22
ಭುತ್ತುರ್‍ಲ್ಯಾ ಭುತ್ತುರುಚ್ ಜೆಜುಕ್ ಜಿವಾನಿ ಮಾರ್‍ತಲ್ಯಾ ವಿಶಯಾತ್ ಯೆವ್ಜನ್ಯಾ
ಮಾತೆವ್ 26:1-5; ಮಾರ್ಕ್ 14:1-2
1 ಪಾಸ್ಕ್, ಮನುನ್ ಮನ್ತಲ್ಯಾ ಪಿಟ್ಟ್ ಫುಗ್ವಿನಸ್ತಾನಾ ಕರ್‍ತಲ್ಯಾ ಭಾಕ್ರಿಚ್ಯಾ ಸನಾಚಿ ದಿಸಾ ಜಗ್ಗೊಳ್ ಯೆಲ್ಲಿ
2 ಮುಖ್ಯ ಯಾಜಕಾ, ಅನಿ ಖಾಯ್ದೆ ಶಿಕ್ವುತಲಿ ಲೊಕಾ, ಲೊಕಾಕ್ನಿ ಭಿಂಯಾಲಿ; ಅನಿ ಜೆಜುಕ್ ಕಶೆ ಕರುನ್ ಜಿವಾನಿ ಮಾರ್‍ತಲೆ ಮನುನ್ ಘುಟಾನ್ ಎಕ್ ವಾಟ್ ಹುಡ್ಕುನ್ ಕಾಡುನ್ ಬಗುಲಾಗಲ್ಲ್ಯಾನಿ.
ಜುದಾಸ್ ಜೆಜುಕ್ ಧರುನ್ ದಿವ್ಕ್ ತಯಾರ್ ಹೊತಾ
ಮಾತೆವ್ 26:14-16; ಮಾರ್ಕ್ 14:10-11
3 ತನ್ನಾ ಸೈತಾನ್ ಜೆಜುಚ್ಯಾ ಬಾರಾ ಜಾನಾ ಶಿಸಾನಿತ್ಲ್ಯಾ ಜುದಾಸ್ ಇಸ್ಕರಿಯೊತಾಚ್ಯಾ ಭುತ್ತುರ್ ಗುಸ್ಲೊ.
4 ತಸೆ ಮನುನ್ ಜುದಾಸ್ ಮುಖ್ಯ ಯಾಜಕಾನಿಕ್ನಿ, ಅನಿ ದೆವಾಚ್ಯಾ ಗುಡಿಚ್ಯಾ ರಾಕ್ವಾಲ್ಯಾಂಚ್ಯಾ ಅದಿಕಾರ್‍ಯಾಂಚ್ಯಾಕ್ಡೆ ಗೆಲೊ, ಜೆಜುಕ್ ಕಶೆ ಕರುನ್ ಧರುಕ್ ಹೊತಾ ಮನುನ್,ತೆನಿ, ತೆಂಚೆಕ್ಡೆ ಬೊಲ್ಲ್ಯಾನ್.
5 ತೆನಿ ಲೈ ಕುಸಿ ಹೊಲೆ, ಅನಿ ಜುದಾಸಾಕ್ ಪೈಸೆ ದಿವ್ಕ್ ತೆನಿ ತಯಾರ್ ಹೊಲೆ.
6 ತಸೆ ಮನುನ್ ಜುದಾಸ್ ಲೊಕಾಕ್ನಿ ಕಳಿನಸ್ತಾನಾ, ಜೆಜುಕ್ ತೆಂಚ್ಯಾ ಹಾತಿತ್ ಧರುನ್ ದಿತಲೊ ಅವ್ಕಾಸ್ ಹುಡ್ಕುನ್ಗೆತ್ ಹೊತ್ತೊ.
ಜೆಜುಚ್ಯಾ ಪಾಸ್ಕಾಚ್ಯಾ ಜೆವ್ನಾಚಿ ತಯಾರಿ
ಮಾತೆವ್ 26:17-25; ಮಾರ್ಕ್ 14:12-21
7 ಪಿಟ್ಟ್ ಫುಗ್ವಿನಸ್ತಾನಾ ಕರ್‍ತಲ್ಯಾ ಭಾಕ್ರಿಚ್ಯಾ ಸನಾಚೊ ಪಾಸ್ಕಾಚ್ಯಾ ಜೆವ್ನಾಚಿ ಬಕ್ರಿ ಮಾರ್ತ‍ಲೊ ದಿಸ್ ಯೆಲೊ.
8 ತನ್ನಾ ಜೆಜುನ್ ಪೆದ್ರುಕ್, ಅನಿ ಜುವಾಂವಾಕ್ “ಜಾವಾ, ಅನಿ ಅಮ್ಚ್ಯಾ ಪಾಸ್ಕಾಚ್ಯಾ ಜೆವ್ನಾಚಿ ತಯಾರಿ ಕರಾ”, ಮಟ್ಲ್ಯಾನ್.
9 ತನ್ನಾ ತೆನಿ “ಅಮಿ ಖೈ ಜಾವ್ನ್ ತಯಾರಿ ಕರುಚಿ?” ಮನುನ್ ಇಚಾರ್‍ಲ್ಯಾನಿ.
