ಪೆತ್ರನು ಬರೆದ ಎರಡನೆಯ ಪತ್ರಿಕೆ
ಪೆದ್ರುನ್ ಲಿವಲ್ಲಿ ದೊನ್ವೆಚಿ ಚಿಟಿ
ವಳಕ್
ಪೆದ್ರುನ್ ಲಿವಲ್ಲಿ ದೊನ್ವೆಚಿ ಚಿಟ್ ಅಪೊಸ್ತಲ್ ಪೆದ್ರುನುಚ್ ಲಿವ್ಲಾ ಮನುನ್ ತಿ ಚಿಟುಚ್ ದಾಕ್ವುನ್ ದಿತಾ. ಖರೆ ಲೈ ಲೊಕಾ ಶಿಕಲ್ಲಿ ಅಜುನ್ಬಿ ಹೆ ಖರೆ ಮನುನ್ ಒಪ್ಪುನ್ ಘೆಯ್ನಾತ್, ಪೆದ್ರುಚ್ಯಾ ಸಾಟ್ನಿ ದುಸ್ರ್ಯಾನಿ ಕೊನಿಕಿ ಎಕ್ಲ್ಯಾನಿ ಹಿ ಚಿಟ್ ಲಿವ್ಕ್ ಫಿರೆ, ಲಿವ್ತಲ್ಯಾನ್ ಜೆಜುಚ್ಯಾ ಜಿವನಾಕ್ ಅನಿ ಲೈ ಕರುನ್ ರುಪ್ ಬದ್ಲ್ಯಾಕ್ ಅಪ್ನಿ ಡೊಳ್ಯಾನಿ ಬಗಟಲ್ಲಿ ಸಾಕ್ಷಿ ಹೊವ್ನ್ ಹಾಯ್ ಮನುನ್ ಸಾಂಗ್ತಾ 1:17-18. ಎಕ್ ಯೆಳಾ ಪೆದ್ರುನ್ ಹಿ ಚಿಟ್ ಲಿವಲ್ಲಿ ಹೊಲ್ಯಾರ್ ತೊ ರೊಮ್ ಶಾರಾತ್ ರಾವ್ನ್ ಲಿವ್ನ್ ರ್‍ಹಾತಾ, ಅನಿ ಹಿ ಚಿಟ್ ಕ್ರಿಸ್ತ್ ಜಲಮಲ್ಲ್ಯಾ ಮಾನಾ ಸಾಟಾರ್ ಪಾಚಾಕ್ನಾ ಸಾಟಾರ್ ನ್ಹವ್ ವರ್ಸಾಚ್ಯಾ ಮದ್ದಿ ಲಿವ್ಕ್ ಫಿರೆ, ತೆ ತೆಚ್ಯಾ ಮರ್ನಾಚ್ಯಾ ಅದ್ದಿ ಪೆದ್ರುಬಿ ಹಿ ಅಪ್ನಿ ಲಿವ್ತಲಿ ದೊನ್ವೆಚಿ ಚಿಟ್ ಮನುನ್ ಬಲ್ವುತಾ 3:1. ಅಸೆ ಹಿ ಚಿಟ್ ಲಿವಲ್ಲೊ ತಾರಿಕ್ ಪೆದ್ರುನ್ ಲಿವಲ್ಲ್ಯಾ ಎಕ್ವೆಚ್ಯಾ ಚಿಟಿಚ್ಯಾ ಮಾನಾ ಥವ್ನ್ ಹೊತಾ. ಹಿ ಚಿಟ್ ತೆನಿ ಸಗ್ಳ್ಯಾ ಕ್ರಿಸ್ತಾಚ್ಯಾ ವಿಶ್ವಾಸಿಕ್ನಿ ಉದ್ದೆಸುನ್ ಲಿವ್ಲಾ.
