2
ತಾಂಡ್ಯಾಚೆ ಆರಾದನ್
1 ಸಗ್ಳ್ಯಾಂಚ್ಯಾಸಾಟ್ನಿ ದೆವಾನ್ ಧನ್ಯವಾದ್ ದಿಲಾ. ಮನುನ್ ಮಿಯಾ ಸಗ್ಳ್ಯಾನ್ ಅದ್ದಿ ತುಮ್ಚ್ಯಾಕ್ಡೆ ಮಾಗುನ್ ಘೆತಾ .
2 ಸಗ್ಳ್ಯಾ ರಿತಿನ್ ದೆವಾಕ್ ಬರೆ ದಿಸ್ತಲೆ ಶಾಂತ್ ಅನಿ ಸಮಾದಾನಾಚೆ ಜಿವನ್ ಕರುಕ್ ಹೊಯ್ ಸರ್ಕೆ ರಾಜಾಂಚ್ಯಾ ಅನಿ ಸಗ್ಳ್ಯಾ ಅದಿಕಾರ್‍ಯಾಂಚ್ಯಾಸಾಟ್ನಿ ಮಾಗ್ನಿ ಕರಾ.
3 ಹೆ ಬರೆ, ಅನಿ ಅಮ್ಚಿ ರಾಕನ್ ಕರ್‍ತಲ್ಲ್ಯಾ ದೆವಾಚ್ಯಾ ಮನಾಕ್ ಬರೆ ದಿಸ್ತಾ.
4 ತೊ ಸಗ್ಳ್ಯಾಕ್ನಿ ಸುಟ್ಕಾ ಹೊವ್ಚೆ ಅನಿ ಸಗ್ಳ್ಯಾನಿ ಖರೆ ಶಾನ್ಪಾನ್ ಕಳ್ವುನ್ ಘೆವ್ಚೆ ಮನುನ್ ಆಶಾ ಕರ್‍ತಾ.
5 ಎಕ್ಲೊಚ್ ದೆವ್ ಹಾಯ್, ಅನಿ ಮಾನ್ಸಾಕ್ನಿ, ಅನಿ ದೆವಾಕ್ ಎಕ್‍ಕ್ಡೆ ಕರ್‍ತಲೊ ತೊ ಮಾನುಸ್ ಎಕ್ಲೊಚ್ ತೊಚ್ ಕ್ರಿಸ್ತ್ ಜೆಜು ,
6 ತೆನಿ ಪುರಾ ಮಾನ್ಸಾಂಚೊ ಕುಲ್ ರಾಕ್ವನ್ ಕರುಕ್ ಸಾಟ್ನಿ ಅಪ್ನಾಕುಚ್ ಅಪ್ನಿ ಒಪ್ಪುನ್ ದಿಲ್ಯಾನ್ ಅನಿ ದೆವ್ ಸಗ್ಳ್ಯಾಕ್ನಿ ರಾಕ್ವನ್ ಕರುಕ್ ಆಶ್ಯಾ ಕರ್‍ತಾ ಹೆ ಸಮಾ ಎಳಾರ್ ದಿಲ್ಲೊ ಕಾರನ್ ಹೊಲ್ಲೊ ,
7 ಅನಿ ಹೆಚ್ಯಾಚ್ ಸಾಟ್ನಿ ವಿಶ್ವಾಸಾಚಿ ಬರಿ ಖಬರ್ ಅನಿ ಖರೆಪಾನಾಚ್ಯಾ ವಿಶಯಾತ್ ಸಾಂಗುಕ್ ಮನುನ್ ಜುದೆವ್ ನ್ಹಯ್ ಹೊತ್ತ್ಯಾ ಲೊಕಾಂಚ್ಯಾ ಮದ್ದಿ ತೆಂಕಾ ಸಿಕ್ವುತಲೊ ಅನಿ ಎಕ್ ಅಪೊಸ್ತಲ್ ಕರುನ್ ಮಾಕಾ ಧಾಡಲ್ಲೆ ಹಾಯ್. ಮಿಯಾ ಝುಟೆ ಸಾಂಗಿನಾ ಹೊಲಾ; ಜೆ ಕಾಯ್ ಖರೆ ಹಾಯ್ ತೆಚ್ ಮಿಯಾ ಸಾಂಗುಕ್ ಲಾಗ್ಲಾ!