10 ತನ್ನಾ ಜೆಜುನ್ “ತುಮಿ ಶಾರಾತ್ ಭುತ್ತುರ್ ಗೆಲ್ಲ್ಯಾ ತನ್ನಾ, ಎಕ್ ಬಿಂದ್ಗೊ ಪಾನಿ ಅಪ್ನಾಚ್ಯಾ ಖಾಂಜಾರ್ ವಾವುನ್ ಘೆವ್ನ್ ಜಾತಲೊ ಮಾನುಸ್ ತುಮ್ಕಾ ಗಾವ್ತಾ. ತೊ ಖಲ್ಯಾ ಘರಾತ್ ಜಾತಾ ತ್ಯಾ ಘರಾಕ್ ತೆಚ್ಯಾ ಫಾಟ್ನಾಚ್ ಜಾಂವಾ”,
11 ಅನಿ ತ್ಯಾ ಘರ್‍ಚ್ಯಾ ವಡಿಲಾಕ್ “ಮಾಜಿ ಶಿಸಾ, ಅನಿ ಮಿಯಾ ಪಾಸ್ಕಾಚೆ ಜೆವಾನ್ ಜೆವ್ತಲಿ ಖೊಲಿ ಖೈ ಹಾಯ್? ಮನುನ್. ಗುರುಜಿನ್‍ ಇಚಾರ್ಲ್ಯಾನಾಯ್”, ಮನುನ್ ಸಾಂಗಾ.
12 ತೊ ತುಮ್ಕಾ ಮ್ಹಾಳ್ಗಿ ವರ್‍ತಿ ಎಕ್ ಸಗ್ಳೆ ತಯಾರ್ ಕರುನ್ ಥವಲ್ಲೆ ಖೊಲಿ ದಾಕ್ವುತಾ, ಥೈ ಸಗ್ಳೆ ತಯಾರ್ ಕರುನ್ ಥವಲ್ಲೆ ರ್‍ಹಾತಾ.
13 ತೆನಿ ಗೆಲ್ಯಾನಿ, ಅನಿ ಜೆಜುನ್ ಸಾಂಗಲ್ಲ್ಯಾ ಸರ್ಕೆಚ್ ತೆಂಕಾ ಸಗ್ಳೆ ಗಾವ್ಲೆ, ಅನಿ ಥೈ ತೆನಿ ಪಾಸ್ಕಾಚ್ಯಾ ಜೆವ್ನಾಚಿ ತಯಾರಿ ಕರ್‍ಲ್ಯಾನಿ.
ಧನಿಯಾಚೆ ರಾಚ್ಚೆ ಜೆವಾನ್
ಮಾತೆವ್ 26:26-30; ಮಾರ್ಕ್ 14:22-26; 1 ಕೊರಿಂಥ್ 11:23-25
14 ಎಳ್ ಹೊಲ್ಲ್ಯಾ ತನ್ನಾ, ಜೆಜು ಅಪೊಸ್ತಲಾಂಚ್ಯಾ ವಾಂಗ್ಡಾ ಜೆವ್ನಾಕ್ ಬಸ್ಲೊ,
15 ಅನಿ ತೆಂಕಾ “ಮಿಯಾ ಕಸ್ಟ್ ಸೊಸುಚ್ಯಾ ಅದ್ದಿ, ಹೆ ಪಾಸ್ಕಾಚೆ ಜೆವಾನ್ ತುಮ್ಚ್ಯಾ ವಾಂಗ್ಡಾ ಜೆವ್ಚೆ ಮನುನ್ ಮಾಕಾ ಹೊತ್ತೆ” ಮಟ್ಲ್ಯಾನ್.
16 ತೆಚೆಸಾಟ್ನಿ ಮಿಯಾ ತುಮ್ಕಾ ಸಾಂಗ್ತಾ “ಹೆ ಜೆವಾನ್ ದೆವಾಚ್ಯಾ ರಾಜಾತ್ ಎಕ್ ಖರೊ ಅರ್ತ್‍ ದಿ ಪತರ್ ಮಿಯಾ, ಅನಿ ಜೆವಾನ್ ಕರಿನಾ”.
17 ಮಾನಾ ಜೆಜುನ್ ಎಕ್ ವಾಯ್ನಾನ್ ಭರಲ್ಲೆ ಆಯ್ದಾನ್ ಘೆಟ್ಲ್ಯಾನ್, ಅನಿ ದೆವಾಕ್ ಧನ್ಯವಾದ್ ದಿಲ್ಯಾನ್, ಅನಿ “ಹೆ ಘೆವಾ, ಅನಿ ತುಮ್ಚ್ಯಾ ಮದ್ದಿ ವಾಟುನ್ ಘೆವ್ನ್ ಫಿವಾ.
18 ಮಿಯಾ ತುಮ್ಕಾ ಸಾಂಗ್ತಾ ಅತ್ತಾಚ್ಯಾನ್, ದೆವಾಚೆ ರಾಜ್ ಯೆಯ್ ಪತರ್ ಮಿಯಾ ಅನಿ ಹಿ ವಾಯ್ನ್ ಫಿ ನಾ”, ಮಟ್ಲ್ಯಾನ್.
19 ಮಾನಾ ತೆನಿ ಭಾಕ್ರಿ ಘೆಟ್ಲ್ಯಾನ್ ದೆವಾಕ್ ಧನ್ಯವಾದ್ ದಿಲ್ಯಾನ್, ಅನಿ ಮೊಡುನ್ ತೆಂಕಾ ದಿವ್ನ್ “ಹೆ ಮಾಜೆ ಮಾಸ್, ಮಿಯಾ ತುಮ್ಕಾ ದಿವ್ಲಾ, ಹೆ ಮಾಜ್ಯಾ ಯಾದಿಸಾಟ್ನಿ ಮನುನ್ ಕರಾ. ಮನುನ್ ಸಾಂಗಟ್ಲ್ಯಾನ್.
