123
ZABULI YA 123
(Lwila lwa kuchola uchanha.)
1 Nogenula meso gangu kumwako,
gweye ukala mkigoda cha undewa ako kuulanga.
2 Kamba vija meso ga wasang'hanaji vigolola mkono wa mkulu wao ili yapate kinhu,
kamba meso ga msang'hanaji wa ikitwanzi vigolola mkono wa mkulu wake wa ikitwanzi ili yapate kinhu,
vivo meso getu vigomulola Mndewa Imulungu, Imulungu wetu,
mbaka vonda yatonele bazi.
3 Utonele bazi, go Mndewa Imulungu,
utonele bazi siye,
kwavija tusitamili va ukutosha bezeli jao.
4 Tusitamili bezeli za wanhu wene kibuli,
na bezeli za wanhu oitapa.