☰ IBERU 5
5
1 E tolula toveka taitala mina Yudia binagaisi metoya baisa tomota wala e bisailisi kidamwa biwotitali Yaubada kaimapusi tomota komwaidosi. Mataunaga bikasali bobwailila deli lula baisa Yaubada paila tomota si mitugaga. 2 Matauna goli ilumkoli mwada bidubadu la mama, mapaila gagabila bikatuminum matausina tobubeikam deli tosulosula. 3 Matauna goli tomama, mapaila ibodi wala bikasali lula gala paila tomota si mitugaga wala, mitaga deli goli matauna titoulela la mitugaga. + 4 Gala availa bilupi titoulela wala mwada bikau kala kamaiaba tolula toveka la wotetila, e mesinaku wala Yaubada bidoki matauna tolula toveka, makawala eidau Eroni.t+
5 Makawala goli, Keriso gala eilupi titoulela wala mwada bikau kala kamaiaba tolula toveka la wotetila. Mitaga Yaubada iluki matauna, kawala, +
“Yoku Latugu.
Yam lagaila lamili Tamam.”
6 E tuvaila ilivilavau mapilana tuwoli, kawala, +
“Yoku tolula tosivagasi,
olumoulela tolula ola boda Melikisedeki.”u
7 Matauna Yesu igau tomomova odabala pwaipwaia la ninigada goli deli la kapuloki metoya okaigala kaigaveka deli mitilagila baisa Yaubada kidamwa matauna bikoli mwada gala bikaliga. Matauna Yesu tomanum wala deli la taimamila, e Yaubada bogwa eilagi matauna. + 8 Kalubikoya matauna Yaubada Latula, matauna ikateta ammakawala bikabikaula metoya okala mmayuyu. 9 Avai tuta Yaubada ikabwaili Yesu, ivigaki matauna makawala uulela katumova kwekanigaga, paila goli matausina availa availa bikabikuwolaisi matauna. 10 E Yaubada ikayoti Yesu bimila tolula toveka, olumoulela tolula ola boda Melikisedeki.v
Kidamwa totapwaroru bipakaisi Yaubada
11 Yakamaisi mwada bakalivalaisi vavagi bidugaga paila baisa. Mitaga makwaina saina mwaugaga bakakatumikaisi baisa yokomi, uulela saina kasai ninami bukukwatetasi. 12 Tuta baisa bogwa ibudoki tuta bukutovitulokisi. Mitaga ibodaimi wala taitala bivitouli kami vituloki paila Yaubada livalela bwaina. Mwada baisa tuta bukukwamsi kʹami kwekikasaiw mitaga gala. Igau wala lokunununusi wa nunu. + 13 Availa availa bikikavatowasi wa nunu, matausina igau wala gugwadi, gala wala sitana ikatetasi nanamsela bwaina kaina gaga. 14 Mitaga kaula kwekikasai bibodi tovakaveka. E tapwaroru kala tovakaveka baisa matausina imlimwelisi kidikedala tapwaroru tuta tuta. Mapaila bogwa ikatetasi avaka bibodi totapwaroru tovakaveka si bubunela deli ninasi. Mauula bogwa igisimlilaisi avai vavagi bwaina deli avai vavagi gaga.
+ 5:3 Tol 9.7 t 5:4 Matauna Mosese bodala, matauna goli Tolula Toveka tomatala (kugisi Sun 28.1-2). + 5:4 Sun 28.1 + 5:5 Sam 2.7 + 5:6 Sam 110.4 u 5:6 Kugisi Ib 7.1-19. Mapilana Kabutubogwa ikaibiga kidamwa matauna taitala tolula tobogwa wala, igau gala bikaloubusi Eroni. Mitaga gala avaka liliula paila tubula kainaga la kaliga (kugisi Vit 14.17-20). + 5:7 Md 26.36-46; Mk 14.32-42; Lk 22.39-46 v 5:10 olumoulela tolula ola boda Melikisedeki. Gagabila bitagini, “makawala Melikisedeki” kaina “bibokuli tobogwa Melikisedeki”. w 5:12 Kaula eivigaki kabutuvitusila vituloki. Nunuwokuva wala ikibuboti uulela tapwaroru kaina kala vitouula kidikedala tapwaroru, mitaga kʹasi kwekikasai ikibuboti tapwaroru kala tovakaveka kasi vituloki. Togini iluki matausina kidamwa osi tapwaroru ibububunasi makawala gugwadi, gala makawala tovakaveka (kugisi Ib 6.1). + 5:12 1 Kr 3.2
☰