20 ತಸೆಚ್ ಜೆವಾನ್ ಕರುಕ್ ಹೊಲ್ಲ್ಯಾ ಮಾನಾ, ತೆನಿ ಎಕ್ ಖೊಲ್ಲೆ ಆಯ್ದಾನ್ ಘೆಟ್ಲ್ಯಾನ್, ಅನಿ ಹೆ ದೆವಾಚ್ಯಾ ನ್ಹವ್ಯಾ ಕರಾರಾಚೆ ಮಾಜೆ ರಗಾತ್, ತುಮ್ಚೆಸಾಟ್ನಿ ವೊತಲ್ಲೆ” ಮಟ್ಲ್ಯಾನ್.
21 “ಖರೆ, ಬಗಾ! ಮಾಕಾ ಘಾತ್ ಕರುನ್ ಧರುನ್ ದಿತಲೊ, ಹಿತ್ತೆಚ್ ಜೆವ್ನಾಚ್ಯಾ ಬೈಟಕಿ ವರ್‍ತಿ ಮಾಜ್ಯಾ ವಾಂಗ್ಡಾ ಬಸಲ್ಲೊ ಹಾಯ್!
22 ದೆವಾನ್ ನಿರ್‍ದಾರ್ ಕರಲ್ಲ್ಯಾ ಸರ್ಕೆ ಮಾನ್ಸಾಚೊ ಲೆಕ್ ಮರುಕುಚ್ ಪಾಜೆ, ಖರೆ, ತೆಕಾ ಘಾತ್ ಕರುನ್ ಧರುನ್ ದಿತಲ್ಯಾಚಿ ಗತ್ ಮಿಯಾ ಕಾಯ್ ಸಾಂಗು!” ಮಟ್ಲ್ಯಾನ್.
23 ತನ್ನಾ ತೆನಿ ಅಪ್ನಾ-ಅಪ್ನಾ ಮದ್ದಿ ಅಮ್ಚ್ಯಾತ್ಲೊ ಕೊನ್-ಅಪ್ಪಾ ತೊ, ಅಶೆ ಕರ್‍ತಲೊ ಮನುನ್ ಇಚಾರುನ್ ಘೆಟ್ಲ್ಯಾನಿ.
ಮೊಟೆಪಾನಾಚ್ಯಾ ವಿಶಯಾತ್ ವಾದ್-ವಿವಾದ್.
24 ಶಿಸಾಂಚ್ಯಾ ಮದ್ದಿ ಅಮ್ಚ್ಯಾ- ಮದ್ಲೊ ಕೊನ್ ಮೊಟೊ ಮನುನ್ ವಾದಿಕ್- ವಾದ್ ಉಟ್ಲಿ
25 ತನ್ನಾ ಜೆಜುನ್ ತೆಂಕಾ ಜುದೆವ್ ನ್ಹಯ್ ಹೊತ್ತೆ ರಾಜಾ ತೆಂಚ್ಯಾ ಲೊಕಾಂಚ್ಯಾ ವರ್‍ತಿ ಅಪ್ನಾಚೊ ಅದಿಕಾರ್ ಚಾಲ್ವುತ್ಯಾತ್, ಅನಿ ಅದಿಕಾರಿ ಅಪ್ನಿ ಲೊಕಾಂಚೆ ದೊಸ್ತಾ ಮನುನ್ ಘೆತ್ಯಾತ್.
26 ಖರೆ, ತುಮ್ಚ್ಯಾ ಮದ್ದಿ ಅಶೆ ಹೊವ್‍ ನ್ಹಯ್, ತುಮ್ಚ್ಯಾ ಮದ್ದಿ ಕೊನ್ ಮೊಟೊ ಹಾಯ್, ತೊ ಸಗ್ಳ್ಯಾಂಚ್ಯಾನ್ಕಿ ಬಾರಿಕ್ ಹೊವ್ಚೆ, ಅನಿ ಮುಖಂಡ್ ಎಕ್ ಸೆವಕ್ ಹೊವ್ಚೊ.
27 ಕೊನ್ ಮೊಟೊ, ಜೆವ್ನಾಕ್ ಬಸಲ್ಲೊ, ಕಾಯ್ ಜೆವಾನ್ ವಾಡ್ತಲೊ? ಜೊ ಕೊನ್ ಜೆವ್ನಾಕ್ ಬಸಲ್ಲೊ, ಹಾಯ್ ತೊ ಹೊಯ್ ಕಾಯ್ ನ್ಹಯ್, ಖರೆ, ಮಿಯಾ ಬಗಾ, ತುಮ್ಚ್ಯಾ ಮದ್ದಿ ಎಕ್ ವಾಡ್ತಲೊ ಸರ್ಕೊ ಹೊವ್ನ್ ಹಾಂವ್.
28 “ತುಮಿ ಮಾಜ್ಯಾ ಸಗ್ಳ್ಯಾ ತರಾಸಾತ್ನಿ ಮಾಜ್ಯಾ ವಾಂಗ್ಡಾಚ್ ಹಾಸಿ;
29 ಅನಿ ಮಾಜ್ಯಾ ಬಾಬಾನ್ ಮಾಕಾ ಅದಿಕಾರ್ ಚಾಲ್ವುಕ್ ಮನುನ್ ಹಕ್ಕ್ ದಿಲ್ಯಾ ಸರ್ಕೊ, ಮಿಯಾಬಿ ತುಮ್ಕಾ ಅದಿಕಾರ್ ಚಾಲ್ವುಕ್ ಹಕ್ಕ್ ದಿತಾ.
