21
Yesu isila wa ase iviloubusi Yerusalem
(Mk 11.1-11; Lk 19.28-40; Yn 12.12-19)
Bogwa imaisi katitaikinela Yerusalem. Iviloubusisi Bedipeigi wa Koya Umilela Olibe,c e Yesu iwitali taiyu toligalega. Iluki matausina, kawala, “Kuviloubusisi valu makwaina omitami, e bogwa bukubanaisi natana ase isikolaisi e nagwadi itoviduli minana. Kutanekwaisi minasina, kumiakaigusi. Kidamwa availa bilukwaimi avaka, bukulukwaisi matauna, kawami, ‘Tomoyad magila minasina’, e nanakwa bitugwali minasina bukumaiyaisi.”e
Baisa ikaloubusi kidamwa avaka tovitoubobuta ilivala gala bisala,
“Kulukwaisi mina Saiyoni,
Ka, m Kini eimaima baisa yoku,
tomanum, leisila wa ase,
e wa ase nagwadi leisila.” +
E toligalega ilosi, ivagaisi makawala Yesu iluki matausina. Imaiyaisi ase deli nagwadi. Isailisi kasi kwama otupwasi minasina, e Yesu isila. E saina tobobawa iyavaisi kasi kwama wa keda; mimilisi tuvaila iteyasi sisila kai iyavaisif wa keda. Saina tobobawa omatala matauna deli otuboulola ililoulasi deli Yesu ivatalasi, kawasi, “Osana baisa Latula Debida; Yaubada biyomwasali matauna imaima ikikavitagi yagala Guyau. Osana saina walakaiwa sainela.” +
10 E bogwa leiviloubusi Yerusalem, viloumwaidona valu itatatuva uwosi, ikaibigasi, kawasi, “Avai tau matauna?”
11 E tobobawa ivitakaulokaisi, kawasi, “Matauwena Yesu tovitoubobuta, tolela Nasaredi mapilana Galili.”
Yesu ikatumigileu Bwala Kwebumaboma
(Mk 11.15-19; Lk 19.45-48; Yn 2.13-22)
12 Yesu isuvi Bwala Kwebumaboma, iyobutubutu matausina igigimwalasig wa Bwala Kwebumaboma, ikatukovi si kabosakaila mani matausina tokwatumapu manih deli kabasi matausina igigimwalasi bubuna. 13 E iluki matausina, kawala, “Buki Pilabumaboma kala ginigini isisu, ‘Yaubada kawala, Ulo bwala bidokaisi bolela nigada.’ Mitaga yokomi kuvigakaisi si kabosisu tolibulebu.” +
14 Tokwau toyo topem imakaiasi matauna wa Bwala Kwebumaboma; e ikatumovi matausina. 15 Mitaga tolula kasi tokugwa toyo toninitalapula paila Karaiwaga igibuluwasi tutala igisaisi vavagi siligaga ivagi toyo gugwadi ivatalasi Bwala Kwebumaboma olumoulela, kawasi, “Osana baisa Latula Debida.” Italosisisi, 16 ilukwaisi matauna, kawasi, “Kulagi avaka ilivalasi ke?”
Yesu iluki matausina, kawala, “Taga. Ki, gala sitana Buki Pilabumaboma kukwalawasi, ‘Lokuvituloki gugwadi toyo gudinununu biyakawolaimsi.’ ” +
17 E isilavi matausina, iulilavi valu makwaina ila Bedani,i ikanawa.
Seuseu imwailela
(Mk 11.12-14,20-24)
18 Igau eiyam kaukwau Yesu ikaimilavau ovilouveka, e ikamolu. 19 Igisi kaitala seuseu osiusiula keda, ilokaia makaina, mitaga gala avaka ibani baisa mitaga yekwesiwokuva; e iluki makaina, kawala, “Gala tuvaila bukuuwa lagaila yumyambwata.” E nanakwa seuseu imwailela.
