33
Mapaila Yobi, baisa tuta, kunakaigali bibwaina komwaidona ulo biga avaka balukwaim.
Yeigu ulo bigatona bogwa lakatubiasi onanogu avaka balivali.
Komwaidona ulo biga kamokwita wala,
e yeigu lalilivala biga mokwita.
Yaubada la baloma ibubulaigu e isakaigu ulo momova.
 
Mwa, avaka m nanamsa kukwatubaiasa,
e kidamwa ibodi bukumapu ulo biga, bwaina wala.
Ka, yoku, deli yeigu, makawala wala omatala Yaubada,
kadataiyu wala eibubulokaida metoya pwaipwaia.
Mapaila gala wala avaka uula bukukukolaigu,
yeigu gala ibodi bakadubalaim.
 
Ka, baisa makawala lanakaigalaim lokulivala,
kawam, “Yeigu gala wala isim pikolela wowogu;
deli gala wala avai sula avagi.
Yeigu tobwaila deli gala ayomituli avai mitugaga.
10 Mitaga Yaubada iuvitoki wala ammakawala biyogagaigu
deli ivigakaigu makawala kala tilaula yeigu.
11 Matauna iyuwoli kaikegu oyuwoyoula
e imitakavati ulo motatina komwaidona.” +
 
12 Mitaga ka, Yobi, biga mokwita alukwaim bogwa lokusula.
Yaubada gala makawala tomota, matauna saina walakaiwa sainela.
13 Avaka paila kutabinaki Yaubada mwada gala avai tuta
imapu taitala tau la biga?
14 Ilagoli Yaubada tuta komwaidona bililivala wala
mitaga gala wala availa inakaigali avaka la biga.
15 Avai tuta tomota bimasisisi wa bogi,
e Yaubada bibigitoni metoya wa mimi deli okilisala. +
16 Matauna ivigaki matausina bilagaisi la biga,
mitaga matausina ivigaki kasi kokola avaka la katuloluta.
17 Yaubada iluluki matausina bisimwaisi mitugaga,
e bikoli matausina taga bikaiveka ninasi.
18 Matauna gala bitagwala bikatumataisi;
mitaga ikoli matausina metoya okaliga.
19 Yaubada biyokili matala taitala tau metoya lelia,
e ivigaki wowola bikikamkumku wala biwokuva.
20 Tokatoula matauna kala kaitubwa bitamwau
kidamwa bigisi kaula kalamatabwaila bidoki kala mineina wala.
21 Wowola bikikisi wala gagainawokuva
totuwanela bisisilasi wala biwokuva;
22 e la tuta bogwa eivakatitaikina bikaliga.
 
23 Kaina taitala anelosi ibodi bima bipilasi matauna -
anelosi matauna bima oluwalaisi lakatuluwovila Yaubada la anelosi,
matauna goli isim la koni bikatululuwai tomota paila avaka bibodi si wotetila.
24 Anelosi matauna deli la nokapisi bilivala kawala,
“Kutaneku matauna! Matauna gala bikaliga.
Ka, baisa yuvisala yamam e kutaneku matauna.”
25 Matauna wowola bitakasa deli bipeula tuvaila;
26 e avai tuta binigada, Yaubada bivitakauloki matauna;
e matauna deli la mwasawa bitemmali Yaubada.
E Yaubada tuvaila bikiduwosisii vavagi komwaidona paila matauna.
27 E oluwalaisi tomota matauna bilivala kawala,
“Bogwa lamitugaga deli bogwa lasula, mitaga Yaubada ikolaigu.
28 Matauna ikolaigu gala akaliga;
e tuta baisa asisu wala tomomova.”
 
29 Yaubada tuta komwaidona iuvagi wala makawala;
30 matauna ikoli taitala tomota la momova,
e ivigaki matauna bimwasawa ola tuta komwaidona.
 
31 Mapaila Yobi, kunakaigali avaka lalilivali;
kukwapatu e balivalaga.
32 Mitaga kidamwa avaka sitana m nanamsa bukulivala,
bwaina kulivala balagi;
e yeigu deli ulo mwasawa bakabwailim.
33 Mitaga kidamwa gala, desi wala kukwapatu e kunakaigalaigu,
e yeigu bavitulokaim ammakawala bukukwabitam.
 
+ 33:11 33.11 Yob 13.27 + 33:15 33.15 Yob 4.13