಸಾರ್ಕೊ ನಾಸ್ ಹೊವ್ನ್ ಜಾತಾ.
11 ಕಶ್ಯಾಕ್ ಮಟ್ಲ್ಯಾರ್, ದಿಸ್ ಉಗಾವಲ್ಲ್ಯಾ ತನ್ನಾ ತೊ ಅಪ್ನಾಚ್ಯಾ ಝಳಾನಿ ಗವ್ತಾಕ್ ಬಾಡುನ್ ಜಾಯ್ ಸಾರ್ಕೆ ಕರ್ತಾನಾ, ತ್ಯಾ ಗವ್ತಾಚೆ ಫುಲ್ಲ್‌ಬಿ ಝಡುನ್ ಜಾವ್ನ್ ತೆಚ್ಯಾ ರುಪಾಚೆ ಬರೆಪಾನ್ ನಾಸ್ ಹೊವ್ನ್ ಜಾತಾ. ತಸೆಚ್ ಸಾವ್ಕಾರ್ಕಿಬಿ ಅಪ್ಲ್ಯಾ ವಾಟೆ ವೈನಿ ಬಾವುನ್ ಜಾತಾ.
ಪರಿಕ್ಷಾ ಅನಿ ತರಾಸ್
12 ಪರಿಕ್ಷಾ ಸೊಸುನ್ ಘೆತಲೊ ಮಾನುಸ್ ಧನ್ಯ್, ತೊ ಪರಿಕ್ಷಾ ಸೊಸುನ್ ಘೆಟಲ್ಲ್ಯಾ ಮಾನಾ ಧನಿಯಾನ್ ಅಪ್ನಾಚ್ಯಾ ಪ್ರೆಮಾಚ್ಯಾ ಲೊಕಾಕ್ನಿ ದಿಲ್ಲೊ ಜಿವನಾಚೊ ಮುಕುಟ್ ಅಪ್ನಾಚೊ ಕರುನ್ ಘೆತಾ.
13 ಪರಿಕ್ಷಾತ್ ಪಡಲ್ಲ್ಯಾ ತನ್ನಾ ಕೊನ್ ಬಿ ದೆವಾನ್ ಮಾಜಿ ಪರಿಕ್ಷಾ ಕರ್ಲ್ಯಾನ್ ಮನುನ್ ಸಾಂಗುಕ್ ಹೊಯ್ನಾ, ಕಶ್ಯಾಕ್ ಮಟ್ಲ್ಯಾರ್, ದೆವ್ ವಾಯ್ಟಾ ವೈನಾ ಪರಿಕ್ಷಾ ಕರಿನಾ, ತೊ ಅಪ್ನಾಚ್ಯಾ ಅಪ್ನಿಚ್ ಕೊನಾಚಿಬಿ ಪರಿಕ್ಷಾ ಕರಿನಾ.
14 ಖರೆ ಹರ್ ಎಕ್ಲೊಬಿ ಅಪ್ಲ್ಯಾ ಸ್ವತಾಚ್ಯಾ ಬುರ್ಶ್ಯಾ ಆಶಾತ್ ಪಡುನ್ ಮಳ್ಳ್ ಹೊವ್ನ್ ಪರಿಕ್ಷಾತ್ ಪಡ್ತಾ.
15 ಹೆಚ್ಯಾಮಾನಾ ಬುರ್ಶ್ಯಾಚ್ಯಾ ಅಶೆತ್ ಗರ್ವಾರ್ ಹೊವ್ನ್ ಪಾಪಾಕ್ ಜಲಮ್ ದಿತ್ಯಾತ್, ಮಾನಾ ತೊ ಪಾಪ್ ವಾಡುನ್ ಮೊಟೊ ಹೊವ್ನ್ ಮರ್‍ನಾಕ್ ಜಲಮ್ ದಿತಾ.
16 ಮಾಜ್ಯಾ ಪ್ರಿತಿಚ್ಯಾ ಭಾವಾನು ಅನಿ ಭೆನಿಯಾನು, ಹ್ಯಾ ವಿಶಯಾತ್ ತುಮಿ ಪಸುನ್ ಪಡುನಕಾಸಿ.