30 ತುಮಿ ಮಾಜ್ಯಾ ರಾಜಾತ್ ಮಾಜ್ಯಾ ವಾಂಗ್ಡಾ ಜೆವ್ನಾಚ್ಯಾ ಮೆಜಾರ್ ಬಸ್ತ್ಯಾಶಿ, ಅನಿ ಇಸ್ರಾಯೆಲಾಚ್ಯಾ ಬಾರಾ ಘರಾನ್ಯಾಂಚ್ಯಾ ವರ್‍ತಿ ರಾಜಾಚ್ಯಾ ಕುರ್ಚಿರ್ ಬಸುನ್ ತುಮಿ ರಾಜ್ ಚಾಲ್ವುತ್ಯಾಶಿ”, ಮನುನ್ ಸಾಂಗ್ಲ್ಯಾನ್.
ಜೆಜು ಪೆದ್ರು ವಳಕ್ ನಾ ಮನುನ್ ಸಾಂಗ್ತಲ್ಯಾ ವಿಶಯಾತ್ ಅದ್ದಿಚ್ ಸಾಂಗ್ತಾ.
ಮಾತೆವ್ 26:31-35; ಮಾರ್ಕ್ 14:27-31
31 “ಸಿಮಾವ್, ಸಿಮಾವ್! ಆಯ್ಕ್! ಎಕ್ ಶೆತ್ಕಾರ್‍ಯಾನ್ ಘವಾತ್ನಾ ಜೊಳ್ಳ್ ಎಗಳ್ಯಾ ಸರ್ಕೆ, ಬರೆ ಹೊತ್ತೆ ಬುರ್‍ಸ್ಯಾತ್ನಾ ಎಗ್ಳುಕ್, ತುಮ್ಚಿ ಸಗ್ಳ್ಯಾಂಚಿ ಪರಿಕ್ಷಾ ಕರುಕ್ ಮನುನ್ ಸೈತಾನಾನ್ ಪರವಾನ್ಗಿ ಘೆಟ್ಲ್ಯಾನಾಯ್,
32 ಖರೆ, ಸಿಮಾವ್, ತುಜೊ ವಿಶ್ವಾಸ್ ಹಾಲಿನಸ್ತಾನಾ ರ್‍ಹಾವ್‍ಸಾಟ್ನಿ ಮನುನ್ ಮಿಯಾ ಮಾಗ್ನಿ ಕರ್‍ಲಾ, ಅನಿ ತಿಯಾ ಮಾಜೆಕ್ಡೆ ಪರತಲ್ಲ್ಯಾ ತನ್ನಾ ತಿಯಾ ತುಜ್ಯಾ ಭಾವಾಕ್ನಿ ಧೈರೊ ದಿ”, ಮನುನ್ ಸಾಂಗಟ್ಲ್ಯಾನ್.
33 ತನ್ನಾ ಪೆದ್ರುನ್ “ಧನಿಯಾ, ಮಿಯಾ ತುಜ್ಯಾಸಾಟಿ, ಬಂದಿಖಾನ್ಯಾತ್ ಜವ್ಕ್, ಅನಿ ತುಜೆಸಾಟ್ನಿ ಮರುಕ್ ಸೈತ್ ತಯಾರ್ ಹಾಂವ್” ಮನುನ್ ಜಬಾಬ್ ದಿಲ್ಯಾನ್.
34 ತನ್ನಾ ಜೆಜುನ್ ಪೆದ್ರುಕ್, ಮಿಯಾ ತುಕಾ ಸಾಂಗ್ತಾ, ಆಜ್ ರಾಚ್ಚೆ ತಿಯಾ, ಮಿಯಾ ಕೊನ್ ಮನುನುಚ್ ತುಕಾ ಗೊತ್ತ್ ನಾ, ಮನುನ್ ತಿನ್‍ದಾ ಸಾಂಗಿ ಪತರ್ ಕೊಂಬೊ ಭೊಕಿನಾ ಮನುನ್ ಸಾಂಗಟ್ಲ್ಯಾನ್.
ಪಯ್ಸ್ಯಾಂಚಿ ಪಿಸ್ವಿ, ಅನಿ ಪಿಸ್ವಿ,ಕೊಯ್ತೊ
35 ತನ್ನಾ ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ “ಮಿಯಾ ತುಮ್ಕಾ, ಪೈಸೆ ಘೆವ್‌ನಸ್ತಾನಾ, ಪಿಸ್ವಿ ಘೆವ್‌ನಸ್ತಾನಾ, ನಾ ಹೊಲ್ಯಾರ್, ಹೊನಾಯಾ ನಸ್ತಾನಾ, ಭಾಯ್ರ್ ಧಾಡುನ್ ದಿಲ್ಲೊ ತನ್ನಾ, ತುಮ್ಕಾ ಕಾಯ್ ತರ್ ಕಮಿ ಪಡಲ್ಲೆ ಕಾಯ್? ನಾ ಕಾಯ್ಬಿ ಕಮಿ ಪಡುಕ್ನಾ” ಮಟ್ಲ್ಯಾನಿ.
