5
ZABULI YA 5
(Zabuli ya Daudi. Kwa kilanja, yatumie filimbi.)
1 Utegeleze mbuli zangu,
gweye Mndewa Imulungu,
ulole kugutilila kwangu.
2 Utegeleze sauti ya kililo changu,
Mndewa wangu na Imulungu wangu,
gweye ayo nikupula.
3 Go Mndewa Imulungu, imitondo kotegeleza sauti yangu,
imitondo nokupula abaho nobeta.
4 Kwavija gweye huli Imulungu yodeng'helela gehile,
kumwako haduhu gehile.
5 Iwanhu oitapa hawadaha kwima wima kuulongozi wako,
gweye kowehila wose otenda gehile.
6 Kowabananga wose olonga uvizi,
Mndewa Imulungu kowehila wakomaji na wose obunyika wayagwe.
7 Lakini niye kwa unogelo wako hawishaga,
nokwingila mng'anda yako.
Nogwa kingubanguba kuulongozi wa ng'anda yako ing'ala,
kwa kukudumba gweye.
8 Go Mndewa Imulungu,
unilongoze kwa haki yako,
mbuli ya awo onihila,
unigolosele nzila yako kuulongozi.
9 Kwavija haduhu ukweli mmilomo yao,
mizoyo yao imema kubananga,
mitundu melo yao kamba panga hadisiligwe,
milimi yao imema uvizi.
10 Gweye Mndewa Imulungu uwakoboze kwa gehile gao,
wagwe kwa viseto vao vihile,
wawinge kunze mbuli ya ukumema kwa gehile gao,
kwavija wakulema gweye.
11 Lakini wose okukimbilila gweye wadeng'helele,
waleke wagute mizangi ya deng'ho siku zose.
Uweke goya wose odinogela twaga jako,
ili wadeng'helele mbuli yako.
12 Kwavija gweye Mndewa Imulungu,
kowatenda wamwede iwanhu wanogile,
kowakaliza kwa unogelo wako kamba kwa ngao.