ಪೆದ್ರುನ್ ವಿಶ್ವಾಸಿಕ್ನಿ ಬರೊ ಜಿವನ್ ಕರುಕ್ ಉಮ್ಮೆದ್ ದಿವ್ಕ್ ಅನಿ ತೆಂಕಾ ಝುಟ್ಯಾ ಶಿಕಾಪಾ ಕಾರಾಂಚ್ಯಾ ವಾಟೆನ್ ಚಲಿನಾ ಸಾರ್ಕೆ ಹುಶ್ಯಾರ್ಕಿ ದಿವ್ಕ್ ಲಿವ್ಲ್ಯಾನ್ 2. ತೆನಿ ಜೆಜು ಫಾಟಿ ಪರ್ತುನ್ ಯೆವ್ಕ್ ಲೈ ಎಳ್ ಘೆವ್ಲಾ ಮನುನ್ ಸಾಂಗ್ತಲ್ಯಾ ಲೊಕಾಕ್ನಿ ಧ್ಯಾನ್ ದಿವ್ನಕ್ಕೊ ಮನುನ್ ತೆಂಕಾ ಉಮ್ಮೆದ್ ದಿಲ್ಯಾನ್. ಹೆಚ್ಯಾ ಬದ್ಲಾಕ್ ದೆವ್ ಸಾವ್ಕಾಸ್ ರಿತಿನ್ ನಾ, ಖರೆ ಹರ್ ಎಕ್ಲೊಬಿ ರಾಕ್ವನ್ ಪಾವುನ್ ಘೆವ್ಚೆ ಮನ್ತಲಿ ಖಬರ್ ಉಕ್ಲುನ್ ಧರ್‍ಲ್ಯಾನ್ ದೊನ್ವೆ ಪೆದ್ರು 3:8-9 ,ಹ್ಯಾ ಕಾರನಾಸಾಟಿ ಎಕ್ ಬರೊ ಜಿವನ್ ಕರುಕ್ ಪಾಜೆ 3:14.
ಭಾಗ್
ಪೆದ್ರುನ್ ಅಪ್ಲಿ ವಳಕ್ ಕರುನ್ ದಿಲಾ ಅನಿ ಅಪ್ಲ್ಯಾ ವಾಚ್ತಲೆ ಕೊನ್ ಮನುನ್ ದಾಕ್ವುನ್ ದಿತಾ 1:1-2
ಮಾನಾ ತೊ ದೆವಾನ್ ಅಮ್ಕಾ ದಿಲ್ಲ್ಯಾ ಸಾರ್ಕೆ ಬರೆ ಜಿವನ್ ಕರುಚೆ ಮನುನ್ ಯಾದ್ ಕರುನ್ ದಿತಾ 1:3-21
ಮಾನಾ ತೊ ಝುಟ್ಯಾ ಶಿಕಾಪಾ ಕಾರಾಂಚ್ಯಾ ವಿರೊದ್ ಹುಶ್ಯಾರ್ಕಿ ದಿತಾ ಅನಿ ಆಕ್ರಿಕ್ ಝುಟಿ ಶಿಕಾಪಾ ಕಾರಾಕ್ನಿ ಕಾಯ್ ಹೊತಾ ಮನುನ್ ಸಾಂಗ್ತಾ 2:1-22
ಮಾನಾ ತೊ ವಿಶ್ವಾಸಿ ಲೊಕಾನಿ ಜೆಜುಚ್ಯಾ ದೊನ್ವೆಚ್ಯಾ ಯೆನ್ಯಾಚ್ಯಾ ತಯಾರಿಕ್ ಸಾಟ್ನಿ ಬರೆ ಜಿವನ್ ಕರುಚೆ ಮನುನ್ ಉಮ್ಮೆದ್ ದಿವ್ನ್ಗೆತ್ ಅಪ್ಲಿ ಚಿಟ್ ಮುಗಸ್ತಾ 3:1-17
1
1 ಜೆಜು ಕ್ರಿಸ್ತಾಚೊ ಅಪೊಸ್ತಲ್ ಅನಿ ಸೆವಕ್ ಸಿಮಾವ್ ಪೆದ್ರು, ಅಮ್ಚ್ಯಾ ದೆವಾಚ್ಯಾ ನಿತಿವಂತ್ಪಾನಾ ಅನಿ ಸುಟ್ಕಾ ದಿನಾರ್‍ಯಾ ಜೆಜು ಕ್ರಿಸ್ತಾಚೊ ವಿಶ್ವಾಸ್ ಕಿಮ್ತಿಚೊ ಮನುನ್ ದಿಲ್ಲ್ಯಾಕ್ನಿ ಲಿವ್ತಲೆ:
2 ದೆವಾಚ್ಯಾ ವಿಶಯಾತ್ ಅನಿ ಅಮ್ಚ್ಯಾ ಧನಿಯಾ ಜೆಜುಚ್ಯಾ ವಿಶಯಾತ್ ತುಮಿ ಕಳ್ವುನ್ ಘೆತಲ್ಯಾತ್ ಭರ್ಪುರ್ ಕುರ್ಪಾ ಅನಿ ಶಾಂತಿ ಗಾವುಂದಿತ್.