36 ತನ್ನಾ ಜೆಜುನ್ ಖರೆ ಅತ್ತಾ, ಜೆ ಕೊನಾಕ್ಡೆ ಪೈಶಾಂಚಿ ಪಿಸ್ವಿ ನಾ ಹೊಲ್ಯಾರ್ ಕಾಯ್ಬಿ ಸಾಮಾನ್ ಘೆವ್ನ್ ಜಾತಲಿ ಪಿಸ್ವಿ ಹಾಯ್, ತೊ ತಿ ಘೆಂವ್ದಿ, ಅನಿ ಕೊನಾಕ್ಡೆ ಕೊಯ್ತೊ ನಾ, ತೊ ಅಪ್ನಾಚಿ ಅಂಗಿ ಇಕುನ್ ಎಕ್ ಕೊಯ್ತೊ ಇಕಾತ್ ಘೆಂವ್ದಿ.
37 ಮಿಯಾ ತುಮ್ಕಾ ಸಾಂಗ್ತಾ, ಪ್ರವಾದ್ಯಾಚೆ ಪುಸ್ತಕ್ “ತೆನಿ ಚೊರಾಂಚೆ ನಶಿಬ್ ಅಪ್ನಾ ವರ್‍ತಿ ಘೆಟ್ಲ್ಯಾನ್”. ಮನುನ್ ಸಾಂಗ್ತಾ ಹೆ, ಮಾಜ್ಯಾ ವಿಶಯಾತ್ ಸಾಂಗಲ್ಲೆ ಖರೆ ಹೊವ್ಕ್ ಪಾಜೆ. ಕಶ್ಯಾಕ್ ಮಟ್ಲ್ಯಾರ್, ಜೆ ಕಾಯ್ ಮಾಜ್ಯಾ ವಿಶಯಾತ್ ಲಿವಲ್ಲೆ ಹಾಯ್, ತೆ, ಖರೆ ಹೊವ್ಕುಚ್ ಪಾಜೆ.
38 ತನ್ನಾ ಶಿಸಾನಿ “ಧನಿಯಾ! ಅಬಕ್! ಅಮ್ಚ್ಯಾಕ್ಡೆ ದೊನ್ ಕೊಯ್ತೆ ಹಾತ್!” ಮಟ್ಲ್ಯಾನಿ, ತನ್ನಾ ಜೆಜುನ್,“ತವ್ಡೆಚ್ ಫಿರೆ” ಮನುನ್ ಪರ್ತುನ್ ಜಬಾಬ್ ದಿಲ್ಯಾನ್.
ಜೆಜು ಒಲಿವ್ ಮಡ್ಡಿ ವರ್‍ತಿ ಮಾಗ್ನಿ ಕರ್‍ತಾ
ಮಾತೆವ್ 26:36-46; ಮಾರ್ಕ್ 14:32-42
39 ಜೆಜು ಸದ್ದಿಚ್ಯಾ ಬಾಸೆನ್ ಶಾರ್ ಸೊಡುನ್ ಒಲಿವ್ ಮಡ್ಡಿ ವರ್‍ತಿ ಗೆಲೊ, ಅನಿ ಶಿಸಾಬಿ ತೆಚ್ಯಾ ವಾಂಗ್ಡಾ ಗೆಲಿ.
40 ತ್ಯಾ ಜಾಗ್ಯಾವರ್ತಿ ಜಾವ್ನ್ ಪಾವಲ್ಲ್ಯಾ ತನ್ನಾ, ಜೆಜುಕ್ ಶಿಸಾಕ್ನಿ “ತುಮಿ ಪಾಪಾತ್ ಪಡ್ತಲ್ಯಾ ವಿಶಯಾತ್ನಿ " ಪಡಿನಸ್ತಾನಾ ರ್‍ಹಾವ್‍ಸಾಟ್ನಿ ಮಾಗ್ನಿ ಕರಾ”, ಮಟ್ಲ್ಯಾನ್.
41 ಮಾನಾ ತೊ ತೆಂಚೆಕ್ನಾ ಎಕ್ ಗುಂಡೊ ಮಾರಿ ಸರ್ಕೆ ತವ್ಡೆ ಧುರ್ ಗೆಲೊ, ಅನಿ ಡೊಗ್ಲಾ ಘಾಲುನ್ ಮಾಗ್ನಿ ಕರುನ್ಗೆತ್,
42 ತೆನಿ, “ಬಾಬಾ, ತುಕಾ ಮನ್ ರ್‍ಹಾಲ್ಯಾರ್, ಹೆ ಕಸ್ಟಾಚೆ ಆಯ್ದಾನ್, ಮಾಜೆಕ್ನಾ ಧುರ್ ಕರ್, ಮಾಜ್ಯಾ ಮನಾ ಸರ್ಕೆ ನ್ಹಯ್, ತುಜ್ಯಾ ಮನಾಕ್ ಕಶೆ ದಿಸ್ತಾ ತಸೆ ಕರ್!” ಮಟ್ಲ್ಯಾನ್.
43 ಎಕ್ ದೆವಾಚೊ ದುತ್ ಸರ್‍ಗಾ ವೈನಾ ಯೆಲೊ, ಅನಿ ತೆಕಾ ಧೈರೊ ದಿಲ್ಯಾನ್.
44 ಅನಿಬಿ ಲೈ ದುಕ್ಕಾನ್ ಭರುನ್, ತೆನಿ ಮಾಗ್ನಿ ಕರ್‍ಲ್ಯಾನ್, ತೆಚೊ ಘಾಮ್ ರಗ್ತಾಚ್ಯಾ ಠೆಂಬ್ಯಾಂಚ್ಯಾ ಸಾರ್ಕೊ ಜಿಮ್ನಿರ್ ಗಳಿ.