8 ಸಗ್ಳ್ಯಾ ಜಾಗ್ಯಾರ್ ಮಾಗ್ನ್ಯಾಚ್ಯಾ ಎಳಾರ್, ದೆವಾಕುಚ್ ಒಪ್ಸುನ್ ದಿಲ್ಲಿ ಘೊಮನ್ಸಾ ವಾದ್, ರಾಗ್ ನಸ್ತಾನಾ, ಅಪ್ನಾಚಿ ಪವಿತ್ರ್ ಹಾತಾ ವೈರ್ ಉಕ್ಲುನ್ ಮಾಗ್ನೆ ಕರುಚೆ.
9 ತಸೆಚ್ ಬಾಯ್ಕೊಮನ್ಸಾನಿ ಮರ್ಯಾದಿಚೆ ಅನಿ ಶಿಸ್ತ್ ದಿಸ್ತಲೆ ಕಪ್ಡೆ ನೆಸುಚೆ ಮನ್ತಲಿ ಮಾಜಿ ಆಶಾ, ಅನಿ ಕೆಸಾಕ್ನಿ ಲೈ ಶಿಂಗಾರ್ ಕರುನ್ ಘೆವ್ಕ್ ಸಾಟ್ನಿ ಲೈ ಸೊನ್ಯಾಚಿ ವಸ್ತಾ ನೆಸುನ್, ಮೊತಿಚಿ ವಸ್ತಾ ನೆಸುನ್, ಮ್ಹಾಗ್ರೆ ಕಪ್ಡೆ ನೆಸುಚೆ ಮನುನ್ ನ್ಹಯ್,
10 ದೆವಸ್ಪಾನ್ ದಿಸ್ತಲೆ ಬರೆ ಕಪ್ಡೆ ಖರ್ಯಾಪಾನಾನ್ ಎಕ್ ಬಾಯ್ಕೊಮನ್ಸಿನ್ ನೆಸ್ತಲೆ ತವ್ಡೆ ನೆಸ್ಲ್ಯಾರ್ ಫಿರೆ.
11 ಬಾಯ್ಕೊಮನ್ಸಾನಿ ಗಪ್ ರ್‍ಹಾವ್ನ್ ಖಾಲ್ತಿ ಹೊವ್ನ್ ಸಗ್ಳೆ ಸಿಕುಚೆ.
12 ಘೊಮಾನ್ಸಾಂಚ್ಯಾ ವರ್‍ತಿ ಅದಿಕಾರ್ ಚಾಲ್ವುಕ್ ಅನಿ ತೆಂಕಾ ಶಿಕ್ವುಕ್ ಮಿಯಾ ಬಾಯ್ಕೊಮನ್ಸಾಕ್ನಿ ಅವಕಾಸ್ ದಿ ನಾ; ತೆನಿ ಗಪ್ ರ್‍ಹಾವ್ಚೆ.
13 ಕಶ್ಯಾಕ್ ಮಟ್ಲ್ಯಾರ್ ಅದ್ದಿ ಆದಾಮಾಕ್ ರಚುನ್ ಹೊಲೆ, ಮಾನಾ ಎವೆಕ್,
14 ಆದಾಮ್ ಮೊಸಾತ್ ಪಡುಕ್ನಾ, ಬಾಯ್ಕೊಮನುಸ್ ಮೊಸಾತ್ ಪಡ್ಲಿ ಅನಿ ದೆವಾಚಿ ಗೊಸ್ಟ್ ತಿನಿ ಮೊಡ್ಲಿನ್.
15 ಖರೆ ವಿಶ್ವಾಸಾತ್, ಪ್ರೆಮಾತ್ ಅನಿ ಪವಿತ್ರಪಾನಾತ್ ಘಟ್ ರ್‍ಹಾಲ್ಯಾರ್, ಎಕ್ ಬಾಯ್ಕೊಮನುಸ್ ಪೊರಾಕ್ನಿ ಜಲಮ್ ದಿತಲ್ಯಾ ವೈನಾ ಬಚಾವ್ ಹೊತಾ.