ದೆವಾಚಿ ಬಲ್ವನ್ ಅನಿ ಎಚುನ್ ಕಾಡ್ನೆ
3 ತೆಚ್ಯಾ ದೈವಿಕ್ ಬಳಾನ್ ಅಮ್ಕಾ ಅಮ್ಚ್ಯಾ ಜಿವನಾಕ್ ಅನಿ ದೆವಸ್ಪಾನಾಕ್ ಪಾಜೆ ಹೊಲ್ಲೆ ಸಗ್ಳೆ ದಿಲ್ಯಾನಾಯ್, ತೆಚ್ಯಾ ಶಾನ್ಪಾನಾಚ್ಯಾ ವೈನಾ ಅಮ್ಕಾ ತೆನಿ ಅಪ್ನಾಚ್ಯಾ ಸ್ವತಾಚ್ಯಾ ಮಹಿಮೆನ್ ಅನಿ ಬರೆಪಾನಾನ್ ಬಲ್ವಲ್ಲೆ ಹಾಯ್.
4 ಅಸೆ ತೆನಿ ಅಮ್ಕಾ ಗೊಸ್ಟ್ ದಿವ್ನ್ ಸಾಂಗಲ್ಲೆ ಲೈ ಮೊಟೆ ಅನಿ ಕಿಮ್ತಿಚೆ ವರು ದಿಲ್ಯಾನಾಯ್, ಅಸೆ ಹ್ಯಾ ವರುಕ್ ಲಾಗುನ್ ತೆನಿ ಹ್ಯಾ ಜಗಾಚ್ಯಾ ನಾಸ್ ಹೊವ್ನ್ ಜಾತಲ್ಯಾ ಬುರ್ಶ್ಯಾಪಾನಾತ್ನಾ ಚುಕ್ವುನ್ ಘೆವ್ಚೆ ಅನಿ ದೆವಾಚ್ಯಾ ಗುನಾತ್ ವಾಟೊ ಘೆಯ್ ಸಾರ್ಕೆ ಹೊಲೆ.
5 ಹ್ಯಾ ಕಾರನಾಸಾಟ್ನಿ ತುಮ್ಚ್ಯಾ ವಿಶ್ವಾಸಾತ್ ಬರೆಪಾನ್ ಮಿಳ್ವುನ್ ಬಗಾ; ಅನಿ ತುಮ್ಚ್ಯಾ ಬರೆಪಾನಾಕ್ ಶಾನ್ಪಾನ್ ಮಿಳ್ವಾ.
6 ತುಮ್ಚ್ಯಾ ಶಾನ್ಪಾನಾಕ್ ಸ್ವತಾಚಿ ಸಂಬಾಳ್ನಿ ಮಿಳ್ವುನ್ ಘೆವಾ; ಅನಿ ಸ್ವತಾಚ್ಯಾ ಸಂಬಾಳ್ನಿಕ್ ತುಮ್ಚೆ ಸೊಸುನ್ ಘೆವ್ನ್ ಜಾತಲೆ ಮಿಳ್ವಾ. ಸೊಸುನ್ ಘೆವ್ನ್ ಜಾತಲ್ಯಾಕ್ ದೆವಸ್ಪಾನ್ ಮಿಳ್ವಾ.
7 ತುಮ್ಚ್ಯಾ ದೆವಸ್ಪಾನಾಕ್ ಭಾವ್ಬಂದ್ಪಾನ್ ಮಿಳ್ವಾ ಅನಿ ಭಾವ್ಬಂದ್ಪಾನ್ ಪ್ರೆಮ್ ಮಿಳ್ವಾ.
8 ಕಶ್ಯಾಕ್ ಮಟ್ಲ್ಯಾರ್, ಹಿ ಸಗ್ಳಿ ಗುನಾ ತುಮ್ಚ್ಯಾ ಭುತ್ತುರ್ ರ್‍ಹಾವ್ಕ್ ಪಾಜೆ, ಹಿ ಸಗ್ಳಿ ಭರ್ಪುರ್ ಮಾಪಾನ್ ತುಮ್ಚ್ಯಾ ಭುತ್ತುರ್ ರ್‍ಹಾಲ್ಯಾರ್ ತೆ ತುಮ್ಕಾ ಅಮ್ಚ್ಯಾ ಧನಿಯಾ ಜೆಜುಕ್ರಿಸ್ತಾಚ್ಯಾ ಶಾನ್ಪಾನಾತ್ ಕಾಯ್ಬಿ ಪಾಯ್ದ್ಯಾಕ್ ಪಡಿನಸಲ್ಲೆ ಅನಿ ಕಸ್ಲೊಬಿ ಪ್ರಭಾವ್ ಪಡಿನಸಲ್ಲೆ ಹೊವ್ನ್ ದಿಯ್ನಾತ್.