45 ಅಪ್ನಾಚಿ ಮಾಗ್ನಿ ಕರುನ್ ಹೊಲ್ಲ್ಯಾ ತನ್ನಾ, ಉಟುನ್ ತೊ, ಶಿಸಾಂಚ್ಯಾಕ್ಡೆ ಗೆಲೊ, ಅನಿ ತೆನಿ ನಿಜುನ್ ಪಡಲ್ಲೆ , ಬಗುನ್ ತೆಕಾ ಬೆಜಾರ್ ಹೊಲೊ.
46 ತೆನಿ ತೆಂಕಾ “ತುಮಿ ಕಶ್ಯಾಕ್ ನಿಜ್ಲ್ಯಾಶಿ? ಉಟಾ, ಅನಿ ಪಾಪಾತ್ನಿ ಪಡ್ತಲ್ಯಾ ವಿಶಯಾತ್ನಿ ತುಮಿ ಪಡಿನಸ್ತಾನಾ ರ್‍ಹಾವ್‍ಸಾಟ್ನಿ ಮಾಗ್ನಿ ಕರಾ”, ಮನುನ್ ಸಾಂಗಟ್ಲ್ಯಾನ್.
ಜೆಜುಕ್ ಧರುನ್ ನ್ಹೆತಲೆ
ಮಾತೆವ್ 26:47-56
47 ಜೆಜು ಅಜುನ್ ಬೊಲುನ್ಗೆತುಚ್ ಹೊತ್ತೊ, ತನ್ನಾ ಎಕ್ ಲೊಕಾಂಚೊ ಮೊಟೊ ತಾಂಡೊಚ್ ಥೈ ಯೆಲೊ, ಬಾರಾ ಶಿಸಾನಿತ್ಲ್ಯಾ ಜುದಾಸಾನ್ ತೆಂಕಾ ಘೆವ್ನ್ ಯೆಲ್ಲ್ಯಾನ್. ತೊ ಉಪ್ಪಾ ದಿವ್ಕ್ ಮನುನ್ ಜೆಜುಕ್ಡೆ ಯೆಲೊ.
48 ಖರೆ, ಜೆಜುನ್ ತೆಕಾ " ಜುದಾಸ್ , ಎಕ್ ಉಪ್ಪಾ ದಿವ್ನ್ ತಿಯಾ ಮಾನ್ಸಾಚ್ಯಾ ಲೆಕಾಕ್ ಧರುನ್ ದಿತೆ ಕಾಯ್? " ಮಟ್ಲ್ಯಾನ್.
49 ಹೆ ಸಗ್ಳೆ ಹೊತಲೆ ಬಗುನ್ ಜೆಜುಚ್ಯಾ ವಾಂಗ್ಡಾ ಹೊತ್ತ್ಯಾ ಶಿಸಾನಿ. ಜೆಜುಕ್, "ಧನಿಯಾ ಅಮಿ ಅಮ್ಚೆ ಕೊಯ್ತೆ ಕಾಡುಚೆ ಕಾಯ್?" ಮನುನ್ ಇಚಾರ್‍ಲ್ಯಾನ್.
50 ಅನಿ ತೆಂಚ್ಯಾತ್ಲ್ಯಾ ಎಕ್ಲ್ಯಾನ್ ಮಹಾ ಯಾಜಕಾಚ್ಯಾ ಎಕ್ಲ್ಯಾ ಆಳಾಚ್ಯಾ ಕಾನಾಕ್ ಮಾರುನ್, ತೆಚೊ ಉಜ್ವೊ ಕಾನುಚ್ ಕಾತರ್‍ಲ್ಯಾನ್.
51 ಖರೆ ಜೆಜುನ್, “ಎವ್ಡೆಚ್ ಫಿರೆ!” ಮಟ್ಲ್ಯಾರ್, ಅನಿ ತ್ಯಾ ಮಾನ್ಸಾಚ್ಯಾ ಕಾನಾಕ್ ಅಪ್ಡುನ್ ತೆಚೊ, ಕಾನ್ ಬರೊ ಕರ್‍ಲ್ಯಾನ್.
52 ತನ್ನಾ ಜೆಜುನ್, ಅಪ್ನಾಕ್ ಧರುನ್ ಘೆವ್ನ್ ಜಾವ್ಕ್ ಯೆಲ್ಲ್ಯಾ, ಮುಖ್ಯ ಯಾಜಕಾಕ್ನಿ, ಅನಿ ದೆವಾಚಿ ಗುಡಿ ರಾಕ್ತಲ್ಯಾ ಅದಿಕಾರ್‍ಯಾಕ್ನಿ, ಅನಿ ಜಾನ್ತ್ಯಾಕ್ನಿ “ಎಕ್ ಚೊರಾಕ್ ಧರುಕ್ ಯೆಲ್ಯಾ ಸರ್ಕೆ, ಕೊಯ್ತೆ, ಅನಿ ಟೊನೆ ಘೆವ್ನ್ ಯೆಲ್ಯಾಶಿ?
53 ಮಿಯಾ ಸದ್ದಿಚ್ ದೆವಾಚಿ ಗುಡಿ ತುಮ್ಚ್ಯಾ ವಾಂಗ್ಡಾಚ್ ರ್‍ಹಾಯ್, ಖರೆ ತುಮಿ ಮಾಕಾ ಧರುಕ್‍ನ್ಯಾಶಿ. ಖರೆ ಕಾಳೊಕ್ ಅಪ್ನಾಚೊ ರಾಜ್ ಚಾಲ್ವುತಲೊ ಎಳ್ ಹ್ಯೊ, ತುಮ್ಚೊ ಎಳ್ ಹ್ಯೊ”, ಮಟ್ಲ್ಯಾನ್.