20 Toligalega igisaisi baisa, itutu uwosi, ikaibigasi, kawasi, “Ammakawala seuseu nanakwa imwailela?”
21 Yesu ivitakauloki matausina, kawala, “Kululuwaisi baisa! Kidamwa kudubumaisi, e gala kuninayuwasi, gagabila bukuvagaisi makawala avaka lavigaki makaina seuseu; e tuvaila kidamwa bukulukwaisi koya makwaina, ‘Kumoliku kula kukwapusi obolita,’ e bivagi makawala. + 22 Kidamwa kudubumaisi bogwa bukubanaisi avaka avaka lokusavalaisi omi ninigada.”
Inevisi avai karaiwaga Yesu iuvagi
(Mk 11.27-33; Lk 20.1-8)
23 Isuvi wa Bwala Kwebumaboma, iuvituloki; e tolula kasi tokugwa deli kaidadala valu imakaiasi matauna, e ikatupoiyaisi, kawasi, “Avai karaiwaga kuvagi vavagi makwaisina? Availa isakaim kwaraiwaga makwaina?”
24 Yesu ivitakauloki matausina, kawala, “Yeigu tuvaila bakatupoiyaimi kwaitala katupoi; e kidamwa bukumapwaisi, yeigu tuvaila bakamituli avai karaiwaga avagi makwaisina vavagi. 25 Yoni kala karaiwaga paila bapitaiso ammetoya? Metoya baisa Yaubada kaina metoya baisa tomota?”
Ititamapusi titoulesi, kawasi, “Kidamwa bitakaibigasi, ‘Metoya baisa Yaubada,’ matauna bilukwaidasi, ‘Avaka paila gala kudubumaisi Yoni?’ 26 Mitaga kidamwa bitakaibigasi, ‘Metoya baisa tomota’, takukolaisi tobobawa, paila komwaidosi idokaisi Yoni tovitoubobuta.” 27 E ivitakaulokaisi Yesu, kawasi, “Gala kanikolaisi.”
E iluki matausina, kawala, “Yeigu makawala goli gala balukwaimi avai karaiwaga avagi vavagi makwaisina.
Taitala tau litula taiyu kala bigavisaiki
28 “Kwatulaimi? Taitala tau litula taiyu; matauna imakaia molitomoya, ikaibiga, kawala, ‘Latugu, kula kubagula obigulela waini lagaila.’ 29 E ivitakauloki, kawala, ‘Apaiki’; mitaga oluvi ininavila, e ila. 30 Imakaia molagwadi, iluki makawala. Ivitakauloki, kawala, ‘Tomoya bala’; mitaga gala ila. 31 Availaga matausina ivagi nanola tamala?”
Ikaibigasi, kawasi, “Matauna molitomoya.”
Mapaila Yesu iluki matausina, kawala, “Kululuwaisi baisa - tokougugula pokala toyo tokwalimwala ikugwaiyaimi isubogwasi ola Karaiwaga Yaubada. 32 Paila Yoni imakaiami ivitulokaimi avai keda ibodi mi kaisisu, e gala kudubumaisi matauna; mitaga tokougugula pokala toyo tokwalimwala idubumaisi matauna; e yokomi, kugisaisi baisa, mitaga oluvi gala kuninavilasi, kidamwa bukudubumaisi matauna. +
Bigulela waini toyo tobigubagula kala bigavisaiki
(Mk 12.1-12; Lk 20.9-19)
33 “Kulagaisi bigavisaikij tuvaila. Taitala tolibagula ibiguli bigulela waini, ipali kala kali bitavina, ikeli mesila waini kidamwa tomota bipolaisi waini, ikaliai buliyamata; e bagula makwaina ikabutu baisa tobigubagula, e matauna ila ituwoli valu. + 34 Igau bogwa katitaikina kala kweluva kaiuwala, iwitali la touwata baisa tobigubagula kidamwa bikauwaisi kawailuwa paila kala vilavila. 35 E matausina tobigubagula iyosisi la touwata, iwaiyasi taitala, ikatumataisi taiyuwela, e taitolula ikabidikunaisi. 36 Tuvaila iwitali touwata ituwoli, kasi bawa ikalisau tolobogwa; e ivigakaisi makawala baisa matausina. 37 Oluvi iwitali latula baisa matausina, ikaibiga, kawala, ‘Adoki kaina bitemmalaisi latugu.’ 38 Mitaga tutala igisaisi latula, tobigubagula ikaibigasi titoulesi, ‘Matauna kaikeyala; kumaisi, takatumataisi matauna, kidamwa bitayoulisi da bagulasi.’ 39 Iyosisi matauna, ilavaisi otokeda bigulela waini, ikatumataisi matauna.”