9 ಕಶ್ಯಾಕ್ ಮಟ್ಲ್ಯಾರ್, ಹಿ ಸಗ್ಳಿ ಗುನಾ ನಸಲ್ಲೊ ಅಂದ್ಳೊ ಅನಿ ಕುಡ್ಡೊ ಸಾರ್ಕೊ ಹಾಯ್, ತೆನಿ ತೆಂಚ್ಯಾ ಪಾಟ್ಲ್ಯಾ ಪಾಪಾನಿತ್ನಾ ತೆಂಕಾ ಪವಿತ್ರ್ ಕರುನ್ ಹೊಲಾ ಮನ್ತಲೆ ಇಸರ್ತಾತ್.
10 ಅಸೆ ರ್‍ಹಾತಾನಾ, ಮಾಜ್ಯಾ ಭಾವಾನು ಅನಿ ಭೆನಿಯಾನು, ತುಮ್ಚೆ ಎಚುನ್ ಘೆಟ್ನೆ ಘಟ್ ಕರ್‍ತಲ್ಯಾ ಹುಕುಮಾಕ್ನಿ ಲೈ ಉಮ್ಮೆದ್ ಥವಾ, ಅಸೆ ಕರ್ಲ್ಯಾರ್ ತುಮಿ ಕನ್ನಾಬಿ ಅಟ್ಕಳುನ್ ಪಡಿನ್ಯಾಸಿ.
11 ಅಸೆ ಅಮ್ಚ್ಯಾ ಧನಿಯಾಕ್ ಅನಿ ಸುಟ್ಕಾ ದಿನಾರ್‍ಯಾ ಜೆಜು ಕ್ರಿಸ್ತಾಚ್ಯಾ ಅಂತ್ ನಸಲ್ಲ್ಯಾ ರಾಜಾತ್ ಭುತ್ತುರ್ ತುಮ್ಕಾ ಫುರಾ ಹಕ್ಕ್ ದಿವ್ನ್ ಹೊತಾ.
12 ಹೆಚ್ಯಾಸಾಟ್ನಿ ಹೆ ಸಗ್ಳೆ ಅದ್ದಿಚ್ ತುಮ್ಕಾ ಗೊತ್ತ್ ರ್‍ಹಾಲ್ಯಾರ್‍ಬಿ ತುಮಿ ಘೆಟಲ್ಲ್ಯಾ ಖರೆಪಾನಾತ್ ತುಮಿ ಘಟ್ ಹಾಸಿ, ಹೊಲ್ಲ್ಯಾರ್ಬಿ ಕನ್ನಾಬಿ ಮಿಯಾ ತುಮ್ಕಾ ಹಿ ಯಾದ್ ಕರುನ್ ದಿತಾ.
13 ಹ್ಯಾ ಜಗಾತ್ ಝಿತ್ತೊ ರ್‍ಹಾಯ್ ಪತರ್ ತುಮ್ಚ್ಯಾ ಮನಾಕ್ನಿ ಹೆ ಸಗ್ಳೆ ಹಾನ್ತಲೆ ಬರೆ ಮನ್ತಲಿ ಮಾಜಿ ಯವ್ಜನ್.
14 ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾನ್ ಮಾಕಾ ದಾಕ್ವುನ್ ದಿಲ್ಲ್ಯಾ ಸಾರ್ಕೆ ಮಾಜೆ ಮರಾನ್ ಲಗ್ಗುನಾಚ್ ಯೆತಲೆ ಹಾಯ್ ಮನುನ್ ಮಾಕಾ ಗೊತ್ತ್ ಹಾಯ್.
15 ಅಸೆ ರ್‍ಹಾತಾನಾ, ಮಾಜ್ಯಾ ಮರ್ನಾಚ್ಯಾ ಮಾನಾ ಹಿ ವಿಶಯಾ ತುಮ್ಕಾ ಯಾದ್ ರ್‍ಹಾಯ್ ಸಾರ್ಕೆ ಕರುಕ್ ಮಿಯಾ ಮಾಕಾ ಹೊತಾ ತವ್ಡೆ ಬರೆ ಕರುಕ್ ಖಟ್ಪಟ್ತಾ.