ಪೆದ್ರು ಜೆಜುಚಿ ವಳಕ್ ನಾ ಮನುನ್ ಸಾಂಗ್ತಾ
ಮಾತೆವ್ 26:57-58,69-75; ಮಾರ್ಕ್ 14:53-54,66-72
54 ತೆನಿ ಜೆಜುಕ್ ಧರ್‍ಲ್ಯಾನಿ, ಅನಿ ಎಗ್ದಮ್ ಮಹಾ ಯಾಜಕಾಚ್ಯಾ ಘರಾಕ್ ಘೆವ್ನ್ ಗೆಲ್ಯಾನಿ, ಅನಿ ಪೆದ್ರುಬಿ ಧುರ್ -ಧುರ್‍ನಾಚ್ ಜೆಜುನ್ ಧರುನ್ ನ್ಹೆಲ್ಲ್ಯಾಕ್ಡೆ ಯೆಲೊ.
55 ಥೈ ದಾರಾತ್ ಮಟ್‍ಮದ್ದಿ, ಎಕ್ ಧುಮಿ ಘಾಟಲ್ಲಿ ಹೊತ್ತಿ, ಅನಿ ಪೆದ್ರು ತ್ಯಾ ಧುಮಿಚ್ಯಾ ಭೊತ್ಯಾನಿ ಹೊತ್ತ್ಯಾ ಲೊಕಾತ್ನಿ ಜಾವ್ನ್ ಬಸ್ಲೊ.
56 ಥೈ ಆಗಿಕ್ಡೆ ಬಸಲ್ಲ್ಯಾ ಪೆದ್ರುಕ್ ಎಕ್ ಕಾಮಾಚ್ಯಾ ಬಾಯ್ಕೊಮನ್ಸಿನ್ ಬಗಟ್ಲಿನ್, ತೆನಿ ತೆಕಾ ಬರೆ ಕರುನ್ ಬಗುನ್ “ಹ್ಯೊ , ಮಾನುಸ್‍ಬಿ ಜೆಜುಚ್ಯಾ ವಾಂಗ್ಡಾ ಹೊತ್ತೊ!” ಮಟ್ಲಿನ್.
57 ಖರೆ ಪೆದ್ರುನ್ ತ್ಯಾ ಬಾಯ್ಕೊಮನ್ಸಿಕ್ “ಬಾಯಿ ತೊ ಕೊನ್ ಮನುನ್ ಸೈತ್ ಮಾಕಾ ಗೊತ್ತ್ ನಾ!” ಮಟ್ಲ್ಯಾನ್.
58 ಎಕ್ ಉಲ್ಲೊ ಎಳ್ ಹೊಲ್ಲ್ಯಾ ಮಾನಾ, ಎಕ್ ಘೊಮನ್ಸಾನ್ ಪೆದ್ರುಕ್ ಬಗಟ್ಲ್ಯಾನ್, ಅನಿ ತಿಯಾಬಿ ಎಕ್ಲೊ ತೆಂಚ್ಯಾತ್ಲೊಚ್! ಮಟ್ಲ್ಯಾನ್. ಖರೆ ಪೆದ್ರುನ್, “ಅರೆ ಬಾಬಾ, ಮಿಯಾ ತೆಂಚ್ಯಾತ್ಲೊ ನ್ಹಯ್!” ಮಟ್ಲ್ಯಾನ್.
59 ಅನಿ ಸುಮಾರ್ ಎಕ್ ತಾಸ್ ಹೊಲ್ಲ್ಯಾ ಮಾನಾ, ಅನಿ ಎಕ್ಲೊ ಎಗ್ದಮ್ ವಿಶ್ವಾಸಾನ್ “ಹ್ಯೊ ಮಾನುಸ್ ಜೆಜುಚ್ಯಾ ವಾಂಗ್ಡಾ ಹೊತ್ತೊ ಮನುನ್ ಸಾಂಗ್ತಲ್ಯಾತ್ ಸಂಶೆವುಚ್ ನಾ. ಎಕ್ ಕಶ್ಯಾಕ್ ಮಟ್ಲ್ಯಾರ್ ಹ್ಯೊ ಬಿ ಎಕ್ ಗಾಲಿಲಿಯಾಕಾರ್!” ಮನುನ್ ಮಟ್ಲ್ಯಾನ್.
60 ಖರೆ ಪೆದ್ರುನ್, “ಅರೆ, ಬಾಬಾ; ತಿಯಾ ಖಲ್ಯಾ ವಿಶಯಾತ್ ಬೊಲುಲೆ ಮನುನ್ ಮಾಕಾಚ್ ಕಳಿನಾ ಹೊಲಾ!” ಮಟ್ಲ್ಯಾನ್. ತನ್ನಾ ತೊ ಬೊಲುನ್ಗೆತುಚ್ ರಾತಾನಾ, ತಾಬೊಡ್ತೊಬ್ ಎಕ್ ಕೊಂಬ್ಯಾನ್ ಭೊಕ್ಲ್ಯಾನ್.
61 ತನ್ನಾ ಜೆಜು ಪರತ್ಲೊ, ಅನಿ ಸಿದಾ ಪೆದ್ರುಕ್ ಬಗಟ್ಲ್ಯಾನ್, ಅನಿ ಪೆದ್ರುಕ್, ಧನಿಯಾನ್ “ಆಜ್ ರಾಚ್ಚೆ ಕೊಂಬೊ ಭೊಕುಚ್ಯಾ ಅದ್ದಿ ತಿನ್ ದಾ ತಿಯಾ ಮಾಕಾ ವಳ್ಕಿಚ್‍ ನೈ, ಮನುನ್ ಸಾಂಗ್ತೆ” ಮನುನ್ ಸಾಂಗಟಲ್ಲ್ಯಾ ಗೊಸ್ಟಿಚಿ ಯಾದ್ ಯೆಲಿ.
