18
Ibodi bikabomaisi titoulesi metoya ulatilamakava
E Guyau iluki Mosese biluki mina Isireli kawala, “Yeigu goli Guyau mi Yaubada. Gala bukukwavisakaisi si bubunela mina Itipita, mapilana goli okwaitala lokusisuaisi okatupipi, kaina bukukwavisakaisi si bubunela mina Kenani, ambaisa balauwaimi tuta baisa. Ibodi bukukwabikuwolaisi ulo karaiwaga deli kuvagaisi avaka bakaraiwogaimi. Yeigu goli Guyau mi Yaubada, mapaila kukwavisakaisi avaka lalukwaimi deli kuvagaisi avaka ulo karaiwaga lakaraiwogaimi; paila kidamwa bukuvagaisi makawala bukumovasi. Yeigu goli Guyau.” +
E Guyau iluki karaiwaga makwaisina. Gala bukumokaia dalem titoulem. Gala goli bukuyomsili tamam metoya bukumokaia inam tatoum. Gala goli bukuyomsili inam tatoum. Kidamwa tamam la kukova bidubadu, gala bukumokaia minasina. + Gala bukumokaia lumta tatoum kaina lumta minana inala ituwoli e tumamiga taitala, kaina omi kaukweda tumami eiuni kaina ituwoli kaukweda. + 10 Gala bukumokaia tabum vivila, minawena latum latula, paila baisa bukuyomsilaim wala titoulem. 11 Deli kidamwa tamam bivaivau e biuni latula vivila, gala bukumokaia minana, paila minana lumta goli. 12-13 Gala bukumokaia tamam luleta kaina inam tuwala deli bodala. + 14 Gala bukumokaia kadam la kwava paila minana bukudoki inam goli. 15 Gala bukumokaia latum la kwava + 16 kaina tuwam kainaga bodam la kwava. 17 Gala bukumokaia latula kaina tabula vivila minana bogwa lokumokaiabogwi; paila minasina buyavim, paila baisa bivigaki bogwa lokukwavi kam kwaboma titoulem. 18 Kidamwa m kwava igau namomova isisu gala bukubuluvavaia bodala kaina tuwala.
19 Gala bukumokaia vivila minana igau wala buyavila eititalagila paila minana saina wala napupagatu. 20 Gala bukukwailasi som la kwava paila baisa bukuyogwalaim wala titoulem. 21 Gala bukutugwali taitala latum bigubukwaisi lula baisa yaubada tokolu yagala Moleki, paila baisa bivigaki saina kabommosila oyagala Guyau Yaubada. + 22 Gala ibodi tau bimisii sola tau, paila Yaubada ikamogi nanamsa makawala. + 23 Gala tau kaina vivila ibodi bikatumwakula deli mauna, paila nanamsa makwaina saina doudoga biyopigigataim titoulem. +
24 Gala bukuyogwalaimi titoulemi metoya kwaitala nanamsa makwaisina, paila baisa makawala matausina gala inikolaisi Yaubada leiyogwalaisi titoulesi, matausina goli leisibogwasi ovalu mapilana, e Guyau igau bibokavili bibutusi igagabilaga yokomi bukusuvisi. 25 Si kedakeda gaga ivigaki iyopigigataisi valu mapilana, mapaila Guyau imipuki valu mapilana, e tomotala eisisuaisi ivabutu ibutusi, kidamwa goli yokomi bukusuvisi mapilana. 26-27 Matausina eivagaisi vavagi komwaidona makwaisina saina kabokakayuwa e ivigaki iyopigigataisi valu mapilana, mitaga yokomi gala wala ibodaimi bukuvagaisi vavagi makwaisina. Komwaidomi wala kaina yokomi mina Isireli kaina togilagala matausina eisilomlasi deli yokomi, ibodi bukukwabikuwolaisi Guyau la karaiwaga avaka leikaraiwogaimi, 28 e valu mapilana gala bipakaimi makawala leipaiki matausina tosibogwa gala inikolaisi Yaubada. 29 Bogwa kunikolaisi kidamwa availa bivagi kwaitala vavagi makwaisina saina kabokakayuwa, matauna gala tuvaila bidokaisi taitala Yaubada la tomota.
30 E Guyau ikaibiga kawala, “Kukwabikuwolaisi karaiwaga makwaisina lasakaimi, e taga bukubokulaisi si kedakeda tomota matausina eisibogwasi valu mapilana, deli taga bukuyogwalaimi titoulemi metoya bukukwavisakaisi kwaitala vavagi makwaisina. Yeigu wala Guyau mi Yaubada.”
+ 18:5 18.5 Nie 9.29; Isi 18.9; 20.11-13; Lk 10.28; Rm 10.5; Gl 3.12 + 18:8 18.8 Tol 20.11; Kak 22.30; 27.20 + 18:9 18.9 Tol 20.17; Kak 27.22 + 18:12-13 18.12-14 Tol 20.19-20 + 18:15 18.15 Tol 20.10 + 18:21 18.21 Tol 20.1-5 + 18:22 18.22 Tol 20.13 + 18:23 18.23 Sun 22.19; Tol 20.15-16; Kak 27.21