114
ZABULI YA 114
Wanhu wa Izilaeli viwasegele Misili,
iwanhu wa ulelo wa Yakobo viwasegele mwiisi ya ugeni,
Yuda iwa kae ing'ala ya Imulungu,
Izilaeli iwa hanhu hake mwenyego.
 
Bahali igona gago ikimbila,
lwanda lwa Yolidani luleka kukilima!
Vigongo vizumha kamba ng'hondolo mbigalo,
visugulu vizumha kamba wana ng'hondolo.
 
Gweye bahali iwaze mbaka kokimbila?
Na gweye Yolidani habali koleka kukilima?
Mweye vigongo, habali muzumha kamba ng'hondolo mbigalo?
Na mweye visugulu, habali muzumha kamba wana ng'hondolo?
 
Gwaya gweye isi yose kuulongozi wa Mndewa,
gwaya kuulongozi wa Imulungu wa Yakobo,
heyo kadikwasa dibwe diwa lamba da mazi,
na dibwe dala diwa mbwibwi ya mazi!