62 ತನ್ನಾ ಪೆದ್ರು ಭಾಯ್ರ್ ಗೆಲೊ ಅನಿ ವಾಯ್ಟ್ ರಡ್ಲೊ.
ಜೆಜುಕ್ ಎಡ್ಸಡ್ತ್ಯಾತ್ ಅನಿ ಮಾರ್‍ತ್ಯಾತ್
ಮಾತೆವ್ 26:67-68; ಮಾರ್ಕ್ 14:65
63 ಜೆಜುಕ್ ರಾಕುಕ್ ಮನುನ್ ಹೊತ್ತ್ಯಾ ಲೊಕಾನಿ ಜೆಜುನ್ ಎಡ್ಸಡ್ಲ್ಯಾನಿ, ಅನಿ ಮಾರ್‍ಲ್ಯಾನಿ.
64 ತೆಚೆ ಡೊಳೆ ಫಾಳಿನಿ ಧಾಪ್ಲ್ಯಾನಿ, ಅನಿ, ತೆಕಾ ಘುಮ್ಕೆ ಘಾಲುನ್ “ತುಕಾ ಕೊನ್ ಮಾರ್‍ಲೆ ಮನುನ್ ಸಾಂಗ್ ಬಗುವಾ!” ಮನುನ್ ಇಚಾರ್‍ಲ್ಯಾನಿ
65 ಅನಿ ಅಸ್ಲ್ಯಾ ಲೈ ತೆಚಿ ಮರ್‍ಯಾದ್ ಕಾಡ್ತಲ್ಯಾ ಗೊಸ್ಟಿಯಾ ತೆನಿ ತೆಕಾ ಬೊಲ್ಲ್ಯಾನಿ.
ನ್ಯಾಯ್ ಕರ್‍ತಲ್ಯಾ ಬೈಟಕಿಚ್ಯಾ ಇದ್ರಾಕ್ ಜೆಜು
ಮಾತೆವ್ 26:59-66; ಮಾರ್ಕ್ 14:55-64
66 ದಿಸ್ ಉಜ್ವಾಡಲ್ಲ್ಯಾ ತನ್ನಾ ಜಾಸ್ತಿ ಲೊಕಾ, ಮುಖ್ಯ ಯಾಜಕಾ, ಅನಿ ಖಾಯ್ದೆ ಶಿಕ್ವುತಲಿ ಲೊಕಾ ಎಕಾಕ್ಡೆ ಗೊಳಾ ಹೊಲಿ, ಅನಿ ಜೆಜುಕ್ ನ್ಯಾಯ್ ಕರ್‍ತಲ್ಯಾ ಮಂಡಳಿಚ್ಯಾ ಇದ್ರಾಕ್ ಘೆವ್ನ್ ಯೆವ್ನ್ ಹೊಲೆ.
67 ತೆನಿ ತೆಕಾ “ತಿಯಾ ಮೆಸ್ಸಿಯಾ ಕಾಯ್? ಅಮ್ಕಾ ಸಾಂಗ್” ಮನುನ್ ಮಟ್ಲ್ಯಾನಿ.
ತೆನಿ ಮಿಯಾ ತುಮ್ಕಾ ಸಾಂಗಟ್ಲ್ಯಾರ್‍ಬಿ ತುಮಿ ವಿಶ್ವಾಸ್ ಕರಿನ್ಯಾಶಿ,
68 “ಅನಿ ಮಿಯಾ ತುಮ್ಕಾ ಎಕ್ ಸವಾಲ್ ಇಚಾರ್ಲ್ಯಾರ್ ತುಮ್ಚ್ಯಾನ್ ಮಾಕಾ ಜಬಾಬ್ ದಿವ್ಕ್ ಹೊಯ್ನಾ.
69 ಖರೆ ಅತ್ತಾಚ್ಯಾನ್ ಫಿಡೆ, ಮಾನ್ಸಾಚೊ ಲೆಕ್, ಪರಮೊನ್ನತ್ ದೆವಾಚ್ಯಾ ಉಜ್ವ್ಯಾ ಬಾಜುಕ್ ಬಸ್ತಾ!” ಮಟ್ಲ್ಯಾನ್
70 ತೆನಿ ಸಗ್ಳ್ಯಾನಿ“ತಸೆ ಜಾಲ್ಯಾರ್,ತಿಯಾ ದೆವಾಚೊ ಲೆಕ್ ಕಾಯ್?” ಮನುನ್ ಇಚಾರ್‍ಲ್ಯಾನಿ.
ತೆನಿ ತೆಂಕಾ “ತುಮಿ ಸಾಂಗಲ್ಲೊಚ್ ಮಿಯಾ.” ಮನುನ್ ಜಬಾಬ್ ದಿಲ್ಯಾನ್.
71 ತನ್ನಾ ತೆನಿ “ಅಮ್ಕಾ ಅನಿ ಕಸ್ಲಿಬಿ ಸಾಕ್ಷಿ ನಕ್ಕೊ! ತೆನಿ ಕಾಯ್ ಬೊಲ್ಲ್ಯಾನ್ ಮನುನ್ ಅಮಿಚ್ ಆಯಿಕ್ಲಾವ್!” ಮಟ್ಲ್ಯಾನಿ.