3
Yokomi mina Isireli, kulagaisi bulogala makwaina Guyau avaka ililivala paila yokomi boda mabudona budoveka eivisunupuloiyaimi metoya Itipita. “Yokomi kamimwaleta anikolaimi e anokapisaimi odubasi komwaidosi mina watanawa. Mauula mi mitugaga saina vakaigaga mapaila ibodaigu wala bamipukwaimi.”
Tovitoubobuta la wotetila
Ki, kudokaisiga taiyu tauwau bivitouulasi tavina bililoulasi kasitaiyu kidamwa gala ikugwa biluvatutasi?
Kaina ibodi laiyoni la gougwau sainela olawodila kidamwa gala bibani kala tau?
Makawala goli laiyoni nagwadi biguguvavila olumoulela nobwala kidamwa gala biyosi avai vavagi kaina?
Ki mauna biwai wa sikula kidamwa sikula makwaina gala deli mwakula?
Kaina sikula bikatuponinimakava kidamwa gala avai mauna bilebu?
Ki, ammakawala? Bitagilulu tauyela kabilia e tomotala valu gala deli kasi kokola?
Kaina tomotala valu gala bilumkolaisi vavagi mwau kidamwa Guyau biwitali mwau makwaina?
Paila avaka avaka Guyau Yaubada bivagi, tuta tuta biulaim nanola baisa matausina la towotetila, baisaga matausina tovitoubobuta.
Avai tuta laiyoni bigougwau, availaga gagabila biligaim kala kokola?
E avai tuta Guyau Yaubada bilivala, availaga gagabila bisilibodi paila bikamituli la biga?
Kala kamwaga Sameria
Kukwamitulaisi baisa availa availa matausina isisuaisi makwaisina ligisa mapilasina Itipita deli Asidodi,p kawami, “Kutogugulasi makwaisina koya itoulaisi itopataisi mina Sameria,q e baisa bukugisaisi si kowolova deli si mitugaga avaka avaka iuvagaisi.”
10 E Guyau ikaibiga, kawala, “Tomota iwawaiyasi ililebwaisi sesia si guguwa ivakasauwaisi si bwala makawala. Gala wala sitana bikatetasi bubunela duwosisia. 11 Mapaila tilaular bitoulaisi si valu biyogagaisi kasi kali paila kabilia, e bikoyaisi valu.”
12 E Guyau ikaibiga, kawala, “Makawala toyamata sipi ibani avaka laiyoni eikabogi, kaina kweyayu kwai kaina taigila pilakesa natana sipi, e makawala goli gala bibawasi kesala mina Sameria availa availa bimovasi. Tuta baisa ikanukwenusi kabasi saina bwainigaga, mitaga bogwa bikaligasi.” 13 E Guyau Giyouveka Topeuligaga bogwa eilivala, kawala, “Kulegasi, e bukubuyoyaisi matausina dalela Yekobe. 14 Yam makwaiwena wala bamipuki mina Isireli paila si mitugaga, e bakatudidaimi si kabolula mina Bedani. Katububulela si kabolula bakatudidaimi bikapusisi bila opwaipwaia e bikatumimisi. + 15 Bakatudidaimi si bwala makwaisina avaka eikaliaisi paila tula deli eikaliaisi paila yuviyavi. E makwaisina si bwala katububulela komwaidona veiguwa bikapusisi bikatumsumsoli biwokuva, e bwala kwevakaveka kwaitala kwaitala bikatudidaimi.”
p 3:9 Kugisi Emo 1.8. q 3:9 Mapilana viloumatala okabokwaraiwaga Isireli mapilana opiliyavata. r 3:11 Baisa mina Asiria. + 3:14 3.14 2 Gwe 23.15