17 ಸಗ್ಳ್ಯಾ ಬರ್‍ಯಾ ಮನಾನ್ ದಾನ್ ಅನಿ ಸಗ್ಳಿ ಪುರಾ ಹೊಲ್ಲಿ ದೆನ್ಗಿ ದಿಸ್, ಚಂದ್ರಾಮ್ ಅನಿ ಚಿಕಿಯಾ ರಚಲ್ಲ್ಯಾಕ್ನಾ ಖಾಯ್ಲ್ ಯೆತಾ. ತೊ ಕನ್ನಾಚ್ ಬದ್ಲಿನಾ. ನಾ ಹೊಲ್ಲ್ಯಾರ್, ಕನ್ನಾಬಿ ಬದ್ಲಿನಾ. ಅದಲ್ ಬದಲ್ ಹೊತಲಿ ಸಾವ್ಳಿ ಸೈತ್ ತೆಚ್ಯಾರ್ ಪಡಿನಾ.
18 ಖರ್‍ಯಾ ಗೊಸ್ಟಿಚ್ಯಾ ವೈನಾ ದೆವಾನ್ ಅಮ್ಕಾ ಜಿವನ್ ದಿಲ್ಯಾನ್, ಅಸೆ ತೆನಿ ರಚಲ್ಲ್ಯಾ ಸಗ್ಳ್ಯಾಚ್ಯಾ ಮದ್ದಿ ಅಮಿ ಪೈಲೆಚೆ ಹೊವ್‍ಸಾಟ್ನಿ.
ಆಯಿಕ್ತಲೆ ಅನಿ ಖಾಲ್ತಿ ಹೊವ್ನ್ ಚಲ್ತಲೆ
19 ಮಾಜ್ಯಾ ಪ್ರಿತಿಚ್ಯಾ ಭಾವಾನು ಅನಿ ಭೆನಿಯಾನು, ಹರಿಎಕ್ಲೊಬಿ ಆಯಿಕ್ತಲ್ಲ್ಯಾತ್ ಚುರುಕ್ ಹೊವ್ನ್ ರ್‍ಹಾಂವ್ದಿತ್, ಖರೆ ಬೊಲ್ನ್ಯಾತ್ ಅನಿ ರಾಗ್ ಹೊತಲ್ಯಾತ್ ಸಾವ್ಕಾಸ್ ರ್‍ಹಾಂವ್ದಿತ್.
20 ಕಶ್ಯಾಕ್ ಮಟ್ಲ್ಯಾರ್, ಮಾನ್ಸಾಚೊ ರಾಗ್ ದೆವಾಚೆ ನಿತಿವಂತ್ಪಾನ್ ಉತ್ಪನ್ ಕರಿನಾ.
21 ತುಮಿ ಅದ್ದಿಚ್ಯಾನುಚ್ ಯೆಲ್ಲೆ ಬುರ್ಶೆಪಾನ್ ಅನಿ ಬುರ್ಶಿ ಚಾಲ್ ಸೊಡುನ್ ಸೊಡಾ ಅನಿ ತುಮ್ಕಾಚ್ ತುಮಿ ದೆವಾಕ್ ಒಪ್ಸುನ್ ದಿವಾ ಅನಿ ತುಮ್ಕಾ ರಾಕುಕ್ ಸಕ್ತಲ್ಯಾ ಗೊಸ್ಟಿಕ್ ಸ್ವಿಕಾರ್ ಕರಾ.
22 ಖರೆ ತುಮಿ ದೆವಾಚ್ಯಾ ಗೊಸ್ಟಿ ಸಾರ್ಕೆ ಚಲ್ತಲೆ ಹೊವ್ನ್ ರ್‍ಹಾವಾ, ತೆ ಆಯಿಕ್ತಲೆ ಯೆವ್ಡೆಚ್ ಹೊವ್ನ್ ತುಮ್ಕಾಚ್ ತುಮಿ ಪಸ್ವುನ್ ಘೆವ್‍ನಕಾಸಿ.