ಕ್ರಿಸ್ತಾಚಿ ಮಹಿಮಾ ಅನಿ ಪ್ರವಾದನ್
16 ಅಮ್ಚ್ಯಾ ಯೆತಲ್ಯಾ ಅಮ್ಚ್ಯಾ ಧನಿಯಾ ಜೆಜು ಕ್ರಿಸ್ತಾಚ್ಯಾ ತಾಕ್ತಿಚ್ಯಾ ವಿಶಯಾತ್ ಕಳ್ವುಲ್ಯಾಂವ್, ಕಾನಿಯಾಂಚ್ಯಾ ವೈರ್ ಅಮಿ ಹೊಂದುನ್ ನಾ, ಹೆ ಸಗ್ಳ್ಯೆ ಅಮಿ ಜೆಜುಚಿ ಮಹಿಮಾ ಅಮಿ ಡೊಳ್ಯಾನಿ ಬಗಟ್ಲಾಂವ್.
17 ದೆವಾ ಬಾಬಾನ್ ಮಹಿಮಾ ಅನಿ ಮಾನ್ ತೆಕಾ ದಿತಾನಾ ಅಮಿ ಥೈ ಹೊತ್ತಾಂವ್, ತನ್ನಾ ಮೊಟ್ಯಾ ಮಹಿಮೆಕ್ನಾ ಎಕ್ ಧನ್ ತೆಕಾ ಆಯ್ಕೊಯೆಲೊ ತೊ ಧನ್ “ಹೊ ಮಾಜೊ ಅಪುರ್‍ಬಾಯೆಚೊ ಲೆಕ್, ಹೊ ಮಾಜ್ಯಾ ಮನಾಕ್ ಯೆಲಾ!”
18 ಪವಿತ್ರ್ ಮಡ್ಡಿರ್ ಅಮಿ ಜೆಜುಚ್ಯಾ ವಾಂಗ್ಡಾ ರಾತಾನಾ ಸರ್‍ಗಾ ವೈನಾ ಯೆಲ್ಲೊ ಧನ್ ಅಮಿ ಆಯ್ಕಲಾಂವ್.
19 ಅಸೆ ಪ್ರವಾದ್ಯಾನಿ ಸಾಂಗಲ್ಲ್ಯಾ ಗೊಸ್ಟಿಯಾ ಖರೆಚ್, ಕಾಳ್ಕಾತ್ ಹೊಳಾವ್ತಲೆ ದಿವೊ ತೊ ದಿಸ್ ಉತ್ರುನ್ ಅನಿ ಅಮ್ಚ್ಯಾ ಮನಾತ್ನಿ ಸುಖಿರಾಚೊ ಉಜ್ವೊಡ್ ದಾಕ್ವುಸಾಟ್ನಿ ಹೊಳಾವ್ತಲೊ ಉಜ್ವೊಡ್ ತೊ.
20 ತುಮಿ ಹೆ ಅದ್ದಿಚ್ ಕಳ್ವುನ್ ಘೆವ್ಚೆ ಪವಿತ್ರ್ ಪುಸ್ತಕಾಚ್ಯಾ ವಿಶಯಾತ್ ಜೆ ಕೊನ್ ಬೊಲಲ್ಲೆ ಹಾಯ್ ತೆನಿ ಅಪ್ನಾಚ್ಯಾ ಸ್ವತಾಚ್ಯಾ ವಿಚಾರ್ನಿ ಬೊಲಲೆ ನ್ಹಯ್.
21 ಕಶ್ಯಾಕ್ ಮಟ್ಲ್ಯಾರ್, ಪ್ರವಾದ್ಯಾಂಚೆ ಬಾತ್ಮಿ ಮಾನ್ಸಾಚ್ಯಾ ಮನಾನಿತ್ನಾ ಯೆಲ್ಲಿ ನ್ಹಯ್ ತಿ ಪವಿತ್ರ್ ಆತ್ಮ್ಯಾ ಚ್ಯಾ ಪ್ರೆರನ್ ವೈನಾ ದೆವಾಕ್ನಾ ಘೊಮ್ಮಾನ್ಸಾ ನಾತರ್ ಬಾಯ್ಕೊಮನ್ಸಾಂಚ್ಯಾ ತೊಂಡಾತ್ನಿ ಭಾಯ್ರ್ ಯೆತಾ.