92
ZABULI YA 92
(Zabuli ya siku ya kubwihila.)
1 Vinoga kumshukulu Mndewa Imulungu,
na kudimbila nhogolwa twaga jako,
gweye ukalaga Uchanha Ng'hani,
2 kuulonga unogelo wako hawishaga imitondo,
kutamanilwa kwako kipindi cha ikilo,
3 kwa kilimba kili na nzabi longo,
na kwa sauti ya bango.
4 Go Mndewa Imulungu,
nogezwa na sang'hano zako,
nokwimba kwa deng'ho mbuli ya sang'hano zako.
5 Go Mndewa Imulungu,
lola vizili ng'hulu sang'hano zako,
lola vigeli mazito magesa gako.
6 Zozolo hadaha kujuwa kinhu,
mbozi hadaha kujuwa gano,
7 kamba iwanhu wehile odaha kuzuka kamba mijani,
wose otenda gehile odaha kugendelela,
lakini kimambukizo chao obanangigwa milele.
8 Lakini gweye Mndewa Imulungu kwa uchanha milele.
9 Gweye Mndewa Imulungu,
wanhu okwihila obanangwa,
wose otenda gehile opwililika.
10 Gweye kunisagula kwa kunigidila mavuta ganogile uchanha yangu,
kunigwaa nguvu kamba za ng'ombe poli.
11 Meso gangu gawona iwanhu onihila walemelwa,
magwiti gangu gahulika kubanangwa kwa iwanhu otenda gehile kumwangu.
12 Wene haki omweda kamba mtende,
okula kamba mwelezi wa Lebanoni.
13 Okuwa kamba mibiki ihandigwe mng'anda ya Mndewa Imulungu,
omweda kuing'hambi ya Imulungu wetu.
14 Muuvele okuwa wang'hali olela matunda,
okuwa wabisi kuno wamema nguvu,
15 olonga, “Mndewa Imulungu katelela,
heyo ayo dibwe jangu, mmwake mduhu gehile.”