23 ಕಶ್ಯಾಕ್ ಮಟ್ಲ್ಯಾರ್, ದೆವಾಚಿ ಗೊಸ್ಟಿಯಾ ಆಯ್ಕುನ್‍ಬಿ ತೆಚ್ಯಾ ಸಾರ್ಕೆ ಚಲಿನಸಲ್ಲಿ ಲೊಕಾ ಅಪ್ನಾಕುಚ್ ಕಸೊ ಹಾಯ್ ತಸೊ ಆರ್ಶ್ಯಾತ್ ಬಗುನ್ ಘೆಟಲ್ಲ್ಯಾ ಸಾರ್ಕೊ ರ್‍ಹಾತಾ.
24 ಅಪ್ನಾಚೊ ರುಪ್ ಆರ್ಶ್ಯಾತ್ ಬಗುನ್ ಘೆವ್ನ್ ಕಡೆಕ್ ಗೆಲ್ಲ್ಯಾ ತನ್ನಾ ಅಪ್ನಾಚೊ ರುಪ್ ಕಸೊ ಹೊತ್ತೊ ಮನ್ತಲೆ ತಾಬೊಡ್ತೊಬ್ ಇಸ್ರುನ್ ಸೊಡ್ತಾ.
25 ಖರೆ ಲೊಕಾಕ್ನಿ ಸುಟ್ಕಾ ಕರ್ತಲ್ಯಾ ದೆವಾಚೊ ಪುರಾ ನಿಯಮ್ ಉಶ್ಯಾರ್ಕಿನ್ ಶಿಕ್ತಲೊ ಮಾನುಸ್ ಖರೆಚ್‍ಬಿ ಖುಶಿನ್ ಭರುನ್ ರ್‍ಹಾತಾ. ತೊ ತೆ ಶಿಕುನ್ಗೆತ್ ರ್‍ಹಾತಾ ತೊ ದೆವಾಚಿ ಗೊಸ್ಟಿಯಾ ಆಯಿಕ್ತಾ ಅನಿ ಅಪ್ನಿ ಆಯ್ಕಲ್ಲೆ ಇಸ್ರಿನಾ. ತೊ ದೆವಾಚ್ಯಾ ಗೊಸ್ಟಿಯಾಕ್ನಿ ಖಾಲ್ತಿ ಹೊವ್ನ್ ಚಲ್ತಾ ತಸೆ ಹೊವ್ನ್ ತೊ ಕುಶಿನ್ ಭರಲ್ಲೊ ರ್‍ಹಾತಾ.
26 ಕೊನ್ಬಿ ಅಪ್ನಿ ದೆವಸ್ಪಾನಾಚೊ ಮನುನ್ ಚಿಂತ್ತಾ ಹೊಲ್ಲ್ಯಾರ್ ಅನಿ ಅಪ್ಲ್ಯಾಚಿ ಜಿಬಿಲ್ ಸಂಬಾಳುನ್ ಘೆಯ್ನಾ, ತೊ ಅಪ್ನಾಚ್ಯಾ ಅಪ್ನಾಕುಚ್ ಪಸ್ವುನ್ ಘೆತಾ. ತೆಚ್ಯಾ ದೆವುಸ್ಪಾನಾಕ್ ಕಾಯ್ ಬಿ ಕಿಮ್ಮತ್ ನಾ.
27 ಅಮ್ಚ್ಯಾ ದೆವಾ ಬಾಬಾಚ್ಯಾ ಪರ್ಕಾರ್ ಪವಿತ್ರ್ ದೆವಸ್ಪಾನ್ ಮಟ್ಲ್ಯಾರ್, ಅನಾತ್ ಅನಿ ಘೊವ್ ಮರಲ್ಲ್ಯಾ ಬಾಯ್ಕಾಮನ್ಸಾಂಚ್ಯಾ ಕಸ್ಟಾತ್ನಿ ಪಾವ್ತಲೆ, ಅನಿ ಜಗಾತ್ಲೊ ಕೊನ್ಬಿ ತೆಂಕಾ ತರಾಸ್ ದಿ ನಸಿ ಸರ್ಕೆ ರಾಕುನ್ ಘೆವ್ನ್ ಜಾತಲೆ.