7
Momova baisa ovalu watanawa kala mwau
makawala kumatoula saina tokasai bikaraiwogi tomota bikatubaiasasi paila kabilia
kaina makawala tomota biyomadaisi si tuta komwaidona metoya paisewa saina mwauvagasi
E momova kaina makawala taitala ula ininainevi kaikonigula mwada bivaiwasi
kaina goli makawala taitala topaisewa itulotula wala mwada bikeula mapula la paisewa.
Yeigu tubukona tubukona gala avai vavagi bwaina babani avai tuta goli.
Bogi kwaitala kwaitala alumkoli ninamwau wala.
Avai tuta bakenu mwada bamasisi,
agu lumkola bogi saina kwaiwonaku biyam.
Bogi komwaidona akanuvivila wala akamamalu nani biyam.
Wowogu ikasewoki mwatemwata.
Kanuvinegu nebanebawokuva wala.
Agu pwasa ibubusi wala polala.
Ulo tuta komwaidona iukuwokuva gala wala ulo pikwaku,
Tuta kala nanakwa iukuwokuva saina nanakwa goli gala gagabila bitakalau.
 
O ulo Yaubada, kululuwai ulo momova makawala yagisa;
e ulo momova kala mwamwasila bogwa eikalituli.
Baisa tuta lokugigisaigu e avai tutaga bakaliga gala wala tuvaila bukugisaigu.
Kidamwa bukunevaigu, bogwa goli batamwau.
9-10 Makawala wala lowalowa yagila biyuvisau e bilau,
taitala tomota avai tuta bikaliga gala goli bikaimilavau
e sala availa availa inikolaisi matauna bogwa wala bilumwelavaisi.
11 Mwa! Gala wala ibodi bakikwatu!
Yeigu bogwa lagibuluwa deli agu leiya.
Mapaila ibodi wala balilivala.
 
12 Avaka paila tuta komwaidona bukuyausaigu wala?
Ki, kudoki yeigu makawala natana maunela bolita minasina dokanikani?
13 Bakenu mwada bavaiwasi
e anainevi ammakawala agu gidageda bimanum.
14 Mitaga yoku wala - e matoulem wala bukuvitukukolaigu metoya wa mimi;
yoku kukwatumitilakaigu metoya kilisala deli mimi gaga
15 tatoula wala bivigaki makawala bikaliboda kukugu bakaliga
e gala tuvaila basisu makawala agu gigisa saina mwaugaga.
16 Mwa, bogwa eigwegwesi wowogu; deli bogwa eisomitaki wowogu.
Taga bukuyogwegwesaigu. Ulo momova gala isim dimlela.
 
17 Avaka paila tomota kuvigaki saina dimlela?
Avaka paila bukugigisaki wala matauna metoya avaka avaka biuvagi? +
18 Yoku kuvakawoli wala matauna kaukwau kwaitala kwaitala
e kuwakoli wala matauna tuta komwaidona.
19 Ki, gala sitana bukugisilavaigu
tatoula wala bakapu duwoyagu?
20 Yoku saina togisatobu. Ki, sitana iyomwauwaim paila ulo mitugaga?
Deli avaka paila kuvigakaigu m komsilawa?
Ki kaina saina ayomwauwaim?
21 Ki, gala avai tuta bukuligaiwa ulo mitugaga?
Kaina bukulumwelavi ulo sula?
Ka makateki wala bakaliga,
e kidamwa bukunevi paila yeigu,
ka, yeigu bogwa batamwaubogwa goli.
+ 7:17 7.17 Sam 8.4; 144.3