111
ZABULI YA 111
1 Mtogoleni Mndewa Imulungu!
Nomshukulu Mndewa Imulungu kwa moyo wangu wose,
mumting'hano wa iwanhu weli na mizoyo igoloke.
2 Sang'hano za Mndewa Imulungu ukulu bae,
wose ozideng'helela ozigelegeza.
3 Kila kinhu kiyotenda kimema ukulu na unovu,
haki yake yosigala milele.
4 Katenda sang'hano zake za unzonza zikumbukwe,
Mndewa Imulungu kanoga na kana bazi.
5 Kowagwaa ndiya awo omdumba,
haisemwa ng'o lagano jake.
6 Kawalagusila wanhu zake nguvu ya sang'hano zake,
kawagwaa uhazi wa iwanhu wayagwe uwe wao.
7 Sang'hano zake za haki na kweli,
malagizo gake gose gotamanilwa.
8 Malagizo gake gosigala siku zose na milele,
kagalonga mna ihaki na ukweli.
9 Kawakombola wanhu zake,
katenda nao lagano dikalaga milele.
Twaga jake ding'ala na dodumbigwa.
10 Kumdumba Mndewa Imulungu acho chandusilo cha ubala,
wose ogagoga malagizo gake ogweleligwa nzewele.
Nhogolwa zake zosigala milele.