40 E Yesu ikatupoi matausina, kawala, “Mapaila tutala tolibagula bima, avaka bivigaki matausina tobigubagula?”
41 Ivitakaulokaisi matauna, kawasi, “Matausina saina tomitugaga mokwitala bikatumtuwoli e bikabutuvau bagula baisa tomota ituwoli, kidamwa matausina bisakaisi tolibagula kala vilavila kawailuwa okala kweluva.”
42 Yesu iluki matausina, kawala, “Gala sitana kukwalawasi wa Buki Pilabumaboma ke? Paila kala ginigini isisu, +
‘Dakuna itakilaisi tokwaliai bwala,
makwaina ivigaki makawala lipumatala.
Baisa ivagi Guyau.
Makwaina kabokatubau omatadasi.’
43 “Mapaila alukwaimi, Yaubada bikau la Karaiwaga metoya baisa yokomi, e bisaiki tomota ituwoli, availa goli bivitulokaisi bubunela ibodi Yaubada la Karaiwaga, makawala bitagisi kaiuwala bibodi kaitala kai.”k
45 Tutala tolula kasi tokugwa deli Parisi ilagaisi Yesu la bigavisaiki makwaisina, inikolaisi Yesu ilivala paila kasi tabilibili. 46 Mitaga tutala ikimalalasi mwada biyosisi matauna, ikukolaisi tobobawa, paila idokaisi matauna tovitoubobuta.
c 21:1 Koya makwaina katitaikinela mapilana Yerusalem opilibomatu e sakala Kidironi mapilana ewaiwa. d 21:3 Tomoya.Gagabila bitagini “Matauna tolimauna”. e 21:3 “Tomoya magila minasina”; e nanakwa bitugwali minasina bukumaiyaisi.Gagabila bitagini, “ ‘Tomoya magila minasina e nanakwa bikaimilivau minasina.’ ” + 21:5 21.5 Sek 9.9 f 21:8 Baisa makawala mina Yudia mimilisi tuta biyakawolaisi taitala toveka, makawala yakidasi takatugogovasi omatala guyau. + 21:9 21.9 Sam 118.25,26 g 21:12 Togimwala mwada bipilasaisi totapwaroru, paila uula bidubadu leimaisi metoya saina kaduwonaku, e binainevisi igimolaisi avai mauna bibudoki bilulasi wa Bwala Kwebumaboma. h 21:12 Bidubadu totapwaroru metoya wa boda ituwoli ituwoli e si mani migila kala gigisa ituwoli ituwoli. E kidamwa magisi bisemakavisi kaina bigimolaisi mauna paila lula, ibodi biyosisi oyumasi manila Bwala Kwebumaboma. E baisa uula mabudona tokwatumapu mani isisuaisi baisa. + 21:13 21.13 Ais 56.7; Yer 7.11 + 21:16 21.16 Sam 8.2 i 21:17 Mapilana valu katitaikina Yerusalem opilibomatu, kala kaduwonaku Oyabia bitala Gumilababa (3 km). + 21:21 21.21 Md 17.20; 1 Kr 13.2 + 21:32 21.32 Lk 3.12; 7.29-30 j 21:33 Kugisi Md 13.3 kala katumiki. + 21:33 21.33 Ais 5.1-2 + 21:42 21.42 Sam 118.22-23 k 21:43 Mimilisi wala buki pilabubogwa eikatumkulovaisi mailela 44, iginisi, “ 44 Availa bikapusi odakuna makwaina, dakuna bikatumimisi matauna. Mitaga kidamwa dakuna bikapusi baisa availa, bogwa bikatumkumku matauna.” (Kugisi Lk 20.18.)