101
ZABULI YA 101
(Zabuli ya Daudi.)
Nokwimba unogelo wako hawishaga na haki yako,
gweye Mndewa Imulungu nokwimbila lwila lwa nhogolwa.
Noigoga nzila igoloke.
Kokwiza lini kumwangu?
Niye nosang'hana kwa moyo unogile mng'anda yangu.
Sikwika mgameso gangu mbuli ya gehile.
Sang'hano ya awo otenda gehile noihila,
na niye siilumba na hewo bule.
Moyo wa udulu usegele kumwangu,
noinega na kila kinhu kihile.
Munhu yomdeta miyage niye nomsegesa,
simuleka imunhu yoitapa na mwene kibuli.
 
Nowalola kwa ganogile iwanhu otamanilwa,
ili wakale hamoja na niye.
Wanhu weli na mizoyo inogile awo onda wanisang'hanile.
 
Chakubimbi hakala bule mng'anda yangu,
Imunhu yolonga uvizi,
honda yeme kuulongozi wa meso gangu.
Imitondo mbaka imitondo nowabananga,
wanhu wose wehile mwiisi.
Nowatenda wainege wose otenda gehile,
okala kutali na buga da Mndewa Imulungu.