3
ZABULI YA 3
(Zabuli ya Daudi mbuli ya kipindi viyamkimbile imwana Abisalomu.)*
 
Go Mndewa Imulungu, iwanhu onihila wengi ng'hani,
wanhu wengi ondema.
Wengi onongela, “Haduhu ukombola kumwake kulawa kwa Imulungu.”
 
Lakini gweye Mndewa Imulungu kwa ngao yangu kila mwambu,
kwa ukulu wangu, na konigangamiza.
Nimulilila Mndewa Imulungu,
na heyo kanidika kulawa kulugongo lwake lung'ala.
 
Nitambalala na kuwasa,
nilamuka kabili kwavija Mndewa Imulungu kanidahiza.
Siwadumba iwanhu maelufu kwa maelufu onihila wanizunguluke kila mwambu.
 
Go Mndewa Imulungu, winuke!
Nihonye gweye Imulungu wangu!
Gweye kowabena zisaya iwanhu wose onihila,
kowabena imizino iwanhu wehile.
Ukombola olawa kwa Mndewa Imulungu,
ukumweda kwako kukale kwa iwanhu wako.
* 3: Lola kitabu cha 2 Samweli 15-17.