2
Youna la nigada
1 Yena olopola, Youna inigada baisa Guyau la Yaubada. Ikaibiga, kawala,
2 “Bogwa alumkoli agu mmayuyu mapaila ladouwaim yoku Guyau,
e lokumapu ulo biga.
Wa Tuma lasisu adoudou mwada bukupilasaigu,
e kaigagu bogwa lokulagi.
3 Bogwa kulavaigu otulubwabwau
e ala otukutaku yelu itavinaigusi.
Kaisai kala kawoula komwaidona odabagu ikatutuwolaigu.
4 Nanogu adoki bogwa latamwau metoya omatam,
deli adokila gala bagisivau m Bwala Kwebumaboma.
5 Paila sopi bogwa leikubolaigu deli itabodi ulo yagisa.
Bolita ikubolaigu deli doudom ikatukwani okulugu.
6 Bogwa labusi osikowala koya,
valu makwaina kala taboda ikatubodivigasi.
Mitaga yoku Guyau ulo Yaubada,
yoku kukwaimilivauwaigu metoya wa lagi kidamwa bamova.
7 Tutala alumkoli ulo yagisa ikusokusa,
e ulo Guyau anigadaim,
e metoya om Bwala Kwebumaboma kunakaigalaigu.
8 Matausina ititapwarorusi baisa tokolu gala isim dimlesi,
e matausina bogwa eiulilavaimsi.
9 Mitaga yeigu bawosi kam yakaula.
Bogwa basakaim kam lula,
e bogwa bavagi makawala ulo biga katotila.
Katumova leima metoya baisa Guyau.”
10 Mapaila Guyau ikaraiwogi yena, e minana ilagobi Youna e ikasau ila okawolawa.